Na veilakoyaki e Niusiladi | Travel around New Zealand

Raica na veika e dodonu mo kila me baleta na veilakoyaki e Niusiladi ena ruku ni roka ni cina ni idusidusi ni veilakoyaki.

Lako kosova veivanua e duidui kina na roka ni cina ni dusidusi ni veilakoyaki

E rawa ni ko veilakoyaki e Niusiladi ena vei cina taucoko ni idusidusi ni veilakoyaki.

Kevaka ko lako ena dua na vanua e duidui kina na roka ni cina ni idusidusi ni veilakoyaki e dodonu mo vakamuria na kena lawa. Me kena ivakaraitaki kevaka ko mai vanua Seninawanawa ki na Damudamu e dodonu mo vakamuria na lawa ni Damudamu.

Kena ivakararaba e gadrevi me dua na nomu Vaccine Pass (ivakadinadina ni sa cula oti) se mo vakadikevi me vakadeitaki ni sega ni tauvi iko.

Eso na sala ni veilakoyaki (me na waqavuka se waqa ni vakalele ena Cook Straight) era na gadreva me ra raica na nomu Vaccine Pass (ivakadinadina ni ko sa cula oti) se dua na macala ni veidikevi e sega ni vakadeitaki kina na tauvi iko na COVID-19. E sega ni gadrevi me tiko na nomu Vaccine Pass (ivakadinadina ni sa cula oti) se macala ni veidikevi e vakadeitaki kina ni sega ni tauvi iko na COVID-19 kevaka ko vakayagataka na sala ni veilakoyaki e vakayagataki raraba.

E sega ni dodonu mo veilakoyaki kevaka e sa tukuni vei iko mo tiko vakatikitiki se ko waraka tiko na macala ni nomu vakadikevi.

Me baleta na roka ni cina na idusidusi ni veilakoyaki

My Vaccine Pass (Noqu ivakadinadina niu sa cula)

Vakadikevi

Vakarautaka e dua na nomu ituvatuva ni bera ni ko biubiu

Ni bera ni ko lako e dodonu mo vakarautaka mo cakava kevaka ko tauvi COVID-19 ena gauna lako tiko kina. Na nomu ituvatuva e dodonu me okati kina:

  • sala mo na lako tale mai kina ki vale
  • na sala mo rawata kina na waiwai (mo cegu ena siteseni vakatawa benisini ka sega na veitaratara)
  • na iyaya ena gadrevi mo kauta me vakalailaitaka sobu na kele

Lavetaka e dua na ituvatuva ni vakavakarau ni COVID-19 [PDF, 101 KB]

Kevaka e kunei vei iko na ivakatakilakila ni COVID-19 ena gauna ko lako tiko kina

Mo laki dikevi

Kevaka ko sega ni bula vinaka se voleka vua e dua e tauvi COVID-19 e gauna ko lako tiko kina e dodonu mo:

  • qirita na Talevoni Bula ena 0800 358 5453 me baleta na ivakasala kei na vakadikevi
  • ko tiko vakatikitiki ena vanua ko tiko ina kevaka e sa tiko vei ko iko na kena ivakatakilakila me yacova ni sa macala na nomu vakadikevi
  • qirita na 111 kevaka ko gadreva vakatotolo na veivuke vaka vuniwai se vaka me dredre mo cegu. Tukuna vei iratou ni sa tauvi na COVID-19.

Ena veitaratara yani vei iko e dua na ivakalesilesi ni tabana ni bula kevaka e sa vakadeitaki ni tauvi iko. Ena rawa ni ko veivosakitaka na veika e dodonu mo cakava kei na veitaqomaki ni nomu ilakolako lesu ki vale. Ena sega ni rawa ni ko vukaa lesu ki vale, se draiva vakabalavu me gadrevi kina na moce ena dua na bogi se vodo ena dua na sala ni veilakoyaki e vakayagataki raraba.

Mo tiko vakatikitiki vakataki iko

E rawa ni ko lesu ki vale mo laki tiko vakatikitiki kevaka e sega ni yaco kina edua na leqa. Mo nanuma vakavinaka na vanua ko a lako kina, tokara na iubi gusu kei na ucu ka tiko veiyawaki.

Mo tikoga ena vanua ko tiko kina kevaka e sega ni rawa ni ko lako vinaka ki vale. Ena soli veivuke e vakarautaki tu ena tiko vakatikitiki me tiki ni parokaramu ni veiqaravi ena itikotiko.

E dodonu mo tukuna vua na itaukei ni vanua ko tiko ni ko a dua e veitaratara voleka keina duae tauvi koya ka sa vakadeitaki ni sa tauvi iko.

Na cava mo namaka ena nomu tiko vakatikitiki

Tokara na iubi ni gusu kei na ucu ena vanua ko veilakoyaki kina

Mo tokara tiko na iubi ni gusu kei na ucu ni ko veilakoyaki

  • ena vuka
  • ena waqa ni vakalele ena Cook Straight
  • ena ikelekelei kei na Vanua ni vakavodo (me vaka na rara ni waqavuka)
  • sala ni veilakoyaki ni lewenivanua raraba
  • ena motoka e ra vodo kina e lewe vica tale

Ko vakasalataki mo tokara tiko na iubi ni gusu kei na ucu ena gauna ko biuta kina na nomu vale.

Ena vakatau ena roka ni cina idusidusi ni veilakoyaki e vakayagataki, e vakaukauataki me tokari na iubi ni gusu kei na ucu ena veivanua eso. Qarauna mo kila na veika e gadrevi ni bera ni ko lako.

Mo volaitukutukutaka vinaka na veivanua ko gole kina

Me tarovi na dewa ni COVID-19, ena veigauna mai muri e dodonu me kilai na veivanua e lakovi, me kilai ko cei veitaratara kei koya e tauvi COVID-19 me rawa tarova kena veitauvi. Me vakavolai na veitosoyaki ni lewenivanua ena veivuke ena kena qaravi kei na kena mana.

Vakamuria na veivanua ko vakalakova ena nomu lavetaka na NZ COVID Tracer app mai na App Store (external link) se na Google Play (external link), se ena nomu vakayagataka na ivola ni NZ COVID Tracer booklet.

Lavetaka edua na ivola ni NZ COVID Tracer [PDF, 668 KB]

Raica eso tale na itukutuku ni tukutuku ni veitaratara

Vakuria tikoga na veitaqomaki

E dina ga ni sa tiko sara e cake na iwiliwili ni cula ena icula ni itatarovi ni COVID-19 e Niusiladi, ia e se rawa tikoga ni veitauvi vei ira na lewenivanua raraba.

Me vakaberabera-taki na veitauvi ni manumanu ni mate, ka tomana tikoga na veivukei ni veitaqomaki vei iratou na nona matavuvale kei na lewe ni tikotiko ka sa bibi me maroroi na ivakarau ni tiko bulabula:

  • Savata ka vakamamacataka vakawasoma na ligamu se vakayagataka na waiwai ni sava liga.
  • Suru se vu ena maliwa ni duruduru ni ligamu.
  • Mo yawaki ira ko sega ni kila.
  • Vakasavasavataka vakavinaka na dela ni vanua vakayagataki vakalevu.
  • Mo tikoga e vale ka laki vakadikevi kevaka ko vakila na ivakatakilakila ni liliwa, matetaka se COVID-19.
  • Ena vakayacori tikoga na veiqaravi ena leqa tubukoso e na roka ni cina ni dusidusi taucoko. Ena tubukoso qirita na 111.

Last updated: at