Na icula ni itatarovi na AstraZeneca | The AstraZeneca vaccine

Raica eso tale na itukutuku me baleta na icula ni itatarovi na AstraZeneca kei na sala e rawa mo cula kina.

Me baleta na icula ni itatarovi na AstraZeneca

Na icula ni itatarovi e vakayagataki vakalevu e Niusiladi na Pfizer.

Ia e sa tiko talega na icula ni itatarovi ni COVID-19 na AstraZeneca vei ira e ra sa yabaki 18 ka sivia kevaka e ra vinakata me ra cula ena dua tani tale mai na Pfizer.

E icula ni itatarovi ni mate veitauvi. E sega ni tiko ena icula ni itatarovi e dua na manumanu bula ni mate na SARS-CoV-2, ka sega kina ni rawa me veitauvi na COVID-19 ena icula ni itatarovi oqo.

E gadrevi na cula vakarua ena icula ni itatarovi na AstraZeneca. Ena gadrevi mo wawa me 4 na macawa ni bera ni qai soli vei iko na ika rua ni nomu cula ena icula ni itatarovi. Mo rawa ni taqomaki vakavinaka, ena gadrevi mo cula vakarua ena icula ni itatarovi.

E sega ni saumi ka vakarautaki vei ira kece e Niusiladi.

Na nomu cula ena icula ni itatarovi na AstraZeneca

E rawa ni vakadeitaka na nomu gauna mo cula kina ena icula ni itatarovi na AstraZeneca ena Book My Vaccine (external link) se qirita na Talevoni ni Bula ni cula ena icula ni itatarovi ni COVID-19 ena 0800 28 29 26.

Ena vakaraitaki tu ena Book My Vaccine na veivanua e rawa ni ko cula kina ena icula ni itatarovi na AstraZeneca.

E sega ni dodonu mo cula ena icula ni itatarovi na AstraZeneca kevaka:

  • e lako vakaca vei iko na revurevu ni icula ni itatarovi oqo se dua na ka e tiko kina
  • e vakavuna e dua na cevata levu ni dra ena gauna ko cula oti kina ena icula ni itatarovi ni COVID-19 ka lailai na veika e dau vakavuna na cevata ni dra
  • e sa yaco oti na Capillary Leak Syndrome (na ituvaki e vakavuna me cila tani mai na wai mai na sala ni dra lalai).

E cula na icula ni itatarovi na AstraZeneca ena masela (vakalevu ena tabamu e cake). E rawa ni soli na ika rua ni icula ena maliwa ni ika 4 ki na ika 12 ni macawa ni oti na imatai ni icula ni itatarovi. Kevaka ko a cula taumada ena icula ni itatarovi na AstraZeneca e dodonu mo cula talega kina ena kena ikarua.

E dodonu mo wawa me 15 na miniti ni ko sa cula oti me rawa ni keitou vakadeitaka ni ko daumaka.

Ni oti e 3 na vula mai na gauna ko cula kina ena ikarua ni gauna, e sa rawa ni soli vei iko na icula ni veitokoni ni itatarovi.

Raica e so tale na itukutuku me baleta na icula ni veitokoni ni itatarovi

Bukete

E sega ni veirauti sara na itukutuku me baleta na kena vakayagataki na icula ni itatarovi na AstraZeneca vei ira na bukete, e kena ibalebale ni se veirauti tikoga na Pfizer vei ira.

Vosa vua na nomu vuniwai kevaka ko nanuma ni ko sa bukete se kevaka ko bukete se sucu tiko vei iko na luvemu se veiganiti vei iko na icula ni itatarovi na AstraZeneca. 

Na sala e cakacaka kina na icula ni itatarovi na AstraZeneca

Na icula ni itatarovi na AstraZeneca e vakabulabulataka na sotia ni yago. E vukea na yago me bulia na sotia me veivuke ena kena valuti na manumanu ni mate. Oqo ena vukei iko ena nomu taqomaki mai na COVID-19 ena veigauna mai muri. E sega ni dua na isaluwaki ni icula ni itatarovi oqo e rawa ni vakavuna na COVID-19.

Keitou kila vakacava ni mana na AstraZeneca me icula ni itatarovi

Na icula ni itatarovi ni COVID-19 e sa dikevi oti vakavinaka duadua.

Ena gauna ni vakatovotovo e kunei ni solia na AstraZeneca e 81 na pasede ni veitaqomaki mai na ivakatakilakila ni COVID-19. E vakaraitaka talega ni rauta ni 80 na pasede na kena mana me tarova na curu e valenibula ni oti na imatai ni icula. Ena veitaqomaki vinaka duadua e na gadrevi mo cula vakarua.

Na ivakarau ni neitou dikeva na mana ni icula ni itatarovi e vakayagataki

Na Medsafe na tabana e Niusiladi e tiko vua na kaukauwa me dikeva na kena mana. E dikeva na kedra vakayagataki na wainimate vou, okati kina na itatarovi, me vakadeitaka ni ra sa yacova na ivakatagedegede e gadrevi e vuravura kei na veika e ganita na noda vanua. E na vakatura walega me vakadonui me vakayagataki e dua na wainimate e Niusiladi kevaka e sa yacova na vei ivakatagedegede oqori.

E a sa vakadikeva sara vakavinaka na AstraZeneca na Medsafe me baleta kena veitaqomaki. E sega ni caka tu ga me rawa na kena vakadonui na vakayagataki ni icula ka sega ni muri e dua na sala takoso. E sa mana na nodra vakayagataka na AstraZeneca e vica vata na milioni e vuravura.

Kena revurevu

E rawa ni ko vakila e so na revurevu lalai ni vei wainimate ni itatarovi taucoko ko vakayagataka ena loma ni vica siga ni oti mai na gauna e soli kina vei iko. Oqo na kena ituvaki e dau yaco vakawasoma ka ivakaraitaki ni sa vulica na yagomu me valuta na manumanu ni mate.

E levu na revurevu e sega ni dau dede ka sega ni tarova na ika rua ni nomu cula ena icula ni itatarovi se tarova na veika ko dau cakava ena veisiga. Eso e lako vakaca vei ira era na sega kina ni draiva vakavinaka se vakayagataka eso na misini.

Na revurevu ni kena cakacaka ena wainimate na:

  • mosi se vuvuce ni vanua e cula
  • wawale se momosi na yago
  • mosi ni ulu
  • mosi ni masela
  • batabata
  • momosi ni sema ni yago
  • tubu na ivakarau ni katakata
  • wadadamu na mawe ni icula
  • lomalomaca.

Eso tale na kena revurevu ena dau yaco vakalevu ena ikarua ni cula.

Eso na revurevu bibi

E so narevurevu bibi ia e ra sega ni dau yaco vakawasoma.

Na cevata ni dra e dua na revurevu ni icula ni itatarovi na AstraZeneca ia e sega ni dau yaco vakawasoma. E sa yaco oti e na rauta ni 1 ena ya 100,000 vei ira e ra sa cula oti ena icula ni itatarovi na AstraZeneca.

Revurevu e rawa okati kina:

  • cegu leka
  • mosi ni sarisari
  • vuce ni yava
  • mosi ni liga kei na yava
  • mosi kaukauwa ni ulu ka vaka me sega ni oti rawa
  • buwawa na rai
  • veilecayaki se manumanu ni soni
  • mosi ni kete.

E sa tauri e so na itukutuku ni kena cila na dra mai na kena sala me drodrova yani na vei tiki ni yago tale e so. Na kena ivakaraitaki e oka kina na vuce totolo ni liga kei na yava, levu totolo na bibi kei na via matabuto.

E sa tukuni talega na itukutuku ni Guillain-Barre syndrome (GBS) (na veilecayaki ni sotia ni yago me ra sa laki vakaleqa tale na nave ka vakavuna na mosi ni masela kei na paralasi ena so na gauna). E sega ni dau yaco vakawasoma na GBS me vakavuna na vuce ni nave. Na kena ivakatakilakila e okati kina na mosi, mate kei na malumalumu ni masela ena liga kei na yava ka rawa ni tete yani ki na saresare kei na mata.

Vakasaqara vakatotolo na veiqaravi vaka vuniwai kevaka ko vakila na vei ivakatakilakila oqori.

Ripotetaki ni revurevu ni icula

E rawa ni ko tukuna na revurevu ki na Centre for Adverse Reactions Monitoring (CARM) (Tabana e vakamuria ka vakadikeva na vei irevurevu ca ni wainimate). Na Tabana e vakamuria ka vakadikeva na irevurevu ca ni wainimate e maroroi kina na itukutuku me baleta na ituvaki ni revurevu lako vakaca ni wainimate kei na wainimate ni itatarovi e Niusiladi.

Tukuna na itukutuku ni kena lako vakaca (external link)

Vakadinadinataka ni ko sa cula oti ena icula ni itatarovi

Na website na My Covid Record e vakatara mo raica na itukutuku ni nomu cula ena icula ni itatarovi ni COVID-19. Ena website oqo e rawa talega mo kerea kina:

  • My Vaccine Pass - na itukutuku vakamatanitu me baleta na ituvaki ni nomu cula ena icula ni itatarovi ni COVID-19 e Aotearoa Niusiladi
  • na Na Sitivikiti ni Cula ni veilakoyaki ena veivanua - na ivakadinadina ni nomu cula ki na veivanua tani.

Raica na itukutuku ni cula ena My Covid Record

Veika tale eso

Dikevi kei na vakadonui ni vei wainimate ni itatarovi | Minisitiri ni Bula (external link)

Lako vakaca kei na revurevu ni wainimate ni itatarovi | Minisitiri ni Bula (external link)

Me baleta na wainimate ni itatarovi na AstraZeneca | Immunisation Advisory Centre (Tabana ni vakasala ni wainimate ni itatarovi) (external link)

Vakau ni tukutuku lasu kei na itukutuku yavutaki ena dina me veivakacalai ka veivakaleqai

Last updated: at