Veitokoni vei ira na vuvale kei na tamata yadua | Support for individuals and families
iVakarau ni vakasama
Ke na dredre toka mo na vosota na ituvaki, e bibi mo na veivosaki kei na dua na kenadau ena tabana ni bula.
Sala mo qarauna kina na ivakarau ni nomu vakasama
E vuqa na ka eda rawa ni cakava meda vakavinakataka cake kina na ivakarau ni vakanananu kei ira na wekada lomani.
- Mo sema wasoma kei ira na nomu itokani kei na vuvale — e veivuke dina qori meda na lomavakacegu, eda na vakila nida taqomaki, eda na sega ni lomaleqa se nuiqawaqawa.
- Mo dau kauaitaka na ivakarau ni lomamu — ena so na gauna eda na rarawa, lomabibi, nuiqawaqawa, lomaleqa se taqaya. Kua ni kubuta lo nomu leqa, mo dau vakaraitaka na veika o vakila tiko.
- Mo muria e dua na ituvatuva ke rawa – mo saga mo muria wasoma e dua na ivakarau ni bula ia mo kua ni vakayacora na ivakarau ni bula e sega ni vinaka i yagomu me vaka na kana vakalevu mo vakacegui kina, gunu sivia, vakatavako se vakuvukuvu na vaping.
- Veitaratara kei ira eso era na rairai gadreva eso na veivuke — ni o veitaratara kei na so era rairai lomabibitaka voli se lomaleqataka eso na ituvaki ena yaga vei koya e gadreva na veivuke, ena yaga tale ga vei iko.
- Yalana na gauna o dau vakayagataka ena veilawa — mo dau qai raica ga vakadua se vakarua e veisiga na sala ni veimaliwai eso ena veilawa se na itukutuku kaburaki.
O cei o rawa ni vosa kina
Sa vakarautaki tu e levu na ivukevuke e rawa ni veitokoni, e vakarautaki tale ga kina na itukutuku eso vei ira era lomabibi voli. Na veiqaravi qori e dola tu me 24 na aua ena dua na siga, 7 na siga ena dua na macawa.
Mo vakasaqara na veitokoni eso ena vukea me vinaka na ivakarau ni vakasama
Veiqaravi kei na veivuke
E sega ni cala meda kere veivuke. Nida lako curuma vata tiko na leqa eda sotava tiko qo, e tiko na veitaba ni veiqaravi kei ira era rawa ni veivuke. Qo eso na vanua o rawa ni gole kina mo qara ivakasala se veivuke. Kevaka o sega ni kila na Vosa Vakavalagi, e rawa ni o kerea e dua na dauvakadewa vosa ena gauna o qirita tiko kina na veitabana eso ni matanitu.
Last updated: