Faiga e faaaogā ai le pepa faatumu o le COVID-19 mo le sailia o tagata sa fesootai | How to use the COVID-19 contact tracing form

Afai e faamaonia ua e aafia i le COVID-19, faailoa faamatalaga e patino ia te oe i le faiga e malupuipuia a le Matagaluega o Soifua Maloloina ina ia iloa e isi pe afai e te moomia se fesoasoani po o se lagolagosua faaopoopo a o faanofoesea ai oe.

Faamatalaina o le pepa faatumu o le COVID-19 mo le sailia o tagata sa fesootai

O le faailoa o faamatalaga o nofoaga sa e iai e fesoasoani e vave iloa ai nofoaga e maualuga ai lamatiaga e ono moomia nisi faiga e puipuia ai tagata e sili ona lamatia gofie.

O le pepa faatumu o le COVID-19 mo le sailia o tagata sa fesootai e te faailoa mai ai:

  • Faamatalaga tau fesootaiga ma le faasoifua maloloina
  • Āuga
  • Fesootaiga o tagata o nonofo faatasi
  • Nofoaga e maualuga ai lamatiaga
  • COVID Tracer diary ma le Bluetooth data

Afai ua e maua atu se faamaoniga mai le siaki o le PCR na fai, po o le faailoa mai foi o se faamaoniga o le siaki o le RAT na fai, o le a lafo atu se link ma le access code i se text mai le numera 2328 e te faatumua ai le pepa faatumu lea. Pe ā ma le 20 minute le umi e faatumu ai le pepa lea.

Afai o iai se faaletonu i le tau faatumu o le pepa, imeli le help@tracingform.min.health.nz pe vili le 0800 555 728.

E malupuipuia lelei le teuina e le Matagaluega o Soifua Maloloina o faamatalaga nei.  Faatoa faaaogā lava mo le sailia o tagata na e fesootai i ai ma faailoa mai ai soo se fesoasoani faaopoopo e te ono moomia. Faatoa faailoa lava faamatalaga nei i matagaluega o lo o fesoasoani i galuega nei. Faitau  faamatalaga o le COVID-19 i tulaga e le faalauaiteleina mo le sailia o tagata sa fesootai (external link).

Faaaogāina o le pepa faatumu o tagata sa fesootai

A amata loa na e faatumua faamatalaga o moomia, e lelei le faamae‘a lelei le faatumu o le pepa i le taimi e tasi e faaaogā ai le masini faatekonolosi e tasi ma le tafailagi o faia ai e alofia ai le leiloa o faamaumauga ua uma ona tusia.

  1. Tusi lau access code ma lou aso fanau e faamaonia ai lou tagata. Filifili le ‘Get started’ (Amata loa).
  2. Faitau i faamatalaga e te iloa ai mea e faaaogā ai faamatalaga na e tuuina mai. Faailoga le pusa ma filifili le ‘Accept and continue’ (Talia ma faaauau).
  3. Tuuina mai se isi auala e faafesootai atu ai, e aofia ai le tuatusi o le nofoaga o le a e faanofoesea ai oe lava.
  4. Filifili pe a iai ni ou manaoga faapitoa, e aofia ai pe afai e iai ni ou manaoga faapitoa po o se tagata Māori e iai manaoga faapitoa.
  5. Filifili pe afai o e ma‘itaga pe na faatoa fanau sau pepe i le ono masina talu ai.
  6. Filifili pe afai e ono vaivai le malosi o lou tino e tetee atu ai i faamai (ua saunia faataitaiga o ma‘i o lo o maua ai).
  7. Tuuina mai faamatalaga o ni faaletonu tau soifua maloloina o e maua ai.
  8. Faailoa ni āuga na e faalogoina ma le taimi na amata ai. Afai e leai ni āuga o e faalogoina, faamaonia mai le tulaga lea ma o le a matou faamaonia le taimi e te faapepesi atu ai le faama‘i i le aso na fai ai lau siaki.
  9. Tuuina mai faamatalaga o tagata tou te nonofo faatasi, e aofia ai tagata e lē tumau ai na tou nonofo, ae sa tou nonofo i se vaitaimi e mafai ai na e faapepesi le faama‘i.
  10. Faailoa pe afai sa e iai i nisi o nofoaga e maualuaga ai lamatiaga o ta‘ua i le vaitaimi e mafai ai na e faapepesi le faama‘i.
  11. Mo aso taitasi e mafai ai na e faapepesi le faama‘i, o le a fesiligia pe na e iai i se tasi o nofoaga e maualuga ai lamatiaga.
  12. Faailoa i au fesootaiga vavalalata ma le falefaigaluega/aoaoga o lena ua e aafia i le COVID-19. O tagata nei na tou fesootai i le vaitaimi ua mafai ai na e faapepesi le faama‘i ma e te lei faia ai sau ufi fofoga. E moomia e i latou nei na maitau āuga o le COVID-19 mo aso e 10 ma siaki pe afai ua amata na aliae āuga.
  13. Toe iloilo ma tuuina mai faamatalaga na e tuuina mai. E ono faafesootai atu oe mo nisi faamatalaga auiliili.
  14. Faasoa faamatalaga mai lau COVID Tracer diary, pe afai o iai. O le diary upload code o le code lava lena sa e faaaogā e maua ai le pepa faatumu o le COVID-19 mo le sailia o tagata sa fesootai lena e ta‘ua i le SMS na e mauaina.
  15. Afai e te moomia se lagolagosua e fesoasoani ai i tulaga o le faanofoesea ai o oe lava, e mafai na matou tuuina atu se link e tuuina mai ai se talosaga mo se fesoasoani mai le Ministry of Social Development (MSD). Filifili le ‘Yes’ (Ioe) po o le ‘No’ (Leai).
  16. Ia manatua o faamatalaga i isi laasaga o sosoo ai, o auala e te faanofoesea ai oe lava, ma auala e maua ai fesoasoani tupe ma isi lagolagosua.

Last updated: at