Ko e haaku a tohi paase ma e huki fakagata | My Vaccine Pass
Tau mena hagaao ke he My Vaccine Pass
Ko e My Vaccine Pass poke fakamailoga QR kua maeke ke fakamooli aki haau a tuaga kua moua e koe e haau a huki fakagata. Ko e puhala nei ni ne maeke ke fakaaoga ke fakamooli aki. Ko e tohi huki fakagata lanu fapogi ne kua moua e koe he magaaho ne oti e haau a huki fakagata poke tohi ke fakamooli kua moua e koe haau a huki fakagata kua nakai tuai talia koe taha fakamooliaga ke he haau a tuaga kua moua e huki fakagata.
Ko e tau tagata ne nonofo ki lalo hifo he 12 e tau tau moui mo e 3 e mahina kua nakai fakakite ha lautolu a tau fakamooliaga kua moua ai e huki fakagata.
Kumikumi atu ke he tau mena hagaao ia ke he Tau Fakatokatokaaga Puipui ma e COVID-19
Maeke ia koe ke ole ke he taha tohi Paase ma e Huki Fakagata kaeke ko koe kua:
- 12 e tau tau ki luga mo e kua moua ai 2 e fufuta huki he huki fakagata Pfizer COVID-19 i Niu Silani.
- kua moua e huki fakagata ke he tau motu kehe mo e huki fakagata kua talia ai (external link).
- kua moua ai 2 e fufuta huki he huki fakagata AstraZeneca i Niu Silani.
- kua moua ai e fakaataaga ha ko e moui malolō tino.
Ko e haau a Paase ma e Huki Fakagata to hāhā ki loto e haau a higoa, aho fanau mo e fakamailoga QR. Maeke ia koe ke tuku e fakamooliaga nei ki loto he koloa hila, tuga e foni, poke lolomi e taha tohi.
To oti ai e haau a tohi paase ka molea e 6 e mahina mai he magaaho ne moua ai.
Moua fēfē e tohi Paase ma e Huki Fakagata
Ko e puhala mafiti ke moua haau a tohi Paase ma e Huki Fakagata ke he laupepa i luga he kupega hila My Covid Record. Fiha ni e miniti ke moua haau a tohi paase kaeke kua ole ai, mo e to meli hila atu e haau a tohi fakamooli nei kia koe ki loto he 24 e tulā.
Kumikumi atu ke he puhala ke hu ki loto ke he My Covid Record
Kaeke kua tohia haau a higoa ke lata mo e My Covid Record:
- Hu ki loto.
- Ki loto he ‘Passes and certificates’, veveheaga, fifili ‘Request pass or certificate’.
- Ko e ‘Select a pass or certificate’ to hafagi e puha. Fifili ‘International certificate’ ti fifili ‘Continue’.
- Ki loto he ‘Your details’ puha, tuku e atulese meli hila ne kua lata he haau a tohi paase ma e tohi fakagata ke fakafano ki ai mo e fifili ‘Request certificate’.
- To hake mai e puha ke fakamooli ai.
- Kua lata ia koe ke moua e meli hila mo e haau a tohi fakamooli kua moua e huki fakagata ma e tau fenoga o fano he lalolagi ki loto he 24 e tulā.
- Ko e magaaho ka moua e koe e meli hila nei, maeke ia koe ke tuku ai e tohi paase ke he haau a foni ke fifili e mahina ne pehe ‘Add to Apple Wallet’ poke lata mo e Google Pay, ‘Save to phone’. Poke maeke ia koe ke moua poke lolomi e PDF.
Kaeke kua nakai maeke ia koe ke moua haau a My Covid Record, poke kua manako ke moua ai e tohi paase ma e taha tagata foki, matutaki ke he matakau he Faahi Gahua Malolō Tino ke he meli hila poke foni.
Meli hila: help@mycovidrecord.min.health.nz
Foni: 0800 222 478 (Matahola 8 he magaaho pogipogi ke he matahola 5 he magaaho afiafi, Aho Gofua ke he Aho Falaile)
Kaeke kua moua haau a huki fakagata mai he taha motu foki
Kua lata ia koe ke tohi ole atu ke he Faahi Malolō Tino ke maeke he haau a tau fakamauaga ma e huki fakagata mai ia he tau motu i fafo ke lalafi atu ke he New Zealand COVID Immunisation Register (CIR). Kua lata ia koe ke taute e mena nei to maeke ia koe ke moua haau a tohi Paase ma e Huki fakagata.
Ko hai ne maeke ke moua e fakaataaga?
Kaeke kua nakai maeke ia koe ke moua ai e huki fakagata Pfizer ha ko e tau kakano fakamalolō tino, haia e taha fakaholoaga ke moua e fakaataaga ke maeke ke moua e haau a tohi Paase ma e Huki Fakagata. Kua lata ia koe ke tutala ke he haau a ekekafo mo e maeke ia lautolu ke tuku atu e tohi ole ke lata mo koe.
Last updated: at