Ko e puhala ke fakaaoga aki e Tiviaga Antigen Mafiti | How to use a Rapid Antigen Test

Kehekehe e tau puhala ke taute aki e tiviaga nei mo e uta ni ko e faga fe ka fakaaoaga ai. Loga he tau tiviaga antigen nei kua muitua atu ni ke he tau hatakiaga na i lalo, ka e nakai putoia oti. Fakamolemole ti muitua atu ke he tau hatakiaga he tau tagata kua talaga ai e tau koloa nei.

Kua moua ai e tau Tiviaga Antigen Mafiti nei ke he 20 e miniti.

Ko e mouaga he samopolo

1. Utakehe e suopo mai he faga.
2. Humaki e suopo nei ki loto he taha e pu ihu ke he 2-3cm mai ia he faahi he pu ihu.
3. Vilo fakaeneene e suopo laga 5 ki loto he pu ihu. Fakaaoga e suopo taha ia, liu ke taute foki e puhala nei i loto he taha pu ihu foki.
4. Onoono atu ke he tau hatakiaga he puha ke fakamooli e tulā kua lata ke totou haau a tau fakamailogaaga he tiviaga nei. To fai kehekeheaga ai mo e uta ni kehe puha.

Tiviaga he samoplo

1. Vevete kehe e foila ne toka i luga he lupo, ne kua toka ai e extraction buffer.
2. Humaki e suopo ki loto he liu he lupo. Vilo fakalahi e suopo laga 5.
3. Utakehe e suopo mo e vilo e suopo ke he paka he lupo, mo e peehi fakalahi e tau faahi ke fakatoka mai e vai he suopo.
4. Pa e lupo aki e pogoti kua tuku atu mo e poka fakamao ki loto he lupo. Lulu fakalahi mo e tata a lalo he lupo.
5. Fuluhi fakafohake e lupo mo e toto ai e samopolo fakamitaki ki luga he samopolo. Peehi fakaeneene e lupo. Fakaatā e tau hihina tuga kua tohia ke he tau hatakiaaga, ke mokulu hifo ki loto he lupo he samopolo.
6. Fakamolemole ti onoono atu ke he tau hatakiaga he lupo nei mo e muitua atu ke he magaaho kua fakatoka ai ke kitia haau a fakamailoga he tiviaga.

Totouaga he haau a fakamailoga ke he tiviaga

Nekativi

Taha e laini ne tata atu ke he C ko e fakamailoga hanei kua nekativi e tiviaga.

Kaeke kua moua e koe e fakamailoga nekativi he tiviaga mo e nakai fai fakamailoga gagao, kua nakai fai mena foki kua lata ia koe ke taute.

Posetivi

Ua e laini, taha ne tata ke he C mo e taha ne tata ke he T, ko e fakamailoga hanei kua posetivi e tiviaga.

Kaeke kua moua e koe e fakamailoga posetivi he tiviaga, kua lata ia koe ke nofo puipui agataha mo e fano ke moua ai e tiviaga PCR.

Totouaga kua nakai hako

Nakai fai laini ne kua tata kehe C ko e fakamailoga kua nakai hako e tiviaga nei.

Kaeke kua nakai hako e fakamailoga tivi nei, kua lata ia koe ke liu foki ke taute e tiviaga nei.

Fakailoa e haau a tau fakamailoga he tiviaga

Kua lata ia koe ke fakailoa haau a tau fakamailoga he tiviaga. Kua maeke ia koe ke taute e mena nei ke he My Covid Record.

Hu ki loto he mycovidrecord.health.nz (external link) poke vilo atu ke he vilo atu 0800 222 478 mo e peehi e fifiliaga ke 3.

Kaeke ko koe taha i loto he Close Contact Exemption Scheme, kua lata ia koe ke fakailoa atu ke he haau a pule gahua hagaao ia ke he haua a fakamailoga he tiviaga.