Na Bula ena Seninawanawa | Life at Orange

Ena Seninawanawa, e se veitauvi tiko kina na COVID-19. E sa tubu tikoga na ririko vei ira na lewenivanua e rawarawa ni ra vakaleqai ka na osooso sara kina na Tabana ni Bula.

Me baleta na Seninawanawa

Ena tiko eso na vakatatabu ena Seninawanawa me veitaqomaki vei ira na lewenivanua ena noda itikotiko. Ena rawa mo vakuria tikoga na nomu cakacaka ena veisiga oka kina na:

  • Sota vata kei ira na nomu itokani kei ira na lewe ni matavuvale
  • Tiko ena soqo kei na bose
  • Lako ni volivoli
  • Laki kana se gunu ena vei valenikana, gunu kei na icili
  • Lako ki na veiqaravi ni tabana ni bula
  • Lako ki na veikoronivuli ni muri vuli, koronivuli kei na univesiti
  • Veilakoyaki
  • Toki ki na dua na vale vou

E sa sega ni yalani na iwiliwili ni soqo ena loma ni vale kei na tautuba. E sa ka bibi na tokari ni ubi ni gusu kei na uca ena gauna ni roka Seninawanawa. E sa na sega ni gadrevi me vakayagataki na My Vaccine Pass (Noqu ivakadinadina ni‘u sa cula).

Raica eso tale na itukutuku me baleta na veika e gadrevi ena Seninawanawa ena vosa vakavavalagi

Na iubi ni gusu kei na ucu ena Seninawanawa

E dua na kena ivakarau raraba e dodonu mo tokara tiko na iubi ni gusu kei na ucu ena gauna ko tiko kina e loma ni vale. Qai vakavo ga ena nomu vale se ena nomu vanua ni cakacaka kevaka ko sega ni sotavi ira na lewenivanua raraba. E na rawa ni vakauqeti iko na nomu itaukei ni cakacaka mo tokara ni iubi ni gusu kei na ucu kevaka mada ga e sega ni gadrevi ena nomu cakacaka ka sota kei ira na lewenivanua.

Keitou vakauqeti iko mo tokara e dua na iubi ni gusu kei na ucu ena nomu biubiu mai vale. Oqo eso na vanua e gadrevi iko me tokari na iubi ni gusu kei na ucu e oka kina na: 

  • vodo ena waqavuka e vuka ena lomai Niusiladi
  • sala ni veilakoyaki ni lewenivanua raraba
  • ena loma ni tekisi se lori era vata tiko kina e so
  • ena so na sitoa ni voivoli me vaka na sitoa lelevu ni volivoli, veivale lelevu ka ra tiko kina e vica vata na sitoa, sitoa ni volitaki wainimate, siteseni ni vakatawa benisini kei na veivanua ni vakarautaki kakana me voli ka kau me la'ki vakayagataki tale ena dua na vanua 
  • ena loma ni vale e vakayagataki raraba me vale na vale ni yau makawa vakamareqeti vata kei na vale ni wilivola a e sega ni okati kina na tobu ni sisili 
  • ena vale e ra qaravi kina na manumanu susu
  • ena vanua ni veiqaravi raraba ena Mataveilewai, Mataveivaqaqai, vale ni volavola ni matanitu levu kei na matanitu vakaitikotiko vaka kina na veiqaravi ni bula raraba kei na Tabacakacaka ni Ovisa 
  • ena vanua lakovi raraba ena loma ni veiqaravi ni positovesi ni kabani na NZ Post
  • ena sikovi na veiqaravi ni bula me na nodra icili na qase cake. 

E so e ra dodonu me ra tokara tiko na nodra iubi ni gusu kei na ucu ena nodra cakacaka vakavo kevaka e ra vakuai kina.

E dodonu mo tokara na iubi ni gusu kei na ucu e vakadonui vaka-vuniwai kevaka ko cakacaka ena:

  • valenikana, gunu kei na icili
  • ena bisinisi e dau yaco kina na veivolekati me kena ivakaraitaki kevaka ko dau ni veikoti
  • ena dua na soqo (nanuma ena gadrevi ga me ra tokara na cakacaka ena vanua ni soqo na iubi ni gusu kei na ucu e dau vakayagataki raraba)

E sega ni gadrevi me tokari na iubi ni gusu kei na ucu ena soqo e tautuba ena veimataqali roka ni cina taucoko i dusidusi ni veilakoyaki. Oqo e ra okati kina na veivale kei na veivanua ni kele mai kei na vakavodo ena basi kei na sitima ni vanua.

Na iubi ni gusu kei na ucu e gadrevi me tokari vata kei na kena wa me vakataotaki mai na daligamu se na ucumu. Oqo e sa kena ibalebale ni sa sega ni rawa ni vakayagataki e dua ga na sikavu, se dua na itavoi levu na iubi ni ulu se siqeleti me ubi kina na gusu kei na ucu.

Na ivakasala vei ira e ra sega ni rawa ni tokara na ubi ni gusu kei na ucu

Eda sa kila e so e vakaleqai na ituvaki ni yagodra se ena vuku ni tauvi mate ena sega ni rawa vei ira me ra tokara vakavinaka na iubi ni gusu kei na ucu. E sega ni rawarawa na kena soli na vakuai ni kena tokari. Yalo vinaka veinanumi.

Kevaka ko sa vakuai, kakua ni ko lomaleqa kevaka e tarogi iko e dua na itaukei ni bisinisi se rawa ni ko tokara na ubi ni gusu kei na ucu. Era gadreva ga me vakadeitaki na nomu taqomaki ka vaka kina vei ira tale eso. e sega ni veiganiti me taroga e dua na itaukei na bisinisi se dua na tamata cakacaka na ituvaki ni vakaleqai ni yago se na tauvimate. Ia e sega ni dua na leqa me taroga se ko sa vakuai mo tokara na iubi ni gusu kei na ucu.

Na veika e rawa ni caka ena roka Seninawanawa

E rawa ni tiko ena dua na soqo se bose ena Seninawanawa me vaka na nomu sota kei ira na nomu itokani, soqo ni vakamau kei na so-Kalou.

E sa sega ni yalani na iwiliwili ni soqo ena loma ni vale kei na tautuba. Oqo e oka kina na valenikana, gunu kei na icili, veivoli, vuli kei na vanua ni cakacaka.

Gadrevi ni icula ni itatarovi

E sa na sega ni gadrevi me vakayagataki na My Vaccine Pass (Noqu ivakadinadina ni‘u sa cula). Ia e rawa vei ira na vei bisinisi me gadrevi me vakayagataki tikoga.

E dei tikoga na lewa ni matanitu me baleta na nodra cula ena icula ni itatarovi ena veitabana e so baleta ni ra dau veitaratara vakawasoma na kena tamata cakacaka ka ririkotaki ni rawa ni tauvi COVID-19, se kevaka me dua tale na ivakatagedegede torocake ka ririkotaki kina ni rawa ni tauvi COVID-19.

Na icula ni itatarovi kei na cakacaka

Veilakoyaki

E rawa ni ko lako ena vuku ni dua ga na yavu ena gauna ni roka Seninawanawa.

Kevaka ko nakita mo lako:

  • Kakua ni lako kevaka ko sega ni bula vinaka.
  • Kakua ni lako kevaka e a tukuni vei iko mo tiko vakatikitiki.

Kevaka ko lako ki na dua na yasana ka dua tani a roka ni cina ni dusidusi ni veilakoyaki e vakayagataki tiko kina, e dodonu mo na vakamuria na kena ivakarau.

Kevaka ko tauvi COVID-19 ena gauna ko lako tu kina ena gadrevi mo tiko vakatikitiki ena vanua ko tiko kina. Qarauna me sa tiko e dua na nomu ituvatuva kevaka ena mani yaco oqo. Ena gadrevi mo sauma na isau ni nomu tiko kevaka ko tiko vakatikitiki

E gadrevi me tokari na ubi ni gusu kei na ucu ena sala ni veilakoyaki vakayagataki raraba se vakayagataki vata vakavo kevaka ko rawa ni tiko e tautuba (me kena ivakaraitaki ena dela ni waqa).

E sega ni dua na idusidusi ni veiyawaki ena sala ni veilakoyaki, se ena rara ni waqavuka, ikelekele ni sitima se basi.

Vakayacora tikoga na ivakarau ni tiko bulabula me da taqomaki kina. 

Vakaberaberataka na veitauvi ni manumanu ni mate ena nomu vakayacora na ivakarau ni tiko bulabula. 

  • Tiko ga e vale kevaka ko tauvimate
  • Savata na ligamu ka vakayagataka na waiwai ni sava liga
  • Vu se suru ena ilobi ni ligamu
  • Vakasavasavataka vakavinaka na dela ni vanua e vakayagataki vakalevu
  • Doladola me mudre vinaka na cagi
  • Dau tiko veiyawaki kei ira tale eso kevaka e rawa

Veitokoni

Veivuke ena gauna ko tiko vakatikitiki kina

Ena rawa ni tiko na veivuke kevaka ko iko se na nomu vuvale e gadrevi na ikuri ni veitokoni ena nomu tiko vakatikitiki ena vuku ni COVID-19.

Veivuke ena gauna ko tiko vakatikitiki kina

Veitokoni me baleta na COVID-19 vei ira na itaukei ni cakacaka

E rawa ni ko kerea na veitokoni vakailavo me vukea na isau ni tamata cakacaka se na kemu isau kevaka ko taukena ga vakataki iko na nomu cakacaka.

Veitokoni me baleta na COVID-19 vei ira na itaukei ni cakacaka | Work and Income (Tabana ni Cakacaka kei na Veisaumi) (external link)

Kevaka ko tauvi mate se ko gadreva mo cegu mai na cakacaka ena vuku ni COVID-19

Ena rawa ni vukei iko na Tabana ni Cakacaka kei na Veisaumi kevaka ko gadreva na veitokoni ena nomu tiko vakatikitiki se vukea na nomu itaukei ni cakacaka me sauma na kemu isau kevaka ko sega ni rawa ni cakacaka ena vuku ni COVID-19.

Kevaka ko tauvi mate ka gadreva mo cegu mai na cakacaka ena vuku ni COVID-19 | Work and Income (Tabana ni Cakacaka kei na Veisaumi) (external link)

Na veivuke vei iko kei na nomu matavuvale ena vuku ni COVID-19

Raica na veitokoni tale so me baleta na kakana, na veika e gadrevi vakalevu, mate ni vakasama kei tiko vinaka e ra sa tu vakarau me baleti iko kei na nomu matavuvale.

Veitokoni vei ira na vuvale kei na tamata yadua

Last updated: at