Sala me rawa kina na kakana kei na veika yaga | Access to food or essential items

E da gadreva taucoko na kakana kei na veika yaga me vaka na wainimate ena gauna ni vakatatabu ni COVID-19 ka sa kerei me da kakua ni calata. E sa tiko ena ivola tukutuku oqo na vei sala e so me rawa kina na kakana kei na veika yaga tale e so.

Vakau ni kakana

E rawa ni ko kerea e dua na wekamu se nomu itokani me kauta yani na iyaya se kakana kevaka ko tauvimate se ko sega ni biuta rawa na nomu vale mo laki voli kaka kei na veika yaga. Veitalanoa kei ira na lewe ni nomu ilawalawa dau veivukei me vakataki ira na lewe ni vuvale, veiwekani se itokani me baleta na kena kau yani na kakana kei na veika yaga vei iko.

Tovolea na volivoli mai na sitoa ka ra dau kauta yani na kakana ki vale, kakana vakarautaki ka ra sa ologi rawa, kakana vakarautaki ka maroroi ena kato ni wai liliwa, na kato ni kakana saumi se dua tale na sala ni veiqaravi me vakau yani kina na kakana:

Kerea e dua na wekamu se nomu itokani me lai kauta mai na kemu kakana kevaka e rawa ni ko volivoli e na mona livaliva mo qai lai kauta ga mai. 

Veitaratara ka taroga vei ira na vei sitoa lelevu kei na sitoa lalai mo kila kina se rawa ni ra kauta yani na kakana kei na sala me vakarautaki kina na veika ko gadreva. E rawa ni ra dau vakarautaka tu na sitoa e so na vanua me baleti ira e ra gadreva vakalevu na veiqaravi ena nodra volivoli ka vakayagataka na mona livaliva. 

Tataqomaki vinaka ena gauna e kau yani kina na kakana

  • E sega ni dodonu me dua na veitaratara veivolekati kei ira na dau kauta yani na kakana ka me ra tiko voleka talega.
  • Nanuma mo na veiyawaki me 2 na mita mai vei ira ko kauta yani na kedra ka mo daramaka talega na iubi ni gusu kei na ucu.
  • Nanuma vinaka na nomu veiyawaki me 2 na mita ena gauna e sa kau yani kina na kemu kakana, daramaka na iubi ni gusu kei na ucu, savata vakavinaka na ligamu ena gauna ko sa maroroya oti kina na kakana. 

Raica na: www.covid19.govt.nz/about-this-site/contact-and-support

Veivuke vakailavo me voli kina na kakana

E na rawa ni veivuke na tabana e qarava na cakacaka kei na veisaumi kevaka ko gadreva na veivuke vakailavo mo voli kakana kina.

Raica na website ni tabana ni Cakacaka kei na Veisaumi me baleta na veivuke vakailavo e gadrevi vakatotolo se na veivuke e na gadrevi tikoga.

E rawa ni ko vakayagataka na mona livaliva mo kerea e dua na veivuke ka raica talega se rawa ni ko vukei e na kakana.

E rawa talega ni ko raica na website ni veivuke me baleta na COVID-19 mo raica kina na veivuke vakailavo e rawa ni solia vei iko.

Raica na:

Vanua e maroroi tu kina na kakana

Ena rawa ni ko raica na vanua e maroroi kina na kakana volekati iko ena nomu raica na website ni veiqaravi ni vuvale:

Website ni veiqaravi ni vuvale (external link)

Kevaka ko sega ni rawa ni kauta na kakana e vakau yani

Veitaratara kei na Tabana ni Veitaqomaki ko voleka kina kevaka ko sa tovolea ka sega ni rawata na veivuke ena vei sala tale e so.

Raica na: www.civildefence.govt.nz/find-your-civil-defence-group (external link)

Sala me rawa kina na kakana kei na veika yaga | Access to food or essential items [PDF, 73 KB]