Te olaga i te levolo 2 | Living at Level 2

Kafai koe e maua ne te fūlu masani (cold) io me ko fakaasiga o te COVID-19, fakamolemole nofo fale kae telefoni ki te napa o te Olaʻlei (Healthline) i te 0800 358 5453 e se ‘togi io me ki tau tokita mo se fautuaga e uiga ke fai te sukesukega. Manatua, me e se ʻtogi ma fai te sukesukega.

Kafai e isi se fakalavelave tupu fakavave, telefoni fakavave ki te 111.

I te Levolo 2 o Fakatokaga e ʻtau koe o:

  • Tumau te 2 mita te tu vāsia mai nisi tino i tua o tou kaufale, io me 1 te mita i te koga galue.
  • Pei ki mea puipui mata manafai :
    • koe ko 12 ou tausaga io me silia atu kae nofo i koga i loto i fale e sologina ne tino pela mo faletusi, fale tausi mea taumua pena foki mo koga i sitoa lasi .
    • koe se tino ʻtogi kae fakafesagai mo tino i koga talimalo io me ko koga e sologina ne tino.
    • e faigata te tu vāsia (te mea tenei e se koia se fakatonuga kae se manatu fesoasoani)
  • Fakamau a koga ne fano koe ki ei kae ko oi foki ne fetaui mo koe. Fakaaogā te Polokalame te NZ COVID i Fakamaoniga (NZ COVID Tracer app), te Tusi o te NZ COVID (NZ COVID Tracer booklet), io me ko fakamauga i se tusi.
  • Nofo fale manafai koe e masaki. Sa fano kite galuega io me ki te akoga. Sa fakatasitasi ki faiga mea.
  • Fesokotaki ki te telefoni o te Olaʻlei ke fai tau sukesukega manafai e isi ne fakaasiga o te COVID-19. Kafai ne fai tau sukesukega i te COVID-19, nofo fale kae nofo-tokotasi ke oko ki te taimi ko maua te ikuga.
  • Fakavave loa o nofo-tokotasi manafai ko fakailoa atu.
  • ʻFulu kae fakamalō sāle ou lima.

Toe onoono atu e uiga mo:

Fakatasitasiga

Fakatasitasiga, faigamea mo koga i faigamea e mafai o tokouke ke oko ki te:

  • 100 o tino i se koga saosao i loto i te fale, kae
  • 100 o tino i se koga saosao i tua o te fale.

A fakatapulāga konei e fakagalue ki faigamea katoa, e aofia i ei avaga, mate mo aitangi, sevesi faka-te-lotu, tafaoga a komiuniti mo tafaoga fakafiafia, faigamea o kāiga mo faigamea a potukau (private functions).

Te koga saosao se koga e tu tokotasi i loto io me i tua o te fale tela e tu vāsia mai nisi koga saosao.

Kafai se koga e silia atu mo te 1 o koga saosao i ei, ko tena uiga a tino ko se mafai o palu fakatasi i vāsia o koga saosao kona. Te mea nei e aofia i ei manafai e ulu atu ki loto, tiakina, io me fano ki te falefoliki.

Tino galue kola e fakatoka a sevesi ki faigamea e se aofia i fakatapulāga o fakatasitasiga i loto io me i tua.

Kafai e isi ne tino i loto mo i tua o koga saosao, e manakogina a potukau kona e lua ke se palu fakatasi i so se taimi. Ko tona uiga e fakamautinoa ne koe o fakatoka e lua a mataloa ulu ki loto ki koga saosao kona — pela mo falefoliki io me ko te koga e olo a tino o fakatonu io me ʻtogi o lotou mea.

Toe onoono atu e uiga ki fakatasitasiga i te Levolo 2 o Fakatoakga

Faimalaga mo Gasuesuega

Nofo fale, mafai koe e masaki Kafai koe e se masaki, e mafai ne koe o faimalaga i te Levolo 2 o Fakatokaga, e aofia i ei ki so se fakai i te Levolo 2 o Fakatokaga. Taumafai o fai ne koe i auala puipugina.

Faimalaga totino ki sua feitu o tuākoi i Levolo o Fakatokaga e faigatā kae fakatapulā foki. Te mea nei se fesoasoani o fakagata te fakaʻpisi o te manu ʻpisi. E mafai fua ne koe o faimalaga ki te sua feitu o te tuākoi i Levolo o Fakatokaga manafai te faimalaga e fakasaoloto.

Faimalaga o nisi pisinisi e fakasaoloto. Nisi faimalaga totino e fakasaoloto, pela mo te tausiga o te olaʻlei, i fakalavelave tupu, o fesoasoani i te tausiga o se tino tela e masaki malosi io me ko nofo i te tulaga faigata io me ko te tausiga fakatasi o tamaliki (shared childcare). 

Kafai te faimalaga ki te sua feitu o te tuākoi e fakasaoloto ki pogai ʻtau, taumafai ke isi ne fakamaoniga ʻtau.

Kafai tau pogai o faimalaga ki te sua feitu o te tuākoi e se fakasaolotogina, e mafai ne koe o fai tau tusi fakatagi (apply) ki se fakasaolotoga. Tau tusi fakatagi e ʻtau o fetaui tonu mo fakanofoga.

Toe onoono atu e uiga ki faimalaga, gasuesuega mo fakasaolotoga

Fakamalosilosi foitino mo tafaoga fakafiafia

I te Levolo 2 o Fakatokaga, e mafai ne koe o fai au tafaoga masani pena foki mo tafaoga fakafiafia manafai e mafai ne koe o fai kae puipuigina. Kae kafai koe e masaki, nofo fale. 

E, mafai ne koe o fai tafaoga pela:

  • sasale, tele pasika pena foki mo te ʻtuli manu i laukele tausi e sologina ne tino (public conservation land).
  • koukou i koga koukou e sologina ne tino, kae ka isi ne fakatapulāga
  • fano ki te koga fakamalosilosi foitino, kae ka isi ne fakatapulāga
  • pōti mo tafaoga vai e fakaaogā a mōto.

Tafaoga mo tafaoga fakafiafia e ʻtau o fetaui ki fakanofoga i fakatasitasiga mo te tusiga o tusi fakamau (record-keeping). 

Fakamalosilosi foitino mo tafaoga e faigata o pei ki mea puipui mata, tela la te fakanofoga ke pei ki mea puipui mata e se manakogina o fakaaogā i konei.

I koga fakamalosilosi foitino, tino e manakogina o tumau te 2 mita te tu vāsia mai nisi tino, tena uiga i loto i koga saosao o te koga fakamalosilosi foitino e fakatapulā te fuainumela o tino e ʻtau o nofo i ei.

Kafai e fakamalosilosi foitino i koga e sologina ne tino, tumau te 2 mita te tu vāsia mai tino e se iloa ne koe manafai e mafai.

Ufi mata mo mea puipui mata

Mea puipui mata e manakogina i nisi koga, e aofia i ei oloolo malaga mo so se tino, asiasiga ki koga tausi o te olaʻlei, i sitoa lasi, pena foki mo nisi koga e sologina ne tino.

Matou  foki e fakamalosi  koe ke  pei ki se mea puipui mata kae tausi te 2 mita te tu vāsia mai nisi tino manafai e tiakina ne koe tou fale. Maise i ei manafai e faigata o tumau te tu vāsia mai nisi tino. Pela, manafai e puke meakaiʻtunu.

Toe onoono atu manafai e manakogina ne koe o pei ki mea puipui mata

Fesoasoani ki meakai pena foki mo te olaga

Kafai e isi ne ou fakalavelave ki mea tau tupe, meakai, te olaʻlei o tou mafaufau io me ko te ola malosi o tou foitino e isi ne fesoasoani mo koe.

ʻPaki i konei mo fakamatalaga e uiga ki fesoasoani mo tino takitokotasi

ʻPaki i konei mo fakamatalaga e uiga ki fesoasoani mo pisinisi

Akoakogā

Fale akoga kamata, akoga kamata, akoga mo fale akoga maluga e ʻtala ki potukau i tausaga katoa kesekese.

E puipuigina tamaliki ma nofo i akoga.

Tamaliki mo talavou e ʻtau o nofo fale manafai latou:

  • e masakisaki
  • e isi ne fakaasiga o te COVID-19
  • e nofo loa ia latou (self-isolating)
  • fakatali ki te ikuga o te sukesukega o te COVID-19

Se manatu fesoasoani i tino ko 12 tausaga kae silia atu ke pei ki mea puipui mata i te akoga.

Koga galue mo pisinisi

Koga pisinisi kola e fetuai tonu ki fakanofoga o te olaʻlei e mafai o ʻtala ki tino galue pena foki mo tino ʻtogi.

