E galue pefea te COVID-19 suki puipui | How the COVID-19 vaccine works

Te suki puipui o te COVID-19 e se ‘togi, e tuku matala ki te tino e manako o suki, kae avanoa ki soose tino i Niu Sila tela ko 12 io me silia atu.

Asi ki Fakamauga Toku Suki Puipui (Book My Vaccine), io me telefoni ki te Healthline o te Suki Puipui o te COVID o fakamau tou igoa.

Te COVID-19 suki puipui e seai sena togi, e tuku matala ki te tino e manako o suki, kae avanoa ki soose tino i Niu Sila tela ko 12 tausaga io me silia atu.

Kafai koe ko fai tau suki puipui, a koe ko puipui ne koe a koe eiloa kae ko fakafoliki te fakamataku o faka‘pisi te COVID-19 ki tou kaaiga, taugasoa mo te komiuniti.

I te taimi e katoa iei au suki puipui, a koe ka foliki te mafai o masaki malosi kii.

Te suki puipui e galue me e fakaakoako ne ia te fakatokaga ‘teke ki masaki o tou foitino (immune system) ke iloa kae taua atu ki te manu masaki.

I konei ka iloa ei ne koe fakamatalaga taaua e uiga mo te suki puipui me galue pefea.

mRNA suki puipui

Te Pfizer suki puipui se mRNA suki puipui. E isi i a ia te genetic code (fakailoga o te mafuaga) mo te vaega taaua o te SARS-CoV-2 (COVID-19) manu masaki e fakaigoa ki te ‘spike protein‘. Spike proteins ne fakasaega foliki i luga i te foitino o te manu masaki.

I te taimi e oti iei ne fai tau suki puipui, tou foitino ka lavea ne ia a te genetic code kae ka faite ne ia a mea e ‘pau loa mo spike protein kona.

A te fakatokaga ‘teke ki masaki o tou foitino ka atagina ne ia a spike proteins kae ka tauloto ne ia ke lavea ne ia kae ke taua atu a ia ki te COVID-19. E iloa ne ia me e ‘tau o taua atu a ia ki te manu masaki ke puipui a ia mai te salalau atu i loto i tou foitino.

Te genetic code mai te suki puipui ka oti ko maofaofa iei ka ave keatea fakavave kae faigofie ne tou foitino. 

Mea e taaua ke iloa e uiga mo mRNA suki puipui

Te suki puipui e se mafai o aumai ne ia ki a koe te COVID-19

mRNA suki puipui e seai ne manu masaki iei kola e fakamafua ne latou te COVID-19, io me ne nisi manu e ola, e mate io me ne manu masaki ko se galue.

Te suki puipui e seai sena pokotiaga e fai ki ou DNA

E seai sena pokotiaga io me sena sokoga ki ou DNA io me ko ou genes. mRNA suki puipui e se mafai lele loa o ulu ki loto i te nucleus o te cell, te koga tela e tausi iei a DNA.

mRNA suki puipui ko te atiakega mai loa i te fia o sefulu o tausaga ko teka

mRNA suki puipui ne atiake e auala i galuega lasi fakatasi a te lalolagi.

Tino fai sukesukega ko oti ne tauloto kae galue mo mRNA suki puipui i se fia o sefulu o tausaga ko teka. E aofia iei ko sukesukega o suki puipui o ‘teke atu a fuluu, Zika, rabies mo cytomegalovirus (CMV).

Tino ‘poto i saienisi ko oti foki ne sukesuke ne latou a pokotiaga o manu masaki o te kolona kola ko teka pela mo te SARS fakatasi mo te MERS. I te taimi e maua iei ne tino ‘poto i saienisi a manu masaki o te kolona kola e fakamafua ne latou a te COVID-19, ne fuli fakavave ne latou a te technology ke taugatonu mo te COVID-19.

E ui se technology e tai foou, te suki puipui tenei ne fano loa i auala masani o aasiga mo fakanofonofoga.

E aofia iei ko tofotofoga i te lalolagi o te aoga i tino ke fesoasoani o fakaasi tena aoga ki te masaki mo te saogalemu o te suki puipui. Te Pfizer suki puipui e fakaoga nei i te lalolagi katoa kae e tumau loa o onoono faka‘lei kiei ki tena aoga mo tena saogalemu.

Last updated: