Hḁiasoaga se famori ma kḁunohoga | Support for individuals and families
'Os måür fak A'häe (Mental wellbeing)
Nōnō ka 'äe 'inea ne 'äe noh raksa' ka agtḁu ma noanoa 'e 'ou mḁuri, iḁ tē pumuet la hḁifäegag ma le'et 'e maj ne måür fakforo
La matḁ' tapen se 'ou måür fak a'häe
Ma 'on tē he his 'is 'atakoa la pō la a'sok la 'ut'ḁkia se rere 'os måür lelei hün se 'ou a'häe ma tape' ma se 'os kḁinag 'ele:
- Noh hḁisok'ḁkiḁg ma kḁumane'aga ma kḁunohoga — iḁ tē pumuet ka 'es'ao se 'os måür lelei hün se 'os a'häe ma hḁiasoag la 'is la 'inea 'is noh pär ka ū, kat noh kokon ra ma mea'mea' 'os huḁg ararua ma fea.
- 'Inea ne tes ta 'äe a'häe'ḁkia — iḁ tēet ne a'mou soksok se 'os mḁuri ma kat 'es tēet ra nōnō ka 'äe a'mah'åk ta tēet se 'ou huga, a'häe'åk a'mah tē se filo'u, kamat la noh raksa', noh kokon ne fea. Nā ta 'ou av het la 'äe la 'inea ma rak'åk ne tes ta 'äe a'häe'ḁkia 'e 'ou huga ma 'ou a'häe.
- Noh sok'åk tē ne a'mou soksoko — ås'åk la fup'åk ta sal ne la 'es'ao se 'ou mḁuriås'åk la se 'ut'ḁkia te' ne kḁinag ag se lelei ne kat 'es'ao ra se 'ou måür fakforo fak se 'ā tēla'ā se lelei, 'iom tē'ona, hå' sikā ne vaping.
- He' se te' ne lelea' ne 'äe 'inea ne kop ma pā 'es hḁiasoag — hḁisok'ḁkiḁg ma iris ne kop ma la a'häe'åk a'mah tēet se 'oris filo'u ne noh kokon la pō la 'es'ao se 'äe ma famorit ne la tḁria hḁiasoag ta.
- Foh'åk ta 'ou av het ne la nā se online — sḁkior setē ne soksoko 'e media ma social media 'e ta av het ne fḁi a'sea ne a'ruḁ 'e ta terḁnit.
Ka sei ta 'äe pō la hḁifäegag ma
Ma 'on sal ma'oit (helplines) la pō la nā hḁiasoaga, rogrogo ma hḁiasoaga se le'et ma ne agtḁu ma noanoa se 'oris måür fakforo hün se 'oris a'häe. Te' ne hḁiasoag 'i säe ofrḁu 'e laloag ne aoa' 24 terḁnit, terån 7 'e laloag ne gasav ta.
Ao la pō ta ut garueagat ne la pō la hḁifäegag se måür fakforo hün se 'oris a'häe
Ut garueag ne hḁiasoag ma hḁiasoag ne la nā
Kat ‘es tēet ra nōnō ka ‘äe pā far hḁiasoag. ‘E ‘os la garue ag‘esea ‘e av te‘is, täe ma ‘on famӧr ma ut garueag ne la pō la nā hḁiasoag se ‘äea. Te‘is fäeag puer‘åk, kḁinag sal ma ‘amnåk ne la hḁiasoag se tē ne ‘äe pā ‘ese. Nōnō ka ‘ӓe kat ‘inea fӓeag fakfifis ‘e ra, ma ‘ӓe la pō la faksor‘åk la iris la nā ta famorit ne la pō la hӧl‘ḁkia ‘ou fӓeag ta ‘e av ne ‘ӓe he‘ se maj tūtū ne matanitū ta.
Last updated: