Fesoasoani mo tagata taitoatasi ma aiga | Support for individuals and families
Soifua manuia o le mafaufau
Afai ua le mafai e lou mafaufau ona faavasega le tele o mea, e tāua lou talanoa i se sui o le soifua maloloina.
Auala e puipui lelei ai le soifua manuia o lou mafaufau
E iai auala e mafai e i tatou uma ona faatino e uunaia atili ai le soifua manuia o le mafaufau o ē pele ia i tatou:
- Fesootai i taimi uma ma uo ma aiga — e tāua mo lo tatou soifua manuia ma e tatou te lagona ai foi le saogalemu, ma tuuitiitia ai le mafatia ma le soona popole.
- Amanaia ou faalogona — o se tulaga masani le matuā lofituina, mafatia, atuatuvale, popole pe fefe. Faaavanoa le taimi mo oe lava e te iloa ma faailoa ai ou faalogona.
- Tausisi i au gaioiga masani pe a mafai — taumafai e tausisi i gaioiga masani i aso uma ma taumafai e faaitiitia masaniga e lē lelei mo le soifua maloloina e pei o le soona 'ai, inu, ulaula pe faapupusa.
- Vaai nisi tagata o fia maua se fesoasoani — e avea lou fesoasoani i isi o loo mafatia poo popole e maua ai ni manatu aogā mo oe faapena i le tagata o loo e fesoasoani i ai.
- Faatapulaa taimi i luga o le initaneti — siaki faasalalauga ma fesootaiga televavave i se taimi patino pe faatasi po o le faalua i le aso.
O ai e mafai ona e talanoa i ai
E iai telefoni o auaunaga o loo maua e ofoina atu fesoasoani ma faamatalaga i soo se tasi o loo pagatia ma faafitauli tau le soifua manuia o le mafaufau. O auaunaga uma e avanoa i le 24 itula i le aso, i aso e 7 o le vaiaso.
Saili se telefoni mai auaunaga o loo fesoasoani mo le soifua manuia o le mafaufau
Auaunaga ma fesoasoani
E leai se afaina o lou talosaga mo se fesoasoani. O lo o iai tagata ma faalapotopotoga e mafai ona fesoasoani ia te oe, a o tatou taumafai e lavātia faatasi lenei vaitaimi. O nisi nei o fautuaga, fesoasoani po o lagolagosua e fai i ai lau filifiliga. O le tele o matagaluega a le malo e mafai ona e fesili mo se faamatalaupu, pe afai e te lē tautala i le gagana Peretania.
Last updated: