Faamaumauga o A‘u Tuipuipui | My Covid Record

Saili i faamatalaga o maua e te iloa ai le faaaogāina o le upegatafailagi My Covid Record, e mafai ai ona e maua faamatalaga o faamaumauga o au tuipuipui o le COVID-19.

O le tuatusi o le mycovidrecord.health.nz (external link) ma e mafai ona maua i soo se laptop, komepiuta po o se smart phone.

Faamatalaina o le My Covid Record

O le My Covid Record o se upegatafailagi e mafai ai ona e siaki ma talosaga mo faamaumauga o au tuipuipui o le COVID-19 ma e iloa ai iuga o au siaki o le COVID-19 na fai. O le upegatafailagi lenei, e mafai ai ona e:

  • Talosaga mo faamaumauga o au tuipuipui o le COVID-19 - e aofia ai le numera faamauina, numera o le tui, igoa o le tuipuipui ma le kamupani na gaosia mai ai, ma soo se tuipuipui na fai i isi atunuu na e talosaga e faaopoopo i au faamaumauga faasoifua maloloina. Afai e te moomia tulaga nei mo se isi tagata, vili le 0800 222 478.
  • Talosaga mo se My Vaccine Pass - o se faamaumauga aloaia o tulaga o au tuipuipui o le COVID-19 e faaaogā i Aotearoa Niu Sila. E mafai ona e talosaga mo oe lava po o se isi tagata.
  • Talosaga mo se International Travel Vaccination Certificate - e faamaonia ai tulaga o au tuipuipui i atunuu mamao. E mafai ona e talosaga mo oe lava po o se isi tagata.
  • Tagai i iuga o au siaki o le COVID-19 na fai.
  • Tuuina mai iuga o lau Rapid Antigen Test. E mafai ona e faaopoopoa i ai iuga o se siaki mo oe lava po o se isi tagata.

Auala e lesitala ai mo lau My Covid Record

O soo se tasi i Niu Sila ua atoa le 12 tausaga le matua pe luga atu e mafai ona lesitala e faaaogā le My Covid Record: Aua e te faailoa i se isi lava tagata lau My Covid Record login ma le password.

  1. Tagai i le mycovidrecord.health.nz (external link) ma oomi pe kiliki le Sign Up. O le amataga mai lea o le faiga o lau My Health Account – e mafai ona e maua i luga o le initaneti faamatalaga o lou soifua maloloina. E moomia ona iai sau oe lava imeli e fai ai se account. E mafai ona faamaonia se account i nisi o auala nei:
    • O se laisene avetaavale Niu Sila, tusifolau, pepa fanau po o le pepa faamaonia o le sitiseni, po o se tusifolau po o se pepa fanau Ausetalia.
    • Tusiaina o faamatalaga o le nofoaga o tausia lou soifua maloloina
    • O se real me account ua uma ona faamaonia
  2. Tatala le My Covid Record e faaaogā ai lau My Health Account username ma le password po o lau Real Me login ma le password.
  3. A mae‘a loa ona e tatala lau My Covid Record ona mafai loa lea ona e tagai i au faamaumauga o le COVID-19.

A e vaaia se mea o sese ona faamaumau, e mafai ona e faatumua faamatalaga i luga o le initaneti i le pepa e ta‘ua o le Change of details form, pe imeli mai i le help@mycovidrecord.min.health.nz

Afai o iai se faaletonu i le tau talosaga o se pass po o se faamaumauga mo se isi tagata e mafai ona e telefoni: 0800 222 478 (8am i le 5pm, Aso Gafua i le Aso Faraile)

Afai o iai se faaletonu i le tau tuuina mai o se rapid antigen test mo se isi tagata e mafai ona e telefoni: 0800 555 728 (8am i le 8pm, Aso Gafua i le Aso Faraile)

Last updated: at