Malaga i Niu Sila | Travelling to New Zealand

E faasolo le tatala o tuaoi i Niu Sila i isi atunuu i le vaitaimi atoa o le 2022.

Faamatalaina o faigamalaga mai i Niu Sila

A fia malaga mai i Niu Sila, e tele tulaga e moomia ona e ausia.

O laasaga o ta‘ua i lalo o lo o faamatalaina ai faamaoniga e moomia ona e faailoa e mafai ai ona e ulufale i Niu Sila.

E te lē toe moomia lou faia o se siaki a o lei tuua se faigamalaga e malaga mai ai i Niu Sila.

E vave lava ona suia tulaga o puipuiga - ma e maua mai le Immigration New Zealand faamatalaga pito lata mai.

Faigamalaga i Niu Sila | Immigration New Zealand (external link)

1. Vaai pe mafai ona e malaga mai i Niu Sila

E mafai e tagata sitiseni Niu Sila ma isi tagata malaga e agavaa ona ulufale mai i Niu Sila ma fai siaki e i latou lava pe a taunuu. Tagai i le upegatafailagi a le Immigration New Zealand e te iloa ai pe e te agavaa.

O le toatele o tagata malaga mai i Niu Sila e tatau ona fai atoa tuipuipui o le COVID-19, e ui e iai nisi o tulaga e tuusaunoa ai.

A o lei malaga mai, ia mautinoa o aogā lou tusifolau. E ono moomia foi ona e talosaga mo se New Zealand Electronic Travel Authority (NZeTA).

Siaki pe e te agavaa ona e malaga mai i Niu Sila | immigration.govt.nz (external link)

Tulaga moomia o tuipuipui ma tuipuipui ua talia aloaia

Talosaga mo se NZeTA | immigration.govt.nz (external link)

2. Faatonu lou avanoa i se faigamalaga

Faatonu lou avanoa e te malaga mai ai i Niu Sila.

Faitau taiala faavae o le kamupani vaa i tulaga tau tuipuipui, o le faaleaogāina ma le toe totogi atu o tupe pe afai ua suia au fuafuaga.

E tatau foi ona e mafaufau e totogi se inisiua tau faigamalaga i ne‘i aafia au fuafuaga mo lau malaga mai. E tatau foi ona e mafaufau e faatonu se avanoa i se apitaga talafeagai auā lou faanofoesea ai o oe lava, pe afai o se tulaga lea e tatau ona fai.

3. Amatalia le tautinoga mo tagata malaga

E tatau i tagata malaga uma ona faamae‘a le New Zealand Traveller Declaration a o lei malaga mai i Niu Sila. O le mae‘a ai ona faia o le tautinoga, ona tuuina atu lea ia te oe o se Traveller Pass.

Amatalia lau tautinoga i se taimi vave e mafai ai. E mafai ona amata fai mai le 28 aso o totoe a o lei malaga ese.

Amatalia lau tautinoga mo tagata malaga (external link)

Faamatalaga faamaonia o tautinoga mo tagata malaga (external link)

4. Faia o le tautinoga a le tagata malaga

Mo le faia o lau tautinoga a le tagata malaga, e moomia ona e tuuina mai:

  • faamatalaga o le tusifolau
  • faamatalaga o le malaga
  • faamaoniga o tuipuipui na fai (pe afai e moomia)
  • talaaga o faigamalaga i le 14 aso talu ai
  • faamatalaga i le auala e faafesootai atu ai i Niu Sila
  • faamatalaga tau fesootaiga mo faalavelave faafuasei

Toe siaki faamatalaga auiliili na e tusia i lau tautinoga a le tagata malaga e mautinoa o tutusa ma ou faamaumauga aloaia.

E moomia ona e faailoa lau Traveller Pass pe a siaki lau pepa malaga i le malaevaalele, ma le Vaega o Tiute i Niu Sila. E mafai ona e lolomi pe fai se kopi i lau telefoni feaveai. E tatau ona e tauaveina pea lau pepa o faamaumauga talafeagai uma na e tuuina mai i luga o le initaneti mo le faia ai o lau New Zealand Traveller Declaration.

Taiala i le tuuina mai i luga o le initaneti o au faamaumauga (external link)

5. I le malaevaalele

A talafeagai ai, o le a e moomia lou:

  • tusifolau
  • visa – pe afai e moomia
  • pepa malaga mo lau faigamalaga
  • faia atoa se talosaga mo se Traveller Pass
  • faamaoniga o tulaga o ou tuipuipui

Afai ua e ma‘i a o loma se faigamalaga na fuafuaina

Afai ua e ma‘i a o loma se faigamalaga na fuafuaina, po o le maua i āuga e tai tutusa ma āuga o le COVID-19 e pei o le Hayfever, e ono fesiligia tulaga nei e le aufaigaluega a le kamupani vaalele pe ua e maua i ni āuga. Afai o se tulaga lea ua fesiligia ai oe e moomia ona e faailoa:

  • se pepa ma‘i faasoifua maloloina e faamaonia ai e te lē o maua i se tulaga e te faapepesi atu ai le faama‘i pe lē o maua i le COVID-19 (e tatau ona faia le suesuega faafomai mai le 48 itula a o loma se faigamalaga e malaga mai ai
  • po o se faamaoniga o se siaki na molimauina le faiga e lē o aafia i le COVID-19. O ituaiga siaki e talia a o lei tuua se faigamalaga:
    • o se siaki PCR e tatau ona faia i le umi faatulagaina e 48 itula a o lei tuua le faigamalaga muamua faavaomalo mo Niu Sila
    • se siaki na molimauina le faiga o le rapid antigen test (RAT) po o le loop-mediated isothermal amplification (LAMP) ma na faia i le umi faatulagaina e 24 itula a o lei tuua le faigamalaga muamua faavaomalo mo Niu Sila.

6. Taunuu ai i Niu Sila

O le a faamaonia e le Vaega o Tiute talaaga o au femalagaiga, tulaga o ou tuipuipui, Traveller Pass, ma isi tulaga moomia e mafai ai ona ulufale mai i le atunuu. Sauni mo le faatuai ona faagasolo feoaiga a o e faaauau ai se faigamalaga i le malaevaalele.

I le vaega o le Biosecurity, e tuuina atu ai ia te oe faamatalaga e faafeiloai atu ai oe. O faamatalaga nei e aofia ai:

  • mea e faia ai se rapid antigen test (RAT)
  • se taiala e faia ai siaki ma tuuina mai i luga o le initaneti.

Faamae‘a uma au siaki ma tuuina mai i luga o le initaneti iuga o siaki na fai e pei ona faatonuina.

Tulaga moomia o le siaki pe a taunuu ai i Niu Sila

Last updated: at