Manakoga o te Olaʻlei mo so se tino e aofia:

  • fakaasiga te pepa lasi i te Polokalame te NZ COVID i Fakamaoniga (NZ COVID Tracer app) mo Fakatokaga i Fakamauga o Fakamatalaga (QR code) kae e isi foki nisi auala i fakatokaga o fakamaoniga i fesokotakiga (contact tracing system); kae
  • tumau tulaga tu ʻmā pela mo te ʻfulu lima kae ʻfulu sāle a koga tafa-ki-luga, kae
  • tautali ki fakanofoga o te tu vāsia

Sevesi e fakatoka ne te tino ʻtogi (pela i lotou fale) mo sevesi i fesokotakiga pili (pela mo tino fakagaligali (beauticians) mo tino fakagaligali ulu) kola e fetaui mo fakanofoga o tulaga o te olaʻlei mo so se tino e mafai o galue. So se tino e galue i sevesi i fesokotakiga pili e ʻtau o pei ki mea puipui mata.

Kafai se koga galue e se fetaui ki tulaga konei e se ʻtau o galue.

Pisinisi katoa e fakamalosigina o fakaaogā nisi auala o galue manafai e mafai kae ke faipati mo tino galue o fakaasi a mea fakamataku mo auala e mafai o fakaaogā ki ei.

A pisinisi katoa e ʻtau o fetaui mo nisi fakanofoga o te olaʻlei mo puipuiga, tausi kae puipui fakaʻlei a tino galue kae ke fetaui ki nāi faiga masani.

Faka-te-tulafono e ʻtau o fai a tusi fakamau (record keeping) a pisinisi mo sevesi

Nisi pisinisi mo tino fakatoka faigamea faka-te-tulafono e ʻtau o fakatoka a tusi fakamau mō koe manafai e asiasi. E ʻtau o fai ne koe ne auala mo tino ke tusi fakamau a lotou asiga, maise i ei tino kola se mafai ne latou o kopi (scan) te polokalame i kopiga o fakamaoniga (QR codes).

E aofia i ei falekofe, falekai, faleinu, koga tafao ki tupe (casinos), koniseti, tausiga tino maʻtua, koga i tausiga te olaʻlei (se aofia tino masaki), koga ʻkati ulu, koga fakamalosilosi foitino, faletuisi, faletusi, fono famasino, sui o fakai mo malo o te atufenua, mo matagalue i sevesi i atiakega te malosi o tino (social services providers) kola e fai sevesi fesoasoani ki tino fakatau.

Auala ke mafai ne koe o tusi fakamau tau asiga e aofia:: 

  • faiga ki tino ke kopi te Polokalame te NZ COVID i Kopiga o Fakamaoniga
  • te tusiga fakamau ki lalo ki se tusi a fakamatalaga totino o au tino ʻtogi pena foki mo tino asiasi
  • fakatokaga o pepa mo tino ʻtogi pena foki mo tino asiasi ke fakafonu o lotou fakamatalaga totino kae tuku ki loto i se pokesi  
  • fakaaogā te faiga i te vaitaimi tena o tusi fakamau, pela mo te fakaaogā te kāti (swipe-card access) io me ko te fakamauga o asiga.

Pisinisi e ʻtau o fakatumau o fakapā te pepa lasi (poster) i te Polokalame te NZ COVID i Kopiga o Fakamaoniga (QR code) e tiga foki loa e se manakogina o ʻtae a fakamauga totino o tino ʻtogi.

A tusi fakamau o fesokotakiga ne fakamatalaga totino. E manakogina o ʻtae, fakaaogā, tausi, fakaasi, pei keatea fakaʻlei e tusa mo te Tulafono i Puipuiga Totino te Tino 2020 (Privacy Act 2020). 

Nisi fakatokaga i tusi fakamau e manakogina ke tausi kae puipuigina fakaʻlei

Paki i konei ki fakamatalaga e uiga ki tusi fakamau pena foki mo fakamaoniga i fesokotakiga mo pisinisi

Sevesi o Fakalavelave Tupu i Levolo o Fakatokaga katoa

Katoa a sevesi o Fakalavelave Tupu ka galue loa i Levolo o Fakatokaga.

Kafai e isi se fakalavelave tupu, tautali ki fakanofoga o faifaiga masani o fakalavelave tupu io me fautuaga mai pule o fakalavelave tupu. Tou puipuiga e mua i mea katoa.

Kafai koe ko nofogamalie, faeteete o fakagata te ʻpisiga o te COVID-19, pela mo te tu vāsia io me ko te pei ki mea puipui mata.

Kafai e isi se fakalavelave fakamataku ki tou olaga io me ko kope, telefoni fakavave ki te 111 kae fai ke faipati ki se Pulisimani, te kau Ta Afi io me ko te Motokā Fakaimasaki.

Toe onoono atu ke iloa me nea mea e ʻtau o fai i te taimi o fakalavelave

Last updated: