Faiga o lou tui o le booster | Getting your booster dose

Malamalama i le aogā o boosters mo tuipuipui o le COVID-19, pe a e moomia ma le faiga e faia ai.

Faamatalaina o tui o le boosters

Afai ua 16 tausaga o lou matua ma luga atu, ua e agavaa mo le faia o se booster o le tuipuipui o le COVID-19.

Afai ua 18 tausaga o lou matua ma luga atu, e mafai ona e faia se booster pe a mavae le 3 masina talu ona fai le tui autu.

Afai ua 16 pe 17 tausaga o lou matua, ua e agavaa mo le faia o lau booster pe a mavae le 6 masina talu ona fai le tui autu o le tuipuipui o le COVID-19.

E lē faamalosia le faia o tui o le booster ma e lē moomia e maua ai se Vaccine Pass. Afai o le a fai sau tui o le booster, o le a faaopoopo i au faamaumauga o tusia i lau My Covid Record ma e mafai ona e toe faia ai se isi Pass.

Afai ua e maua i le COVID-19, e tatau ona e faatali mo le 3 masina talu ona maua atu se faamaoniga ua e aafia a o le i faia soo se tuipuipui o le COVID-19.

O auala nei e mafai ona faia ai sou tui o le booster:

  • o se nofoaga e faia ai tuipuipui ma e lē tau faatonuina ai sou avanoa
  • faatulaga se taimi e vaai ai lau fomai, pe afai e saunia e lau fomai tuipuipui o le COVID-19
  • faatonu se avanoa e auala atu i le Book My Vaccine pe vili le 0800 28 29 26.

Book My Vaccine (external link)

Saili i lau My Covid Record

La‘u Vaccine Pass

O le ā le tuipuipui e tuuina atu ia te oe?

O le tuipuipui autu o faaaogā i Niu Sila mo boosters o le Pfizer, tusa lava pe afai e ese le tuipuipui na tuuina atu muamua ia te oe.

Tuipuipui o le Pfizer

O le malosi o boosters

E ui i puipuiga e maua mai tuiga e lua e tetee atu ai i le ogaoga o le faama‘i mai suiga eseese o le siama o le COVID-19, o le Delta ma le Omicron mo sina taimi, ae ono sili atu le malosi o le puipuiga pe a fai le booster.

Ua faailoa mai faamaoniga ua maua i le taimi nei e faaitiitia le malosi o le puipuiga o oe mai le pesia i le faama‘i a o faasolo le taimi talu ona uma ona fai ou tuipuipui autu. O le ‘toe tului‘ o tuipuipui i le mae‘a ai ona fai o tuipuipui autu e fesoasoani e faamalosia atili ai lou malosi e tetee atu i le COVID-19.

E mafai e boosters ona tuuitiitia lou ma‘i tigaina ai mai le COVID-19 ma oo ai i le falemai. 

Tuipuipui na fai i se isi atunuu

Afai na fai (ou) tuipuipui autu i se isi atunuu, e mafai ona fai lou booster pe a mavae le 3 masina talu ona uma ona fai lou tuipuipui mulimuli lava na fai talu ai nei pe afai ua atoa le 18 o ou tausaga. Afai ua 16 pe 17 tausaga o lou matua, ua e agavaa mo se booster pe a mavae le 6 masina talu ona fai le tuipuipui mulimuli lava na fai.

Afai e lē gafatia e le tino ona tetee faama‘i

E fautuaina le faia o se tui autu lona tolu mo tagata e lē gafatia e le tino ona tetee faama‘i. E ese mai le tui o le booster.

O tagata e agavaa mo le faia o se tui autu lona tolu e mafai foi ona faia se tui o le booster pe a mavae le 3 masina talu ona faia le tui autu lona tolu pe afai ua 18 tausaga o lou matua pe luga atu. Afai ua 16 pe 17 tausaga o lou matua, e mafai ona fai se tui e faamalosia atili ai pe a mavae le 6 masina talu ona faia le tui autu lona tolu.

Saili i faamatalaga i le tui autu lona tolu pe afai e lē gafatia e le tino ona tetee faama‘i (external link)

Aafiaga o boosters

E tai foliga tutusa aafiaga e maua mai le booster ma tui autu o le tuipuipui. E aofia ai tulaga e pei o le tiga, mūmū po o le fula i le vaega o le tino na faia ai le tui, tiga le ulu, faafaufau ma le vaivai po o le faaivaivā.

Saili i faamatalaga o aafiaga (external link)

Last updated: at