Kḁp‘åk ne face mask | Wearing a face mask

Ut ne face masks täe hahan‘åk ma rak‘åk la a‘es‘ao‘åk

Kḁp‘åk ne masks täe sal pumuet ne ‘is la pō la pärea, ma fu‘ḁkia forås‘åk ne COVID-19 ma ‘af‘af ne noanoa la huḁg, ma ut ne famori fup ‘af‘afa ne pipiki.

‘Ḁmis hahan‘åk la ‘äe la kḁp‘åk ta face mask het ‘e av ne la la‘ se ut garueag ne måür fakforo, fakse hḁspete, ofes ‘on tḁku, koroa ne tӧg‘åk vḁi ne ‘af‘afa, ma ut garueag ‘on tḁk ne ‘ala.

Ut garueag ne mou se Healthcare providers kop ma la:

• Far‘åk la ‘äe la kḁp‘åk ta mask het ‘e av ‘e ‘on rerege ne ‘e ut ‘on rerege la hḁiasoag la pärea ma matḁ‘ua iris ne la pō raksa‘ ma mah ‘e COVID-19.
• La sok‘åk fohot se te‘ ne lelea‘ garue ne iris ne la leu ḁsim se ut ‘e ‘on rerege la kḁp‘åk ta mask het ‘e laloag ne ut garueag ‘i.
• Kḁp‘åk ne mask kop pḁu la la‘oag ‘esea ma foh ne mou se Health and Safety.

Iḁ tē pumuet la kḁp‘åk ta face mask het ‘e av ne la la‘ la ås se famӧr ne la pō vavhiḁn ‘e ‘af‘af ta ma la hele‘ la ‘af‘af mah. Hat tape‘ ma famӧr mamfua ma kaumātua, lä‘riri‘ susu, famӧr ne noh ‘e ut nohoag ‘on famӧr mamfua, famӧr ne kat ne‘ne‘ ra /famӧr ne tak ‘af‘af ‘e hḁspete, lelea‘ ne ma ‘oris ‘af‘af fakfor ‘e ‘on ‘ihete‘ ne fup ‘af‘af ne pipik.

Nōnō ka ‘äe pō ‘e ‘af‘af ta ma kop pḁu la la‘ la kel se ta ut garueagat se maj ne måür fakforo la pō hḁiasoag se ‘äea, kḁp‘åk ta face mask het ne la tḁu lelei ma la pō la fū‘ḁkia ḁfḁf ne la hotom ‘e av ne fäega la pō la se forås‘ḁkia ‘af‘af ta se ta le‘ hoi‘ḁkit, tē te‘is la pärea iris ne kḁlum ‘äe ma la hḁiasoag la a‘jeamjeman ‘on mamḁr ne la pōam ‘e ‘af‘af ta.

Ut ne face masks täe a‘ne‘ne‘åk la a‘es‘ao‘åk

‘Ḁmis pā hahan‘åk se ‘äe la kḁp‘åk ta face mask het nōnō ka ‘äe:

• hat la Household Contact ma sḁkior ‘e te‘ ne terån ‘i se laloag ne terån 5
• mamḁr se‘ ou la pō a‘vavhiḁn ma a‘mah ne ‘af‘af ne COVID-19
• pā ‘es la a‘jeamjeman ‘ou la pō mah ma raksa‘ ne ‘af‘af ta.

‘Ḁmis pā a‘ne‘ne‘åk ma hahan‘åk se ‘äea la kḁp‘åk ta mask het ‘e ut tūtū ‘i:

• ut ne säe ofrḁu se hoa‘ tӧg sala, hat tape‘ ma pasa, ‘ahḁi la‘ uḁf ta ne hoa‘ famori, laloag ne ‘ahḁi ne hoa‘ tӧg sal ‘e laloag ‘ḁtmot riri‘i, ‘ahḁifere, motokā hoa‘ tӧg sala ma motokā hoa‘ tög sal ne hat se ride-shares
• ut ne famori hḁi‘opoag ma sosoi
• ut ne pa ‘üf‘üf ka noanoa la låg ta la sur ma hot a‘lelei
• ut ne noh hḁi‘eleag pḁu le‘et se le‘et, fakse hḁifäegag ne a‘sok mafat se maf.

Ma ‘on ut ‘e ‘on rerege kop ma la far‘åk se ‘äea la kḁp‘åk ta face mask het. Rēpuer te‘is a‘sokom ‘e irisa ma ‘eagke‘ea leum ‘e matanitū ta.

Face masks kat tӧg ra

‘Äe la pō se‘ ma pō ‘ou face masks ka kat tӧg ra ‘e av ne la täea ‘ou rapid antigen tests (RATs) ka kat tӧg ra ‘e ut tūtū ne aier‘åk la nā‘ia tē‘i. ‘Äe kat a‘noa ra la ‘af‘af ne ‘es ‘e faki‘oag ne COVID-19.

Aoag ne ta utut ne säe la a‘sokoa garue te‘is ma ‘el se ‘äea ‘e Healthpoint.

Aoag ne ta utut ne la a‘sokoa sḁkior tēet se ‘af‘af ta ma pō la nā face masks ka kat tӧg ra | Healthpoint (external link)

Nōnō ka mamḁr se‘ se ‘äea la pō mah ‘e ‘af‘af raksa‘a, ‘äe la pō se‘ ma la pō P2/N95 face masks ka kat tӧg ra.

Famӧr ne mamḁr se‘ ‘oris la ‘af‘af maha ‘e av ne la pō COVID-19