Tokoni ki he kakai fakafoʻituituí mo e ngaahi fāmilí | Support for individuals and families

Maʻu atu ha fakamatala fekauʻaki mo e tokoni fakapaʻanga mo e tokoni ki he moʻui ola leleí (wellbeing) ʻi he lotolotonga ʻo e mahaki fakaʻauha COVID-19.

Tuʻunga ʻo e moʻui ola lelei ʻa e ʻatamaí

Kapau ʻokú ke ongoʻi ʻoku ʻikai ke ke lava ʻo kei matuʻuaki ha ngaahi meʻa, ʻoku mahuʻinga ke ke talanoa mo ha tokotaha ngāue fakapolofesinale ki he moʻui leleí.

Founga hono tokangaekina ʻa e tuʻunga ʻo e moʻui ola lelei ʻa ho ʻatamaí

ʻOku ʻi ai ʻa e ngaahi meʻa te tau lava kotoa ʻo fai ke fakatupulekina ʻaki ʻa e tuʻunga ʻo e moʻui ola lelei ʻa hotau ʻatamai pea mo hotau ngaahi ʻofaʻangá:

  • Hokohoko maʻu pē ʻa hoʻo fetuʻutaki mo ho ngaahi kaungāmeʻá mo e fāmilí — ʻoku mahuʻinga eni ki he ʻetau moʻui ola lelei fakaeʻatamaí pea tokoni ai ke tau ongoʻi malu ange, mo fakasiʻisiʻi ange ʻa e ongoʻi mafasiá mo e hohaʻá.
  • Fakahaaʻi ʻa e ngaahi meʻa ʻokú ke ongoʻí — ko e meʻa angamaheni pē ia ke ongoʻi mafatukituki, mafasia, hohaʻa, loto moʻua pe ilifia. Fakaʻatā hao taimi ke fakatokangaʻi ai mo fakahaaʻi ʻa e meʻa ʻokú ke ongoʻí.
  • Tauhi ki hoʻo ngaahi tōʻonga angamahení ʻi he feituʻu ʻe ala lava aí — feinga ke fakahoko ha ngaahi tōʻonga tuʻumaʻu ʻi hoʻo moʻuí pea feinga foki ke fakasiʻisiʻi ʻa e ngaahi tōʻonga ʻoku ʻikai fakatupu moʻui leleí hangē ko e faʻa kaí, inu kava mālohí, ifi tapaka pe meʻa fakakohu (vaping).
  • Vakaiʻi atu mo kinautolu ʻoku nau fiemaʻu ha tokoní — ko hoʻo tokoni atu kiate kinautolu ʻoku nau ngali ongoʻi mafasiá pe loto hohaʻá ʻe fakatou lelei ia kiate koe mo e tokotaha ʻokú ke tokoniá.
  • Fakangatangata ho taimi ʻi he ʻinitanetí — vakaiʻi ʻa e ongoongó mo e mītia fakasōsialé ʻi ha ngaahi taimi pau ʻo tuʻo taha pe ua pē ʻi he ʻaho.

Ko hai te ke lava ʻo talanoa ki aí

ʻOku ʻi ai ha ngaahi laine telefoni tokoni (helplines) ʻoku ʻatā atu pea ala maʻu atu ai ha tokoni, fakamatala mo ha tokoni ki ha taha ʻoku faingataʻaʻia mo e moʻui ola lelei ʻa hono ʻatamaí. ʻOku ʻatā kotoa atu ʻa e ngaahi sēvesí houa ʻe 24 ʻi he ʻaho, ʻaho ʻe 7 ʻi he uike.

Kumi ʻo ha laine telefoni tokoni ki he tuʻunga ʻo e moʻui ola lelei ʻa e ʻatamaí

Ngaahi sēvesí mo e tokoní

‘Oku LELEI pē ke kole ha tokoni. ‘I he‘etau kau fakataha ‘i he ngāué ni, ‘oku ‘i ai ‘a e kakai mo e ngaahi va‘a ngāue ‘oku nau lava ke tokoni atu kiate koe. Ko ‘eni ha ngaahi fale‘i, tokoni, pe poupou kehekehe kapau ‘okú ke fiema‘u ia. Kapau ‘oku ‘ikai ke ke lea faka-Pilitānia, ‘e lava ke ke kole ha tokotaha fakatonulea ‘i he taimi ‘okú ke telefoni atu ai ki he lahi taha ‘o e ngaahi potungāue fakapule‘angá.

Last updated: