Fakamauga tou igoa mo te suki puipui o te COVID-19 | Booking your COVID-19 vaccination

Kafai ko oko mai tou taimi, ko mafai o fakamau tou igoa i te initaneti io me telefoni ke fakamau se taimi ke fai i ei tou suki puipui.

Te suki puipui o te COVID-19 e se ‘togi, e tuku matala ki te tino e manako o suki, kae avanoa ki soose tino i Niu Sila tela ko 12 io me silia atu.

Asi ki Fakamauga Toku Suki Puipui (Book My Vaccine), io me telefoni ki te Healthline o te Suki Puipui o te COVID o fakamau tou igoa.

E fakamau pefea i te initaneti

Fakamauga i te initaneti i te Fakamauga toku Suki Puipui (Book My Vaccine) (external link) se auala e tasi tela e vave o fai se taimi ke fai tou suki puipui.

Kafai seki ʻtau o fakamau tou igoa, e mafai ne koe o fakamau (register) ko te mea ke fakaailoa atu ne matou mafai ko oko ki te taimi o fakamau tou igoa.

E tusa mo te 5 minute te fakamauga tou igoa i te initaneti.

Kafai e isi ne fakalavelave ma fakamau tou igoa io me manakogina o fuli ou fakamatalaga totino (details), e mafai ne koe o meli-iti ki te tīmu (team) Fakamauga Toku Suki Puipui.

Meli-iti: booking@vaccine.covid19.health.nz

Fakamauga toku Suki Puipui (Book My Vaccine) (external link)

E fakamau pefea a igoa i te telefoni?

E mafai ne koe o fakamau tou igoa ma telefoni koe ki te Healthline o te Suki Puipui o te COVID i te 0800 28 29 26.

A telefoni katoa e se ʻtogi, kae te tīmu e avanoa mai te 8 ite taeao ki te 8 i te afiafi, 7 aso o te vaiaso. E mafai ne koe o fakamolemole ki se tino fakamatala pati mafai e manako koe ki ei.

Se a te fakamoemoega ma telefoni koe

Kaati e tai fakatali malie koe ke tali tau telefoni, ona e mafai te laina e fakalavelave — fakamolemole onosai malie. Kafai ko tali tau telefoni, e mafai o tusa mo te 15 minute te fakamauga tou igoa ke fakamau sou taimi.

Kafai e telefoni koe, e taaua o fakatoka tau napa o te fakaimasaki (NHI – National Health Index). E fakafaigofie kae vave foki te faiga o te fakamauga o igoa. E mafai o maua ne koe tau Napa o te Fakaimasaki (NHI) i te pepa o au vailakau, pepa fakaata io me ko ikuga o sukesukega, io me se tusi mai te fakaimasaki. 

E mafai o fuli pefea tou taimi ne fakamau

Kafai e manakogina o toe fakafou io me fakaseai tou taimi ko oti ne fakamau

Kafai koe e masaki mai mua o tou taimi ne fakamau

Kafai koe e fakamasakisaki i te aso o tou taimi ne fakamau, ko ʻtau mo koe o toe fakafou tou taimi. E mafai koe o fai tau suki puipui mafai ko ʻtoe ʻlei koe.

Kafai e isi ne fakaasiga o te COVID-19, fai tau aasiga kae nofo fale ke oko ki te taimi ko maua te ikuga o tau aasiga. Ko mafai koe o suki manafai te ikuga ki tau aasiga e se pokotia.

Nisi auala e mafai o fai tau suki puipui

Pena foki mo fakamauga o taimi, e isi foki loa ne auala mo tino ke fai olotou suki puipui. E aofia te suki puipui mo koga galue kae tāketi foki te suki puipui i faigamea kae aofia katoa i ei te atufenua.

Mo nisi komiuniti foliki e ʻmao mo fakai lasi, matou e taumafai ke suki katoa tausaga kesekese i te taimi e tasi ke fakafaigofie kia latou.

Mai tau tokita

Te tokoukega o tokita ko mafai foki ne latou o suki te suki puipui o te COVID-19 kae ko puke fakamau foki a igoa. Kafai e fia iloa ne koe me i tau tokita e ofo ne latou te sevesi tena, asiasi ki Healthpoint.

COVID-19 suki puipui — Healthpoint (external link)

E fakatagi pefea ke fai fakavave tau suki puipui

E mafai o fai fakavave tau suki puipui mafai e manako koe o faimalaga i fakataliaga i tulaga fakaalofa (compassionate grounds) io me se pogai tāua o te atufenua.

Fakatagi ke fai vave tau suki puipui o faimalaga ki fenua i tua — Minisituli o te Ola ʻLei (external link)

Kafai koe se tino galue i te tuakoi io mo taumafaiga o nofo-tokotasi mo te fakatapu oloolo o tino (MIQ)

Nei ko ʻtau mo tino galue i te tuakoi pena foki mo taumafaiga o nofo-tokotasi mo te fakatapu oloolo o tino (MIQ) o fai olotou suki puipui i te COVID-19.

Ko fakatalitonu ne matou ou fakamatalaga totino konei e nofo mo matou mo tau pule i te galuega, ko fesokotaki atu i ei e uiga ki te fakamauga o tou igoa ki te taimi e fai i ei tou suki puipui.

Ou fakamatalaga totino e ʻtau o fakamau i Fakamauga o Aasiga o Tino Galue i Tuakoi (Border Workforce Testing Register (BWTR)). Fakamolemole fesili ki tau pule i te galuega ke aasi i tou igoa mo ou fakamatalaga totino (e aofia i ei tou aso fanau, napa telefoni mo tau napa i te fakaimasaki) me sao te fakamauga ki loto i te BWTR.

Kafai koe se tino galue i te tuakoi io i taumafaiga o nofo-tokotasi mo te fakatapu oloolo o tino kae seki fesokotaki atu se tino e uiga ki te fakamauga tou igoa o fai tau suki puipui, faipati ki tau pule i te galuega.

Toe fia malamalama ki te suki puipui mo tino galue i te tuakoi mo taumafaiga o nofo-tokotasi mo te fakatapu oloolo o tino