Sukiga puipui pela foki mo tau galuega | Vaccination and your job

Te suki puipui o te COVID-19 e se ‘togi, e tuku matala ki te tino e manako o suki, kae avanoa ki soose tino i Niu Sila tela ko 12 io me silia atu.

Asi ki Fakamauga Toku Suki Puipui (Book My Vaccine), io me telefoni ki te Healthline o te Suki Puipui o te COVID o fakamau tou igoa.

Te lasiga o galuega i Niu Sila e mafai i te vaitaimi nei o fakataunu ne tino kola e seki fai olotou suki puipui.

Salasala me se a te mea ka tupu manafai te galuega e fai ne koe e manakogina ke fai ne se tino galue tela ko oti ne fai tena suki puipui o teke atu te COVID-19.

Tou pule i te galuega e ‘tau o puipui ne ia ou fakailoaga totino

Tou pule i te galuega e se mafai ne ia o fakailoa ki se tino aka ou fakamatalaga e uiga mo tou tulaga i te sukiga puipui, vagana ko nofo mo latou tau taliaga ke fai ne latou, io me isi se taliaga i lalo i te Privacy Act.

E se manakogina ke fakailoa ne koe ki tau pule i te galuega me ko oti koe ne fai tau suki puipui. Kafai ne filifili ne koe ke se fai tau suki puipui, e se manakogina ke fakailoa ne koe ki a latou me kaia.

Kafai tau galuega e manakogina ke fai fua ne se tino galue tela ko oti ne fai tena suki puipui kae ne filifili koe ke se fakaasi tou tulaga tau te sukiga puipui, a tau puke i te galuega e mafai o fai ne ia koe pela me seki fai tau suki puipui, kae e ‘tau la o fakailoa atu ki a koe me tena te mea e fai ne latou.

Kafai te galue e fai ne koe e manakogina ke fai ne se tino galue ko oti ne fai tena suki puipui

Kafai tau pule i te galuega e manatu aka pela me e isi loa ne galue fakapitoa e manakogina ke fai fua ne tino ko oti ne fai olotou suki puipui, e fakavae ki tulaga o te ola ‘lei mo te saogalemu, e ‘tau mo latou o fai muamua se iloiloga ki te fakamatakuga o te faka‘sau ki te COVID-19. Te iloiloga tenei e manakogina ke fai tasi mo tino galue, iuniuni (unions) pela foki mo nisi sui.

Te iloiloga o fakamatakuga ka manakogina ke onoono ki:

  • te mafai o tino galue o fakasau ki te COVID-19 i taimi e fai iei a galuega i te tulaga tena
  • te mafai o tupu a mea mai iei - pela mo te faka‘pisiga i te komiuniti.

WorkSafe e isi ne ana fakatakitakiga e tai fakamatala likiliki atu e uiga mo iloiloga o fakamatakuga.

Iloiloga me i te tulaga galuega fakapitoa e manakogina ke fai ne se tino galue ko oti ne fai tena suki puipui (external link)

Fakanofonofoga i te vaitaimi nei i lalo o tulafono o galuega e tumau loa o fakaoga. Te mea nei e aofia i ei:

  • faiga o fakamafuliga ki tulaga mo fakanofonofoga o galuega ne malie fakatasi kiei
  • te kau atu ki sukesukega i te loto fai meatonu
  • taumafaiga o se fai a faifaiga fakasino tino o ‘teke atu ki tino galue ona ko tulaga o te faiga o suki puipui
  • te se fai o amioga kola e mafai o tai fakakese iei a tino galue kae seai se pogai ona loa ko tulaga o te faiga o suki puipui

Te galuega i se tuakoi e maluga tena fakamataku io me ko te tulaga o te Managed Isolation and Quarantine (MIQ)

E ui te sukiga puipui e se fai maalo kae ko tino takitasi e saoloto loa o filifili me ko latou e manako o maua te COVID-19 suki puipui, a galuega katoa i te MIQ io me ko tulaga o tuakoi e maluga a fakamatakuga e ‘tau o fai ne tino kola ko oti ne fai olotou suki puipui o ‘teke atu ki te COVID-19. Te mea nei e aofia iei ko tino galue a te malo i malae vakalele e eva ki tua atu o te atufenua, ko taulaga o vaka pena foki mo latou i luga i vakalele.

E isi ne naai avanoaga ki te mea nei. E fakatusa penei, e isi se tino seki fai tena suki puipui e mafai o talia ke ulu ki loto kae fai ne ia galuega i koga e manakogina ke tausi iei io me puipuigina iei te ola o te tino, te ola ‘lei io me ko te saogalemu i se mea tupu fakafuasei; io me ne taliagina io me ne manakogina ne te tulafono.

Manakoga ki sukiga puipui mo tino galue i tulaga o tuakoi e maluga a fakamatakuga

E fakafeagai pefea manafai e isi se fakakinauga

Kafai koe mo tau pule i te galuega e se ma‘lie e uiga mo galuega fakapitoa kola e manakogina ke fai fua ne se tino ko oti ne fai tena suki puipui, e mafai ne koe o fano ki te Early Resolution Service (Fakatokaga Muamua o Fesoasoani) Te mea nei e avatu ne ia se fakatokaga e se togi kae e se fai patonu ke taumafai kiei ke fakatoka a fakalavelave.

Early Resolution Service (external link)

Mo nisi fakamatalaga

COVID-19 sukiga puipui pela foki mo galuega togi — Employment NZ (external link)