Surum ‘on famori se Niu Sirḁgi | Travelling to New Zealand

Rogrog ne mou se surut se Niu Sirḁgi

‘Ou la surum se Niu Sirḁgi, ‘äe kop pḁu la a‘sok foh he his ne nā sin. 

Te‘ ne väeag hḁihi‘ḁg ne få‘ sin ‘e lopo täla sui‘åk a‘tafan te‘ ne aier‘ḁkiḁg ne ‘äe kop pḁu la nā ka kat seminte surum se Niu Sirḁgi.

‘Äe kat a‘noa ‘es ra ‘e puk aier‘ḁkiḁg te‘is pre-departure test la surum se Niu Sirḁgi. ‘Äe kat ‘anoa ra la teak ‘e kōa‘ ne vḁi ta, ne a‘sok ta sḁkior tēet (test) ‘e av ne la hele‘um ne surum se Niu Sirḁgi.

Foho la pō se‘ ma la jen mij pḁu - maj te‘is Immigration New Zealand ne nā aier‘ḁkiḁg se famori la surum se hanue te‘ täe la rak‘ḁkiof te‘ ne rogrog fo‘ou. 

Surum ‘on Famori se Niu Sirḁgi | Immigration New Zealand (external link)

1. Sḁkior la ‘inea ne ‘äe la pō la surum se Niu Sirḁgi ne ‘igkå‘

La surum se Niu Sirḁgi, ‘äe kop la a‘sok ‘atakoa te‘ ne foh ne mou se immigration.

‘Äe kat seminte hot ra se ta hanuḁ hoi‘ḁkit ka ‘io la ‘ou paspot ta nōnō lelei mo ka la pō la a‘es‘ao‘åk se ‘ou la‘ot se hanua. ‘Äe kop ma ke la far‘åk la pō ‘e puk aier‘ḁkiḁg te‘is  New Zealand Electronic Travel Authority (NZeTA).

Sḁkior nōnō ka ‘äe aier‘åk la surum se Niu Sirḁgi | immigration.govt.nz (external link)

Far‘åk ta ‘ou puk aier‘ḁkiget ne mou se NZeTA | immigration.govt.nz (external link)

2. Fḁi ‘ou av het ne la la‘o ma tög ‘ou sala

 Fḁi av ma tög sal la surum se Niu Sirḁgi. 

Sḁkior se foh ne kampanē hoa‘ tög sal ta ne fū‘åk hün se teak ne vḁi, tük ne ‘ahḁifer ta la kal la‘ ra ma hӧ‘åk ne ‘ou selene nōnō ka kop la jen ta tēet. 

‘Äe noj la rē a‘häe la tӧg ‘ou travel insurance nōnō ka ta tēet la sok ma kop la jen ‘amnåk ne mou se ‘ou la‘ ta. ‘Äe noj la rē a‘häe la tӧg ta ‘ou utut la noh karḁu ‘e av ne kop la noh pū‘atā, nōnō ka kop la a‘sok. 

3. ‘E märå‘ ne ‘ahḁifer ta

Nōnō ka kop la a‘sok, ‘äe kop pḁu la ‘es ‘e ‘ou:

• paspot ta
• puk aier‘ḁkiget ne matanitū nā la surum se hanue te‘ (visa) – nōnō ka kop la kel‘åk
• tiket ma puk ne aier‘ḁkia ne ‘äe tög sal vḁhia

6. Surum se Niu Sirḁgi

Maj te‘is Customs la a‘fūmou‘åk ‘ou rogrog ne mou se ‘ou ruerue ma te‘ ne foh ne mou se surut se hanue te‘. Hahan‘ḁkiḁf ne ‘ou la‘la‘o ‘e laloag ut tūtū ne mou se märå‘ ne ‘ahḁifere kop ma la fep hün se ‘amnåk fakgarue ‘i ne kop la a‘sok.

Tēhe‘uḁg het ne hat se Welcome packs la aier‘åk la teak ‘e av ne la hele‘ ‘e ut te‘is Biosecurity. ‘Ou welcome pack heta la häe‘åk sin:

• rapid antigen test (RAT) kits 
• puer‘åk ma sal lelei se kel‘ḁkit hün se ‘af‘af ta ma sal ne la nā‘ia ne rak‘ḁkia (upload) ‘ou rogrogo.

‘Ḁmis a‘ne‘ne‘åk la ‘äe la a‘sok la våh ‘ou sḁkior tē ta (test) ma nā (upload) ‘ou rogrog ne kel‘åk ta.

Foh ne mou se kel‘åk tē hün se ‘af‘af ta ‘e avat ma ne la surum se Niu Sirḁgi