Na ivakarau ni kena vakayagataki na fomu ni itukutuku ni vanua e lakovi me baleta na COVID-19 | How to use the COVID-19 contact tracing form

Kevaka e sa vakadeitaki ena nomu vakadikevi ni sa tauvi iko na COVID-19, mo wasea na kemu itukutuku ena tabana ni vakau itukutuku ni Minisitiri ni Bula ena initaneti ena maroroi vinaka kina, me rawa ni ra kila tale kina eso kevaka ko gadreva e so tale na veivuke kei na veitokoni ena nomu tiko vakatikitiki.

Na fomu ni itukutuku ni vanua e lakovi me baleta na COVID-19

Na kena wasei na itukutuku ni vanua e lakovi ena vukea na kena kilai vakatotolo na veivanua e ririkotaki vakalevu ka ra na gadreva beka na veivuke ena vuku ni ituvaki ni nodra bula ena noda itikotiko.

Na fomu ni itukutuku ni vanua e lakovi e vakatara mo wasea:

  • Veitaratara kei na itukutuku matailalai ni bula
  • iVakatakilakila
  • Veitaratara vakavuvale
  • Veivanua e ririkotaki vakalevu
  • iTukutuku ni veivanua e lakovi kei na itukutuku maroroi ena Bluetooth me baleta na COVID

Ena gauna e sa vakadeitaki kina ena nomu vakadikevi ena PCR test (Veidikevi ena kena curumaki na tolo ni vauvau ena qara ni ucu sara e loma) ena qai vakau yani vei iko ena text mai na naba na 2328 mo vakalewena kina na fomu oqo. E rawa ni taura e 20 na miniti na kena vakaleweni na fomu.

Kevaka ko sota kaya na dredre ena nomu vakalewena na fomu oqo, mo vakauta e dua na imeli ki na help@tracingform.min.health.nz se qirita na 0800 555 728.

Ena taqomaka vakavinaka na Minisitiri ni Bula na itukutuku oqo.  E na vakayagataki walega ena vuku ni kena kilai na itukutuku ni vanua e lakovi se me kilai kina se ko gadreva e so tale na veitokoni. E na wasei walega na itukutuku vei ira na tabana e ra veivuke tiko ena cakacaka oqo. Wilika na ivakamacala ni itukutuku vakamareqeti (external link) ni vanua e lakovi me baleta na COVID-19.

Vakayagataki ni fomu ni itukutuku ni veivanua e lakovi

Ena gauna ko sa tekivutaka kina mo vakaotia sara ena nomu vakayagataka e dua tiko ga na misini kei na sala ni mona livaliva me kakua ni yali kina na itukutuku e sa vakacurumi oti.

  1. Vakayagataka na nomu naba vuni ka vakadeitaka na kemu itukutuku ena nomu tiki ni siga ni sucu. Tabaka ‘Get started’ (Tekivu).
  2. Wilika na itukutuku ni kena vakayagataki na itukutuku ko vakaraitaka. Toqa na ka digitaka na vanua e tiko kina na ‘Accept and continue’ (vakadonuya ka vakuria).
  3. Vakaraitaka na itukutuku ni dua tale na sala ko rawa ni tarai kina kei na vanua ko na tiko vakatikitiki kina.
  4. Digitaka se vakaleqai na ituvaki ni yagomu se ko lokiloki se tāngata whaikaha Māori (Māori lokiloki).
  5. Digitaka kevaka ko bukete se ko se qai vakasucu ena loma ni ono na macawa sa oti.
  6. Digitaka kevaka e vakamalumalumutaki na sotia ni yagomu (me vaka na kena soli na ivakaraitaki ni ituvaki).
  7. Vakaraitaka na itukutuku ni veika tale e so me baleta na ituvaki ni nomu bula.
  8. Qarauna na ivakatakilakila ko vakila kei na gauna e ra tekivu kina. Vakadeitaka kevaka e sega ni ko vakila e dua na ivakatakilakila me keitou na vakayagataka na siga ni nomu vakadikevi me siga e tekivu kina na nomu tauvi mate.
  9. Vakaraitaka na kedra itukutuku na nomu veitaratara vakavuvale vaka kina ko ira e ra sega ni vakaitikotiko tudei kei iko, ia dou vakaitikotiko vata ena loma ni dua na gauna ko sa tauvi mate tiko kina.
  10. Mo na qarauna na veivanua kilai ni ririkotaki vakalevu ko a lako kina e na gauna ni nomu tauvi mate.
  11. E na tarogi tiko vei iko ena veisiga taucoko ni nomu tauvi mate se ko a lakova e dua na vanua e ririkotaki vakalevu.
  12. Mo tukuna taucoko vei ira na nomu veitaratara voleka kei na vanua ni cakacaka/koronivuli ni sa tauvi iko na COVID-19. Koya ko ira koni a tiko vata voli e na dua na gauna ni ko sa tauvi mate tiko ka sega ni tokara na iubi ni gusu kei na ucu. Ena gadrevi me ra qarauni ira vakataki ira ena vuku ni ivakatakilakila ni COVID-19 me 10 na siga ka laki vakadikevi kevaka e ra sa vakila na ivakatakilakila.
  13. Dikeva lesu ka vakauta na itukutuku ko sa vakarautaka. Ko na rawa ni tarogi me baleta e so na itukutuku.
  14. Wasea na itukutuku mai na itukutuku ni vanua e lakovi me baleta na COVID, kevaka e tiko e dua. E tautauvata ga na naba vuni e vakayagataki e na nomu vakauta na itukutuku kei na nomu dolava na itukutuku ni Vanua e Lakovi me baleta na COVID-19.
  15. E rawa ni keitou vakauta yani na itukutuku ni sala ni kere veivuke mai na Ministry of Social Development (MSD) kevaka ko vinakati e so na veitokoni ena gauna ko tiko kina vakatikitiki. Digitaka na ‘Yes’ (Io) se ‘No’ (Sega).
  16. Nanuma na itukutuku ka tarava e baleta na ivakarau ni tiko vakatikitiki kei na sala mo rawata kina na veivuke vakailavo kei na so tale na veitokoni.

Last updated: at