Lako ki Niusiladi | Travelling to New Zealand

E sa tekivu dolava ko Niusiladi na nona vei iyalayala ni vanua ena 2022.

Me baleta na lako ki Niusiladi

Ena gadrevi mo vakamuria e vuqa na ka e gadrevi ni ko lako ki Niusiladi.

E vakamacalataki ena vei ikalawa e ra koto era na ivakadinadina e gadrevi mo vakaraitaka ni ko curu mai ki Niusiladi.

E sa sega ni gadrevi mo vakadikevi taumada ni bera ni ko lako ki Niusiladi.

E rawa ni veisau vakatotolo na kena ivakarau - ena vakarautaka na Tabana ni Curu Vanua e Niusiladi na kena itukutuku vou.

Lako ki Niusiladi | Tabana ni curu Vanua e Niusiladi (external link)

1. Vakadeitaka taumada se rawa ni ko lako mai ki Niusiladi

E rawa ni ra lako mai ki Niusiladi ko ira na kai Niusiladi kei ira e ra vakatarai me ra qai mai vakadikevi ira vakataki ira ena gauna e ra yaco mai kina. Raica na website ni Tabana ni Curuvanua e Niusiladi mo vakadeitaka se rawa ni lako mai.

E gadrevi vei ira e vuqa e ra lako mai ki Niusiladi me ra sa cula taucoko vakavinaka ena icula i itatarovi ni COVID-19, e dina ga ni ra tiko e so e ra vakuai kina.

Qarauna me vakadonui na nomu pasipote ni bera ni ko lako. Ko na rairai gadreva talega mo kerea e dua na New Zealand Electronic Travel Authority (NZeTA).

Qarauna mo vakadeitaka ni ko rawa ni lako ki Niusiladi | immigration.govt.nz (external link)

Veika e gadrevi me baleta na cula ena icula ni itatarovi kei na icula ni itatarovi e vakadonui

Kerea e dua na NZeTA | immigration.govt.nz (external link)

2. Vakadeitaka na nomu lako

Vakadeitaka na nomu lako ki Niusiladi

Raica rawa na yavu ni lewa ni sala ni veilakoyaki me baleta na icula ni itatarovi, vakadaroi ni lako kei na saumi lesu mai ni ivodovodo kevaka e dua na veisau.

E dodonu mo vakasamataka mo volia e dua na inisua ni lako kevaka e na mani vakaleqai na ituvatuva. E dodonu talega mo veivosakitaka e dua na icili vinaka ni tiko vakatikitiki kevaka e na mani gadrevi.

3. Tekivu vakalewena na ivola bubului ni lako

E dodonu me ra vakalewena taucoko na ivola tukutuku ni bubului ni lako ko ira kece e ra via lako ki Niusiladi ni bera ni ra biubiu. E na qai solia vei na Traveller Pass (iVola Tara ni Vakadonui ni lako)

Tekivu vakalewena na vola bubului ni lako ena gauna totolo ko rawata. E rawa ni ko tekivu vakalewena ni vo e 28 na siga mo lako.

Tekivu vakalewena na ivola tukutuku bubuluitaki ni lako (external link)

Na ivola me vakacurumi ena ivola tukutuku bubuluitaki (external link)

4. Vakacavara na ivola tukutuku ni bubului ni lako

Mo vakacavara na ivola tukutuku ni bubului ni lako e dodonu mo vakarautaka na:

  • itukutuku matailalai ni pasipote
  • itukutuku ni veilakoyaki
  • ivakadinadina ni sa cula oti ena icula ni itatarovi (kevaka e gadrevi)
  • itukutuku ni veilakoyaki ena loma ni 14 na siga sa oti.
  • itukutuku matailalai ni veitaratara e Niusiladi
  • matailalai ni itukutuku ni veitaratara ena gauna ni leqa tubukoso

Dikeva lesu tale na itukutuku keve ko sa vakacuruma ena itukutuku ni veilakoyaki bubuluitaki mo vakadeitaka ni sa veisotari kei na itukutuku vaka matanitu.

E na gadrevi mo vakaraitaka na ivola tara ni lako ena gauna ko curu yani kina ena rara ni waqavuka kei na tabana ni kasitaba e Niusiladi. E rawa ni tabaki se maroroi ena nomu misini veikauyaki. E rawa ni ko kauta kece tiko na ivolavola ko a lavetaka ena ivola tukutuku ni bubului ni veilakoyaki.

Na idusidusi ni lavetaki ni vola tukutuku. (external link)

5. Ena rara ni waqavuka

Kevaka e ganita ena gadrevi na nomu:

  • pasipote
  • ivola tara ni curu vanua - kevaka e gadrevi
  • tikite ni lako
  • iVola tara ni veivakadonui ni lako e sa vakaleweni vakaoti
  • ivakadinadina ni sa cula oti ena icula ni itatarovi

Kevaka ko sega ni bula vinaka ni bera ni ko vuka

Kevaka ko sega ni bula vinaka ni bera ni ko vuka, se tiko vei iko na ivakatakilakila ni matetaka se COVID-19 me vaka na surusuru kei na tasogo ni ucu, ena rawa ni tarogi iko na vakailesilesi ni waqavuka se sa tiko vei iko na ivakatakilakila. Kevaka e tarogi vei iko ena gadrevi mo vakaraitaka na:

  • e dua na sitivikiti nei vuniwai se vakailesilesi ni tabana ni bula me vakadeitaka ni ko sega ni rawa ni vakadewataka na mate se tauvi iko na COVID-19 (ka dodonu me ra vakadikevi ni vo e 48 na aua me ra vuka)
  • seivakadinadina ni sega ni tauvi iko ena nomu vakadikevi ena COVID-19 ka qarava na kena vakailesilesi. Na veidikevi ni bera na biubiu e vakadonui:
    • vakadikevi ena kena curumaki na tolo ni vauvau ena qara ni ucu sara e loma ni vo e 48 na aua mo vuka ki Niusiladi.
    • me na vakailesilesi me qarava na veidikevi ena kena curumaki na tolo ni vauvau ena ucu se na loop-mediated isothermal amplification (LAMP) )tauri me dikevi na sabolo ni weli)ni vo e 24 na aua mo vuka ki Niusiladi.

6. Yaco ki Niusiladi

E ratou na vakadeitaka na tabana ni Kasitaba na ivola tukutuku ni veilakoyaki, itukutuku ni cula ena icula ni itatarovi, ivola tara ni veivakadonui ni lako kei na so tale na ka e gadrevi. Mo namaka na lokuyara ni ko curuma yani na rara ni waqavuka.

Kevaka e sega ni vakadeitaki ni ko kauta tiko e so na ka rerevaki ena solo vei iko na iyaya ni veikidavaki E okati ena nomu iyaya ni veikidavaki na:

  • iyaya ni vakadikevi ena kena curumaki na vauvau ena qara ni ucu (RAT)
  • e dua na idusidusi ni veidikevi kei na lavetaki ni kena macala.

Vakacavara na nomu vakadikevi ka lavetaka na kena macala me vaka na kena idusidusi.

Na veika e gadrevi me baleta na veidikevi ni ko sa yaco mai ki Niusiladi

Last updated: at