Masaki ‘pisi mo fakaasiga o te COVID-19 | The COVID-19 virus and symptoms

Sea te COVID-19

Te COVID-19 se vaega fou o te coronavirus tela e mafai o pokotia ou māmā mo te alaga auala ki te māmā.

A mea konei e fakaigoa ki ‘coronaviruses’ se kāiga lasi kae e uke ana vaega kesekese i masaki ‘pisi kola e mafua i ei a masaki pela mo te fūlu masani (common cold).

Fakaasiga o te COVID-19 

Fakaasiga e aofia i ei: 

  • e fou io me ko gasolo o masei te tale
  • te vela pela 38°C io me mai luga atu
  • mānava fita
  • kato mae
  • mafatua kae sali isu
  • se tumau te se mafai o ‘sogi.

A fakaasiga konei e se ko tena uiga me ia koe e maua ne te COVID-19. A fakaasiga e tai ‘pau mo nisi masaki masani, pela mo te fūlu masani (cold) mo te fūlu.

Te mānava fita se fakaasiga me kaati se niumonia kae manakogina fakavave o fai asiga fakatokita.

Kafai koe e maua a fakaasiga o te fūlu masani (cold), te fūlu io me ko te COVID-19 telefoni ki tau tokita io me ko te telefoni o te Olaʻlei i te napa 0800 611 116 ke maua ne fautuaga e uiga mo te faiga o tau sukesukega.

Fakaasiga i nisi taimi

Nisi tino e mafai foki o maua a fakaasiga konei i nisi taimi pela mo te:

  • vela
  • ‘sana
  • ulu mae
  • kanofi mae
  • taitai lua kae takitelua
  • galo te mafaufau kae kaitaua vave.

Seki iloa ne matou me pefea te leva ko fakasae mafai te tino ko pokotia. Fakamuli nei a sukesukega a te Fakapotopotoga o te Ola‘lei o te Lalolagi (WHO) e fakaasi mai me kaati e 2 ki te 10 o aso.

Te COVID-19 e ‘pisi i motigāvai (droplets)

COVID-19 e ‘pisi mai motigāvai mai te tino ki te sua tino. A tino e mafai o pokotia i te masaki ‘pisi mai i olotou mata, isu io me ko gutu.

Kafai te tino ko pokotia i te masaki e taletale, mafatua io me faipati, e mafai ne latou o fakasalalau a motigāvai e aofia i ei te masaki ‘pisi. A motigāvai konei ko tō lasi o nofo i te ea (air) ke leva, tela e vave o tō ifo ki koga-tafa-ki-luga.

Last updated: