Tokari ni iubi ni gusu kei na ucu | Wearing a face mask

Na veivanua e vakaturi kina na iubi ni gusu kei na ucu

E vakadeitaki ni tokari ni iubi ni gusu kei na ucu e sa dua na gaunisala bibi me tarovi kina na dewa ni COVID-19 kei na mate ni icegu, kei na qaravi ni leqa ni ituvaki ni yago.

Keitou vakatura mo tokara e dua na iubi ni gusu kei na ucu ena gauna o sikova kina na veivanua ni veiqaravi ni tabana ni bula me vaka na valenibula, vuniwai, vale ni volitaki wainimate kei na vuniwai ni bati.

E rawa vei ira na dau Veiqaravi ni Bula me ra:

• Kerei iko mo tokara e dua na iubi ni gusu kei na ucu ena so na vanua se ena gauna o sikova kina e dua na vanua mo vukei ira kina e ririkotaki vakalevu ni rawa ni ra tauvimate bibi ni tauvi ira na COVID-19.
• Tomana tiko ga na kena gadrevi me ra tokara na iubi ni gusu kei na ucu na vakailesilesi kei ira na veisiko ena nodra vanua ni veiqaravi.
• Gadrevi me tokari na iubi ni gusu kei na ucu me vakamuri kina na lawa ni Tabana ni Bula kei veitaqomaki

E sa bibi sara me tokari na iubi ni gusu kei na ucu ena veisiko vei ira e ririkotaki ni ra rawa ni tauvimate bibi. Oqo e ra okati kina o ira na qase kei na kaumātua, gone dramidrami, o ira era vakaitikotiko ena veivanua ni veiqaravi vei na tabaqase, sega ni bula vinaka /tauvimate ena vei valenibula, o ira e vakaleqai na ituvaki ni nodra bula kei na ituvaki ni yagodra.

Kevaka o se rawa ni vakadewa tiko na mate ka gadreva mo raica e dua na dau ni veiqaravi ni bula me baleti iko e na rawa ni tarova na dewa ni mate vei ira tale e so na iubi ni gusu kei na ucu e kabi vinaka, ka taqomaki ira talega era volekati iko me vakalailaitaka na nodra rawa ni tauvimate.

Na veivanua e vakauqeti me tokari kina na iubi ni gusu kei na ucu

Keitou vakauqeti iko mo tokara e dua na iubi ni gusu kei na ucu kevaka o:

• dua na Veitaratara vaka matavuvale ka vakadikevi tiko ena veisiga me 5 na siga.
• ririkotaki ni rawa ni o tauvimate bibi kevaka e tauvi iko na COVID-19
• saga mo vakalailaitaka na nomu rawa ni tauvimate.

Keitou vakauqeti kemuni talega moni tokara na iubi ni gusu kei na ucu ena veivanua oqo:

• sala ni veilakoyaki e vakayagataki raraba, okati kina na basi, sitima ni vanua, waqa, waqavuka, tekisi kei na vodo vata
• veivanua osooso
• veivanua sogolati ka curuoso ni sogosogo
• veitaratara veivolekati me vaka na veivosaki e matanavotu.

E so na vanua e ra na rawa ni kerei iko mo tokara na iubi ni gusu kei na ucu. Oqo e nodra vakatulewa ka sa sega tale ni lavaka na matanitu.

E sega ni saumi na iubi ni gusu kei na ucu

E rawa ni o kauta mai ena veivanua e veisoliyaki kina na iubi ni gusu kei na ucu sega ni saumi e na gauna o laki kauta mai kina na iyaya ni veidikevi ena kena curumaki na tolo ni vauvau ena ucu. E sega ni gadrevi sara mo tauvimate se me tauvi iko na COVID-19

Raica na veivanua volekati iko e veisoliyaki kina ena Healthpoint.

Raica na vanua ni veidikevi ka soli wale kina na iubi ni gusu kei na ucu | Healthpoint (external link)

E rawa ni soli vei iko na iubi ni gusu kei na ucu na P2/N95 ka sega ni saumi kevaka e ririkotaki ni rawa ni o tauvimate bibi.

O ira e rawa ni ra tauvimate bibi kevaka e ra tauvi COVID-19