Mauaina o meaai po o mea e sili ona moomia | Access to food or essential items

E moomia e tagata uma meaai ma oloa sili ona moomia e pei o fualaau i le taimi atoa o faamalosia ai le nonofo i le fale ona o le COVID-19, ma o le faamanatu, faamolemole aua e te matamuli e saili se fesoasoani. E maua i le pepa faamatala lenei faamatalaga i le tele o auala e maua ai meaai ma isi mea e sili ona e moomia.

Momoli atu meaai

Afai o e ma'i, pe e lē o mafai ona e tuua le fale e faatau meaai po o mea e sili ona moomia, e mafai ona e talosaga i aiga, uo po o tuaoi e momoli atu lau faatau. Talanoa i au paaga masani e maua ai se fesoasoani e pei o aiga, uo, ma tuaoi e te iloa ai pe mafai ona latou piki ma momoli atu mea o e moomia i lou fale.

Faataitai kamupani e mafai ona momoli atu meaai e pei o meaai e momoli atu e supamaketi, pusa meaai, meaai faavela ua faaaisa, pusa meaai e lesitala e maua ai po o isi auaunaga e maua ai meaai atoatoa:

E mafai foi ona e faaaogā le auaunaga e kiliki ma aoina ai oloa, ma talosaga i sau uo o lata ane, se tasi o lou aiga po o lou tuaoi e momoli atu lau faatau. 

Faafesootai le supamaketi lata ane po o le dairy e te iloa ai pe mafai ona latou momoliina atu lau faatau ma le auala e mafai ai ona oka lau faatau. E ono faamuamua e supamaketi avanoa mo tagata e moomia le faaaogā o le initaneti e fai ai faatau.  

Faatumauina le saogalemu pe a momoli atu meaai

E lē tatau ona fesootai i tagata pe a momoli meaai i le fale ma ia tausia le auaunaga lenei i nofoaga faalotoifale.

A e alu e momoli mea mo se isi, manatua e tausisia le 2 mita e faamamao ese ai ma fai se mea e ufiufi ai fofoga.

A maua lau faatau na momoli atu, manatua e tausisia le 2 mita e faamamao ese ai mai tagata na momolia atu lau faatau, fai se mea e ufiufi ai fofoga ma fufulu ma sanitise ou lima i le mae'a ai ona teu ese lau faatau. 

Tagai i le: https://covid19.govt.nz/about-this-site/contact-and-support/

Fesoasoani tupe e faatau ai meaai

Afai e te moomia se fesoasoani tupe e faatau ai meaai, e ono maua le fesoasoani mai le Work and Income.

Tagai i le upegatafailagi a le Work and Income mo fesoasoani tupe ua moomia vave ma mea o moomia i taimi uma.

E mafai ona e talosaga mo se penefiti i luga o le initaneti ma faitau faamatalaga e te iloa ai pe e te agavaa mo se fesoasoani tau meaai.

E mafai foi ona e faaaogā le metotia mo fesoasoani tupe COVID-19 e maua i le upegatafailagi a le Unite Against COVID-19 e te iloa ai ituaiga fesoasoani e mafai ona e maua.

Tagai i le:

Foodbanks

E mafai ona e maua le foodbank o lata ane pe a e tagai i le upegatafailagi a le Family Services Directory:

Upegatafailagi a le Family Services Directory (external link)

Afai e lē o mafai ona momoli atu meaai

Afai na e taumafai ma e lē o mafai ona maua le fesoasoani i nisi o auala o ta'ua i luga, faafesootai le Civil Defence and Emergency Management (CDEM) Group o lata ane.

Tagai i le: www.civildefence.govt.nz/find-your-civil-defence-group (external link)

Mauaina o meaai po o mea e sili ona moomia | Access to food or essential items [PDF, 73 KB]

Last updated: