Faanofoesea i le fale | Isolating at home

Fautuaina aso e 5 e faanofoesea ai

Afai ua faamaonia ua e maua i le COVID-19, e fautuaina lou faanofoesea mo aso e 5, tusa lava pe afai e feololo āuga o e faalogoina, amata mai le Uluai aso.

E amata tau le uluai aso e te faanofoesea ai mai le aso na amata ai ou āuga po o le aso na faamaonia ai ua e aafia, o fea lava o tulaga nei e muamua maua ai. O lona uiga e le tatau ona e alu i le galuega po o le aoga.

Afai e moomia na e tuua le fale i totonu o aso e 5 na fautuaina e te faanofoesea ai, e taua lou faia o tulaga uma e puipuia ma taofia ai le salalau o le COVID-19 i isi.

E tatau na fai se ufi fofoga i taimi uma e te tuua ai le fale.

E le tatau ona e asiasi i se nofoaga faalesoifua maloloina (se‘i vagana mo le fia maua o se tausiga faafomai), se nofoaga mo tagata matutua, po o le fesootai i se tasi e ono tigaina pe a maua i le COVID-19

E tatau ona e faatalanoa ma lou pule o le galuega le aso e te toe foi ai i le galuega po o le talanoa i le puleaoga le aso e toe foi ai lou alo i le aoga, talu ai tulaga e ono moomia ai le faia o isi tulaga e puipuia atili ai.

Afai e te nofo i se nofoaga tele po o se fogafale e tele aiga eseese e nonofo ai

Afai e te nofo i se nofoaga tele po o se fogafale e tele aiga eseese e nonofo ai, e tatau na e mulimulitai i fautuaga lava e tasi e faanofoesea ai o tusia i le itulau lenei:

• fai se ufi fofoga pe a fealuai i nofoaga faitele pe afai ua moomia na e tuua lou fale, mo se faataitaiga, mo le fia faaaoga o le potu tāmea
• tau mamao mai isi i totonu o le fogafale lava e tasi
• aua le faaaoga faatasia se lifi ma se isi lava tagata
• aua le faaaogaina nofoaga faitele e pei o fale fai faamalositino, faleaau po o potu faaaūsa a o e faanofoesea.

A tupu se faalavelave faafuasei, e tatau ona e mulimulitai i tulafono masani e tuua ai le nofoaga o e nofo ai — faalatalata se ufi fofoga i le faitotoa e faigofie ona maua.

Faanofoesea faatasi ma tamaiti

E iai auala faigofie e fesoasoani e tuuitiitia ai le salalau o le COVID-19 pe a faanofoesea faatasi ma lau fanau.

Afai ua e maua i le COVID-19 ae e le o maua ai lau fanau, po o le isi itu e tatau ona e:

• tuuitiitia au fesootaiga ma lau fanau i tulaga e mafai ai
• faaeseese potu e te lua momoe eseese ai pe a mafai
• alofia le fesootai ma isi tagata o tou nonofo faatasi pe a mafai
• fai se ufi fofoga pe a faatasitasi i le potu lava e tasi ma isi
• tatala faamalama e maua ai se ea fou.

Matou te iloa tulaga e ono faigata ai ona faia gaioiga faapenei, aemaise lava mo fanau laiti. E taua tele ufi fofoga ma le maua o le ea fou i totonu o le fale e tuuitiitia ai le salalau o le COVID-19.

Faamalositino

E mafai ona fai faamalositino i fafo o le fale a o e faanofoesea. E mafai ona fai faamalositino i le tou pitonuu lava, ae aua e te alu i nofoaga faitele, e pei o faleaau po o fale fai faamalositino. E le tatau ona fai faatasi faamalositino ma isi tagata se‘i vagana o tagata o tou nonofo faatasi.

Tautuana:

• le tau mamao mai isi tagata
• fai faamalositino e le soona gaioi tele ai, ma ua e masani ai.
• fealuai ma ave se ufi fofoga — e le moomia lou faia o se ufi fofoga, ae e le tuua ai le faia pe afai e sili ai lou puipui ia te oe lava ma isi tagata.