Fualaau e togafitia ai le COVID-19 | Medicines to treat COVID-19

Inu fualaau e tetee atu ai i le COVID-19

O fualaau e tetee atu ai i le COVID-19 ua mafai na maua e togafitia ai tagata e agavaa ai ma o i latou nei ua faamaonia ua aafia po o se tasi e fesootai ma se isi o nonofo faatasi ua faamaonia ua aafia i le COVID-19 i le fale.

E tatau na e amata inu fualaau o le COVID-19 i totonu o aso e lima muamua na e maua ai i āuga o le COVID-19.

Ua faamaonia le aogā o le vave inu o fualaau i le vaitaimi ua ma'i ai i le COVID-19, e faaitiitia ai le faataotolia i le falemai ma le maliu ai.

E maua fua fualaau nei mo tagata e agavaa na inu ai ma ua maua i le COVID-19. Afai e agavaa, e ono mafai na e maua se pepa talavai mai le auaunaga tau soifua maloloina ua e masani ai, pe ono mafai na tuuina atu e aunoa ma se pepa talavai mai nisi o faletalavai.

Afai ua e maua i le COVID-19, e tatau na faanofoesea oe lava ma e faatulaga auala e momoli atu ai au fualaau e au uo, aiga po o isi auala e maua atu ai. E iai nisi o faletalavai e mafai na latou momoli atu fualaau.

Auala e faanofoesea ai oe i le fale

Agavaa mo fualaau o le COVID-19

O tagata e matuā sili na lamatia i le tigaina tele ai mai le COVID-19 o i latou nei e agavaa na togafitia i fualaau o le COVID-19.

Faamolemole ia manatua: E ono lē fetaui fualaau nei mo tagata uma, tusa lava pe afai e ausia tulaga e agavaa ai. Faamolemole saili se fautuaga mai lau GP po o se faletalavai e te iloa ai pe e te agavaa po o le talafeagai o le fualaau lenei mo oe.

O tulaga nei e tatau na e agavaa ai mo fualaau e tetee atu ai i le COVID-19:

• maua i āuga ma ua faamaonia ua aafia i le COVID-19 po o le
• maua i āuga ma o se tasi e fesootai ma se isi o nonofo faatasi ua maua i le COVID-19

E tatau foi na maua ai i se tasi o tulaga nei:

• matuai ogaoga le faaletonu o le malosi o le tino e tetee atu ai i faamai
• e te maua i le Down syndrome
• e te maua i le faamai e afaina ai matāuaola o le toto
• na e faataotolia i se taimi ua mavae atu i se potu mo gasegase tigaina ona o le COVID-19 ma ua toe faamaonia i le siaki na fai ua e toe maua i le COVID-19
• ua 65 pe sili atu ou tausaga
• o lou tupuaga o Māori po o se atumotu o le Pasifika ma ua 50 pe sili atu ou tausaga
• ua 50 pe sili atu ou tausaga ma e lei atoa uma ou tuipuipui autu (tui e lua)
• e tolu pe tele atu ma‘i tugā o e maua ai (external link).

Ituaiga fualaau o le COVID-19 o maua

E tolu fualaau e tetee atu ai i le COVID-19 o lo o maua e togafitia ai tagata e agavaa ai ma ua maua i le COVID-19:

• nirmatrelvir with ritonavir (e ta'ua o le Paxlovid)
• molnupiravir (e ta‘ua o le Lagevrio)
• remdesivir, o se togafitiga e faavailaau (e ta‘ua o le Veklury).

Paxlovid

E 2 fualaau e maua mai le Paxlovid (nirmatrelvir ma le ritonavir) e mafai na inu faatasi. E faaitiitia ai le tele o siama i totonu o lou tino. E 5 aso e te inua ai fualaau o le Paxlovid.

E tāua lou faailoa i le auaunaga tau soifua maloloina po o le fomai talavai, o soo se ma'i, ma fualaau, ni vai palu mai laulaau po o mea faatupu malosi o e faaaogaina. O ituaiga mea nei e ono aafia ai le saogalemu o le Paxlovid.

Afai na avatu se pepa talavai mo le Paxlovid a o le i maua ai i le faamai, e ono moomia pea na e faia se iloiloga faafomai a o le i avatu ia te oe fualaau nei. Tagai i le Health Navigator mo nisi faamatalaga e uiga i le Paxlovid, e aofia ai le faiga e inu ai, o tulaga e tatau na e mafaufau i ai a o le i inua, ma aafiaga e ono tulai mai ai.

O lo o tusia i lalo ifo faamatalaga i tulaga e ono toe maua ai i āuga o le COVID-19 i le faatoa uma ai na togafitia i le Paxlovid.

Mo nisi faamatalaga e uiga i le Paxlovid – Health Navigator (external link)

Molnupiravir

O le Molnupiravir (Lagevrio) o se fualaau e faaitiitia le tele o siama i totonu o lou tino. E 5 aso e te inua ai fualaau o le molnupiravir.

Tagai i le Health Navigator mo nisi faamatalaga e uiga i le molnupiravir, e aofia ai le faiga e inu ai, o tulaga e tatau na e mafaufau i ai a o le i inua, ma aafiaga e ono tulai mai ai.

Mo nisi faamatalaga e uiga i le molnupiravir – Health Navigator (external link)

Remdesivir

O le Remdesivir (Veklury) o se vailaau e faaitiitia ai le tele o siama i totonu o lou tino. E faatasi ona tui i le aso, ma e masani ona faia mo aso e 3. O se tui lemu e fai i lou uaua (e faaigoa o le intravenous infusion), e silia ma le 30 faasolo atu i le 120 minute. E tele lava na maua le faiga lea i falemai ae e ono mafai na maua e auala atu i nisi o auaunaga tau soifua maloloina, e pei o nofoaga tumamao mai le taulaga.

Tagai i le Health Navigator mo nisi faamatalaga e uiga i le remdesivir, e aofia ai taimi e tatau ona faia ai ma aafiaga e ono tulai mai ai.

Mo nisi faamatalaga e uiga i le remdesivir – Health Navigator (external link)

Pe afai ua faamaonia ua e aafia i le COVID-19

Mauaina atu o se pepa talavai mai lau fomai masani (GP)

Afai e te manatu e te ono agavaa mo lea auaunaga, talanoa i lau fomai masani (GP) i luga o le telefoni mo le fia maua atu o se pepa talavai mo fualaau o le COVID-19 e fetaui mo oe. Latou te faamautinoa tulaga e fetaui ai mo oe fualaau e tetee atu i le COVID-19. E tele itu e faalagolago i ai, e aofia ai le matua o lou soifua, ituaiga tagatanuu, ma isi faaletonu tau soifua maloloina ma tulaga o tuipuipui na fai.

Mauaina atu o fualaau mai le faletalavai

Afai e te manatu e te ono agavaa, e ono mafai na e maua fualaau o le COVID-19 mai le faletalavai o lata ane e aunoa ma se pepa talavai. Talanoa i le faletalavai o lata ane i luga o le telefoni e te iloa ai pe fetaui lea faiga mo oe. O le a faia e le fomai talavai se iloiloga faafomai ma siaki tulaga e te agavaa ai a o le i tuuina atu le fualaau

E te maua i le Healthpoint (external link) faletalavai e maua atu ai fualaau e tetee atu ai le faamai.

E moomia e faletalavai nei (external link) se pepa talavai.

E lē moomia e faletalavai nei (external link) se pepa talavai.

Maua atu o pepa talavai mo fualaau o le COVID-19 a o le i faamaonia ua maua ai i le faamai

Afai e te tigaina tele pe a maua ai i le COVID-19, e ono mafai na e maua se pepa talavai mai lau fomai masani a o le i oo i se tulaga ua e ma'i ai. O lona uiga o le a saunia e le faletalavai fualaau nei mo oe pe afai ua e ma'i. Afai ua faamaonia ua e maua i le faamai ma ua aliae āuga, e mafai na e faatonu le momoli atu o fualaau e au uo po o aiga, po o isi auala e maua atu ai, e pei o le faletalavai i nisi o tulaga.

Talanoa i lau auaunaga tau soifua maloloina masani pe ono fetaui le faatonu o se fualaau mo oe ae e te le i oo i se tulaga ua e ma‘i ai. E lē mafai ona e maua se pepa talavai a o le i faamaonia ua e aafia i le COVID-19 e te alu ma oe i atunuu mamao.

Toe maua ai i āuga i le uma ai ona fai o togafitiga

E iai nisi tagata, e ono toe maua i āuga i le uma ai na inu atoa o le Paxlovid. E ta'ua le tulaga lea o le Paxlovid e le i aogā.

O tagata ua toe maua i le faamai i le uma ai na inu o le Paxlovid e leai se foliga ua ma'i tigaina tele ai. E feololo āuga ma e masani na mou ese atu i totonu o aso e tolu.

O tulaga masani mo nisi o tagata o tau saili malosi ai le fai ma toe maua ma toe malosi ai mai āuga o le COVID-19, tusa lava pe na inu fualaau e tetee atu ai i le faamai.

E tatau na e nofo i le fale ma saili malosi seia mavae le 24 itula ma ua leai lava ma ni āuga ua e maua ai pe afai:

• na e toe maua ai i āuga i le uma ai o aso e lima na inu atoa ai le Paxlovid,
• ma ua atoa le 28 aso pe itiiti ifo talu na e maua muamua ai i āuga pe na faamaonia ai ua e maua i le faamai.

E lē moomia na e toe inua le Paxlovid pe afai na e toe maua ai i āuga i le vaitaimi lea.

Faitau i faamatalaga o le toe pesia ai i le COVID-19 (external link)

Afai e iai se faaletonu o e maua ai po o le faateteleina o āuga ua e maua ai, vili le Healthline i le 0800 358 5453 po o lau auaunaga tau soifua maloloina masani.