Na nomu cula ena icula ni veitokoni | Getting your booster dose

Vulica na icula ni veitokoni me baleta na icula ni itatarovi ni COVID-19 kei na sala cava mo rawa ni cula kina.

Me baleta na icula ni veitokoni

Kevaka ko sa yabaki 16 se sivia, e sa rawa mo cula ena icula ni veitokoni ni itatarovi ni COVID-19.

Kevaka ko sa yabaki 18 se sivia e sa na rawa ni ko cula ena icula ni veitokoni ni oti e 3 na vula mai na nomu cula ni itatarovi taumada.

Kevaka ko sa yabaki 16 se 17, e sa na rawa ni cula ena icula ni veitokoni ni oti e 6 na vula mai na nomu cula taumada ena icula ni itatarovi.

E sega ni vakaukauataki na cula ena icula ni veitokoni ka sega ni gadrevi kevaka e vinakati na ivakadinadina ni sa cula oti ena icula ni itatarovi. Kevaka ko sa cula e na icula ni veitokoni, e na vakacurumi na kena itukutuku e na nomu itukutuku vakamatanitu me baleta na COVID-19 ka rawa ni caka tale kina e dua na nomu itukutuku ni sa cula oti.

Kevaka ko sa tauvi COVID-19 e dodonu mo wawa me oti e 3 na vula mai na gauna e sa vakadeitaki kina ni ko sa tauvi mate ni bera ni ko cula ena icula ni itatarovi.

E rawa ni soli vei iko na icula ni veitokoni ena:

  • na nomu lako ki na vanua ni veicula ena icula ni itatarovi
  • veivosaki kei na nomu vuniwai kevaka e ratou dau veicula ena icula ni itatarovi
  • vakadeitaka na nomu gauna ni cula ena Book My Vaccine se qirita na 0800 28 29 26.

Vakadeitaka na nomu gauna ni cula ena icula ni itatarovi (external link)

Raica na My Covid Record (Na noqu itukutuku me baleta na Covid)

My Vaccine Pass (Na iVakadinadina ni sa Cula Oti)

Na icula ni itatarovi ena soli vei iko?

Na icula ni itatarovi na Pfizer e icula e vakayagataki vakalevu ena icula ni veitokoni e Niusiladi veitalia kevaka ko a cula ena duatani na icula ni itatarovi ko a cula taumada kina.

Na icula ni itatarovi na Pfizer

E sa rawa ni vakayagataki ena gauna oqo na icula ni itatarovi na AstraZeneca mai 3 na vula ni ko sa cula oti vakarua ena icula ni itatarovi ia e na gadrevi e dua na ivola ni vuniwai me baleta na wainimate. E rawa ni ko taura rawa e dua na ivola ni wainimate ni bera ni ko laki raica na vuniwai ko vinakata se na vanua ni veicula ni itatarovi na AstraZeneca — ia e sega ni rawa ni solia na ivola ni wainimate na vei vanua ni veicula.

E sega ni saumi na nomu laki raici vuniwai mo cula ena icula na AstraZeneca

Na icula ni itatarovi na AstraZeneca

Na mana ni icula ni veitokoni

E dina ni rua na icula ni itatarovi e sa na solia na veitaqomaki mai na tauvi mate bibi ena

E laurai ena ivakadinadina ena gauna oqo ena nomu rawa ni taqomaki ena imatai ni ivakarau ni cula e vakarautaki ni sa na seavu vakamalua na kena mana ni sa toso na gauna. Na nomu vakuria tale na icula mai na imatai ni ivakarau ni cula ena vakaukauataka na sotia ni yagomu ena valuti ni mate na COVID-19.

Na icula ni veitokoni e na vukea mo kua ni tauvi mate bibi ena COVID-19 ka tini sara ki valenibula. 

Cula mai vanua tani ena icula ni itatarovi.

Kevaka ko a cula mai vanua tani ena icula ni itatarovi e sa na rawa ni ko cula ena icula ni veitokoni ni oti e 3 na vula mai na nomu cula ena icula ni itatarovi kevaka ko sa yabaki 18 se sivia. Kevaka ko sa yabaki 16 se 17 e sa na rawa ni ko cula ena icula ni veitokoni ni oti e 6 na vula mai na iotioti ni gauna ni nomu cula ena icula ni itatarovi.

Kevaka e vakamalumalumutaki na sotia ni yagomu

E vakaturi me soli na i ka tolu ni cula ni itatarovi vei ira e vakamalumalumutaki na sotia ni yagodra. Oqo e duatani mai na icula ni veitokoni ni itatarovi.

E rawa ni vei ira e dodonu me ra cula vaka tolu ena icula ni itatarovi me soli vei ira na icula ni veitokoni ni sa oti e 6 na vula mai na gauna e ra sa cula oti kina ena kena ika tolu ni gauna ena icula ni itatarovi. Kevaka e ra sa yabaki 16 se 17 e ra sa rawa ni cula ena icula ni veitokoni ni oti e 6 na ula mai na ika 3 ni gauna e ra cula kina ena icula ni itatarovi.

Raica eso tale na itukutuku me baleta na ika tolu ni cula ni itatarovi kevaka e vakamalumalumutaki na sotia ni yagomu (external link)

Na revurevu ni icula ni veitokoni

Na revurevu ni icula ni veitokoni e tautauvata kei na revurevu ni icula taumada ni itatarovi. Koya e okati kina na mosi, damudamu kei na vuce ni mawe ni cula, mosi ni ulu, lomalomaca kei na oca.

Raica e so tale na itukutuku me baleta na revurevu (external link)

Last updated: at