Ko e Haaku a Fakamauaga Covid | My Covid Record

Kumikumi hagaao ke he tau puhala ke fakaaoga e laupepa i luga he kupega hila My Covid Record, koe mena fe kua maeke ke moua ai e tau fakailoaaga hagaao ia ke he haau a tau huki fakagata ma e COVID-19.

Ko e atulese he laupepa i luga he kupega hila ko e mycovidrecord.health.nz mo e gahua ai ke he ha lepetopo, desktop poke foni utafano.

Ko e tau mena hagaao ia ke he My Covid Record

Ko e My Covid Record ko e lau pepa i luga he kupega hila ne maeke ia koe ke kikite atu ki ai mo e ole ke moua haau a tau fakamauaga ma e hukifakagata COVID-19, mo e ke kitia haau a tau fakamailoga he tiviaga ma e COVID. Ke he laupepa he kupega hila nei, maeke ia koe ke:

  • Ole ke moua ai taha lagaki ma e haau a tau fakamauaga ma e haau a Huki Fakagata COVID-19 - kua putoia ai e numela he fufuta, numela he fufuta huki, higoa he huki fakagata mo e kautaha ne talaga ai, mo e ha huki fakagata kua taute he tau motu i fafo ne kua ole e koe ke lalafi atu ke he haau a tau fakamauaga fakamalolō tino. Kaeke kua manako ia koe ke he mena nei ke lata mo e taha tagata foki, hea ke he 0800 222 478
  • Ole ke moua e My Vaccine Pass - ko e tau fakamauaga pauaki ma e tuaga he haau a huki fakagata ma e COVID-19 ke fakaaoga ki loto i Aotearoa Niu Silani. Maeke ia koe ke ole ke lata mo koe ni poke taha tagata foki.
  • Ole ke lata mo e International Travel Vaccination Certificate - ke fakamooli ai e tuaga haau kua moua e huki fakagata ke he tau motu i fafo. Maeke ia koe ke ole ke lata mo koe ni poke taha tagata foki.
  • Kikite atu ke he haau a tau fakamailogaaga he tiviaga ma e COVID-19
  • Tuku hake haau a Tiviaga Mafiti Antigen tau fakamailoga. Maeke ia koe ke lalafi atu e fakamailogaaga he tiviaga haau ni poke he taha tagata foki.

Ko e puhala kua maeke ia koe ke matutaki ke he My Covid Record

Ko e ha tagata i loto i Niu Silani ne kua 12 e tau moui ki luga kua maeke ke moua e fakamauaga ke fakaaoga e My Covid Record: Aua ia neke fakakite ai e haau a login poke password ma e My Covid Record ke he ha tagata taha.

  1. Fano ke he mycovidrecord.health.nz mo e peehi poke popoka ai e Sign Up. Kua kamata he mena nei e fakaholoaga ke fakatū ai taha My Health Account – maeke he mena nei ke tuku atu e fakaatāaga kia koe ke moua haau a tau fakailoaga fakatagata ma e haau a moui malolō tino ki luga he laini hila. Kua lata ia koe ke moua haau ni a atulese ma e meli hila ke fakatū ai taha fakamauaga. Kua lata he haau a fakamauaga nei ke fakamooli ke he tau puhala nei;
    • Ko e tohi fakaholo motoka mai i Niu Silani, pasipote, ko e tohi fanau poke tohi fakamooli ma e tuaga fakatagata he motu, poke pasipote Osetalia poke tohi fanau
    • Fakamauaga he tau fakailoaaga fakatagata he faahi gahua malolō tino ne leveki atu kia koe
    • Ko e fakamauaga kua fita ni he fakamooli ma haau ni
  2. Hū ki loto ke he My Covid Record fakaaoga haau a My Health Account username mo e password poke haau a Real Me login in mo e password.
  3. Ko e magaaho ka hu atu a koe ki loto he My Covid Record mo e hoko ki loto, maeke ia koe ke kitia haau a tau fakamauaga he Covid-19.

Kaeke kua kitia e koe kua fai mena kua hepe ke he haau a tau fakamauaga, maeke ia koe ke fakapuke e laupepa nei ki luga he laini hila ne fakahigoa ai ko e Change of details form, poke meli hila a koe ke he help@mycovidrecord.min.health.nz

Kaeke kua uka ia koe ke moua ai e taha paase poke ha fakamauaga ma e taha tagata foki maeke ia koe ke hea: 0800 222 478 (matahola 8 he magaaho pogipogi ke he matahola 5 he magaaho afiafi, Aho Gofua ke he Aho Falaile)

Kaeke kua uka ia koe ke tuku hake ai e fakamailogaaga he tiviaga antigen mafiti ma e taha tagata foki maeke ia koe ke hea ke he: 0800 555 728 (matahola 8 he magaaho pogipogi ke he matahola 8 he magaaho afiafi, Aho Gofua ke he Aho Falaile)

Last updated: at