Ma oti tau suki puipui | After your immunisation

Te suki puipui o te COVID-19 e se ‘togi, e tuku matala ki te tino e manako o suki, kae avanoa ki soose tino i Niu Sila tela ko 12 io me silia atu.

Asi ki Fakamauga Toku Suki Puipui (Book My Vaccine), io me telefoni ki te Healthline o te Suki Puipui o te COVID o fakamau tou igoa.

Mea e mafai o lagona ne koe ki tou foitino  Ne a mea e mafai o fesoasoani Mafea e mafai ei o kamata
Logomae i te koga ne suki, e mae te ulu kae lagona te fita kae vāivāi.

Konei a lipoti i pokotiaga masani kola e lauiloa.
Tuku se laugatu moko kae siu, io me se katiaisa i te koga ne suki ki se taimi toetoe.

Sa ‘mili io me ‘foa te koga ne suki.
I loto i te 6 ki te 24 itula  
Mae ga‘kano, fakamasakisaki, fakamakalilili, fiiva, sokoga mae kae taitai lua e mafai foki o tupu. Fakamalōlō kae lasi te inu ki meainu.

Fuaga konei te Paracetamol io me ko te ibuprofen, e mafai o inu, tautali ki fakatonuga a te kamupane ne faite ne ia a fuaga.

Sala ki fautuaga mai tino galue o te ola ‘lei manafai ou fakaasiga ko gasolo o faka‘lasi.
I loto i te 6 ki te 48 itula 

Pela mo vailakau katoa, te suki puipui e mafai o isi ne pokotiaga i nisi tino. Mea nei ko te tali masani o te foitino kae fakaasi foki i te suki puipui e galue ‘lei.

A pokotiaga e masani o feoloolo, se leva foki kae se faka‘tukaki ne ia koe o toe fai tau suki o te vailakau i te lua o taimi io me ko au galuega masani o te aso.

Pokotiaga mai te suki e mafai o lagona malosi ma oti ne fai tau suki i te lua o te suki puipui.

A pokotiaga fai malosi e mafai o tupu kae e mauagatā. A tino e fai ne latou a suki puipui i Niu Sila ne akoako faka‘lei ke mafai o fakatoka ne latou a mea konei. Nisi pokotiaga e mafai o isi se aia foliki ki te mafai o fakateletele io me ki te fakaaogagā a masini. Kafai e isi se mea e tupu, fakamolemole faipati ki tau pule i te galuega.

Kafai eiloa ne koe i ou fakaasiga e tai ‘pau mo te COVID-19, pela e fou kae tumau te taletale, maluga te vela, ko galo io me ko mafuli te masani o mafai o tami io me o sogi, nofo fale kae fai tau aasiga i te COVID-19.

Kafai e isi ne pokotiaga seki fakamoemoegina ne koe i tau suki puipui i te COVID-19, tau tino suki io me ko te tino galue o te ola ‘lei e ‘tau o lipoti ne latou ki te Centre for Adverse Reactions Monitoring (CARM).

E mafai foki ne koe o lipoti soose pokotiaga seki fakamoemoegina e auala i te olotou fomu lipoti i te CARM laupepa iti: otago.ac.nz/carm (external link).

Kafai koe se mautinoa tonu e uiga ki ou fakaasiga io me ko gasolo aka o faka‘lasi, faipati ki tau tokita io me telefoni ki te Healthline i te 0800 358 5453.

Kafai koe e isi se manavasega fakavave e uiga ki tou saogalemu, telefoni ki te 111, kae fakamautinoa o fakailoa ki a latou me ia koe ko oti ne fai tau COVID-19 suki puipui ko te mea ke iloilo faka‘lei ne latou koe.

Suki puipui e fesoasoani o puipui a tino i soose tausaga tena matua o ‘teke atu ki masaki ‘pisi aka foki pela mo te misela mo te fuluu.

Aasi ke iloa tonu me ia koe mo tou kaiga e katoatoa otou suki puipui e auala i te faipati ki te koga e galue mai iei tau tokita. Paki te laupepa iti tenei health.govt.nz/immunisation (external link) ke maua iei fakamatalaga atili.

E manakogina ke faitali koe e lua vaiaso io me silia atu ma oti te lua o au suki o te COVID-19 suki puipui mai mua e toe fai ne au suki puipui aka.

Last updated: