Na noqu itukutuku me baleta na Covid | My Covid Record

E rawa ni ko raica eso tale na itukutuku ena website ni noqu itukutuku me baleta na COVID-19.

Na vanua e rawa ni kunei kina na mycovidrecord.health.nz (external link) ka rawa ni laurai ena laptop, komipiuta e dabe na dela ni desi se talevoni veikauyaki.

Me baleta na Noqu itukutuku ni COVID-19

Na website na My Covid Record (Noqu itukutuku me baleta na Covid) e vakatara mo raica ka kerea na kemu itukutuku ni cula ena icula ni itatarovi ni COVID-19 mo raica kina na icula ni itatarovi e sa solia oti vei iko. Ena website oqo, e rawa ni ko raica kina na:

  • Kerea e dua na ilavelave ni nomu itukutuku ni cula ena icula ni itatarovi ni COVID-19 - e okati kina na naba e soli ena wainimate e ra buli vata ena dua na gauna, yaca ni wainimate ni itatarovi, kabani e bulia kei na so tale na icula ni itatarovi mai vanua tani ko a kerea me vakacurumi ena nomu itukutuku ni bula. Kevaka ko gadreva oqo ena vukuna tale edua, qirita na 0800 222 478
  • Kerea e dua na My Vaccine Pass (Noqu ivakadinadina ni sa cula oti) - e dua na itukutuku vaka matanitu me baleta na ituvaki ni nomu cula ena icula ni itatarovi me vakayagataki e Aotearoa Niusiladi. E rawa ni ko kerea ena vukumu se ena vukuna e dua tale.
  • Kerea e dua na International Travel Vaccination Certificate (Noqu sitivikiti ni vakadinadina ni sa cula oti ena icula ni itatarovi me baleta na lako ki vanua tani) - me vakadinadinataka na ituvaki ni nomu cula ena icula ni itatarovi ki vanua tani. E rawa ni ko kerea ena vukumu se ena vukuna e dua tale.
  • Raica na macala ni nomu vakadikevi
  • Lavetaka na macala ni Rapid Antigen Test (vakadikevi ena kena curumaki na tolo ni vauvau ena ucu). E rawa ni ko vakuria e dua na macala ni nomu vakadikevi se ena vukuna tale e dua.

 

Na ivakarau ni nomu saini mo curu ena My Covid Record (Na noqu itukutuku me baleta na COVID)

E rawa ni dua ga e Niusiladi e sa yabaki 12 se sivia me saini me vakayagataka My Covid Record (Noqu itukutuku me baleta na Covid): Kakua ni wasea na vosanicuru vua tale e dua me baleta na My Covid Record (Noqu itukutuku me baleta na Covid).

  1. Lako ki na mycovidrecord.health.nz (external link) and qai tabaka na Sign Up. Oqo me tekivu ena kena dola e dua na My Health Account (Na noqu itukutuku ni bula)– ena vakatara mo raica na kemu itukutuku ni bula ena initaneti. Ena gadrevi na nomu imeli mo dolava kina na nomu akaude. E rawa ni vakadeitaki e dua na akaude mai vei rau ruarua:
    • Laiseni ni draiva ni Niusiladi, pasipote, vola ni sucu se sitivikiti ni lewenivanua se pasipote ni Ositerelia se vola ni sucu.
    • Vakacuruma na itukutuku matailalai ni nomu dauveiqaravi ni qaravi ni bula
    • E dua na akaude ni real me e sa vakadeitaki oti.
  2. Dolava na My Covid Record (Na noqu itukutuku ni Covid) vakayagataka na My Health Account (Na noqu itukutuku ni bula) yaca vakayagataki kei na vosa ni curu se curu yani kei na vosa ni curu ni Real Me login.
  3. E na gauna ko sa saini yani kina ena My Covid Record (Noqu itukutuku ni Covid) e sa rawa ni ko raica na kemu itukutuku ni Covid.

Kevaka ko raica e dua na ka e cala ena kemu itukutuku ena rawa mo vakalewena e dua na fomu ena mona livaliva e vakatokai na Change of details form (fomu me veisautaki kina na itukutuku), se mo imeli ki na help@mycovidrecord.min.health.nz

Kevaka e leqa tiko na nomu kerea na nomu vosa ni curu se kena itukutuku tale e dua e sa rawa ni ko:

  • Qirita na: 0800 222 478 (8 na kaloko ena mataka ki na 5 na kaloko ena yakavi, Moniti ki na Vakaraubuka)

Kevaka ko sotakaya na dredre ena nomu lavetaka na itukutuku ni rapid antigen test (vakadikevi ena kena curumaki na tolo ni vauvau ena ucu) ena vukuna e dua tale e rawa ni ko

  • Qirita na: 0800 555 728 (8 na mataka, Moniti ki na Vakaraubuka)

Last updated: at