Femalagākiga e hē manakomia ke nofo-kehea | Quarantine-Free Travel

Femalagākiga e hē manakomia ke nofo-kehea (Quarantine-Free Travel) mai:

Ko Auhetalia (Australia) → Niu Hila e fakahēai (Suspended)

Fakamolemole oi fai ma hiaki te laupepa mō nā Femālagākiga e hē manakomia ai ke nonofo-kehea e i luga o te kupega a te Unite Against COVID-19 ki nā fakamatalaga fakaopoopo mulimuli.

Kāfai ko au peleni malaga fakatātia kua afāina, e mafai ke fakafehokotaki te ofiha o te vakalele e lelei ai koe, te ofiha malaga ma te inihua (insurer) mo tau malaga.

E vēhea te faiga o nā Femalākiga e hē manakomia ai ke nofo-kehea?

I te taimi tēnei, e i ei te māliliega ke mafai ai ni femalagākiga e hē manakomia ai ke nofo-kehea, a Niu Hila ma:

  • Auhetalia
  • Kuki Ailani
  • Niue (kae ko nā tino malaga oioti e omai mai Niue ki NZ)

Ko nā femalagākiga e hē manakomia ai ke nofo-kehea e mafai ai koe ke malaga i te vā o nā atunuku kae e hē fano oi nofo i nā fale fakapitoa nofo-kehea, pe nofo kehea i tō fale kāfai e taunuku koe. E hē manakomia ke fai hō hukehukega ke iloa ai ko koe e hē maua i te fāmai kako heki malaga kehe.

E mafai hō he tino oi fai malaga kae e hē manakomia ke nofo-kehea, kāfai e fakamaliegia e ia nā manakoga fakatulagagia mo nā vāega iēnei, e venā foki nā manakoga a te ofiha o femalagākiga o te atunuku e malaga koe ki ei.

I te taimi tēnei, ko nā femalagākiga e he manakomia ai ke nofo-kehea, e mafai oioti i te vā o Niu Hila ma hē tahi atunuku. Fakatakitakiga, e ui lava e mafai koe ke malaga kae e he manakomia ke nofo-kehea i te vā o te Kuki Ailani ma Niu Hila, ko koe e tatau ke kātoa na aho e 14 e nofo ai koe i Niu Hila, fātoa mafai ai koe ke hē nofo-kehea kāfai koe e fano ki Auhetalia.

E tatau lava ke fai hō ufi mata pe he pupuni mata kāfai koe e faimalaga mai ki Niu Hila pe malaga atu ki fafo o Niu Hila, vaganā ai kafai e i ei hō fakatagagā fakapitoa. E tatau foki ke fai hō ufi mata i luga o nā auala fakapitoa a te mālo i Niu Hila. Ko iētahi tino e hē manakomia ke fai ni ō lātou ufi mata.

Kāfai e i ei ni hūiga i nā Tūlaga Fakailo (Alert Levels) i Niu Hila pe i ei ni tūlaga kua huia i nā atunuku iēia e manakomia ai ke nonofo kehea, e fakailoa mai e te kupega a te mālō Covid19.govt.nz (te kupega tēnei) ma nā kupega a nā kamupani fai lipoti.

Kāfai e i ei he tino e maua i te fāmai i Niu Hila pe ko he atunuku e hē manakomia ai ke nofo-kehea, e ōno taofia e te Mālō nā femalagākiga iēnei kae ke iloilo nā popolega o te tūlaga e i ei, pe ōno fakaheai nā femalagākiga mo he taimi mataloa. E tatau nā tino malaga ke fai ni a lātou peleni ma nofo tapena e i nā i ei ni tūlaga e ōno taofia ai nā femalagākiga.

Hakili nā fakamatalaga mulimuli agai ki nā Femalagākiga e hē manakomia ai ke nofo-kehea.

Femalagākiga mai ki Niu Hila e hē manakomia ke nofo-kehea

Ke mafai koe ke malaga mai ki Niu Hila kae e hē manakomia ke nofo-kehea, e tatau koe ke:

  • e fakamaliegia uma nā vāega tau femalagākiga e manakomia
  • ke i ei he lipoti i he hukehukegae na fai i loto o he 72 itulā kako heki faimalaga kehe mai ma Auhetalia, e hē maua i te fāmai
  • nā kātoa nā aho e 14 nā nofo ai i Niu Hila pe ko te atunuku e faimalaga ki ei. Fakatakitakiga, kāfai koe e faimalaga ki Auhetalia, e tatau koe na nofo i ni aho e 14 i luga i Auhetalia pe ko Niu Hila ke mafai ai koe ke faimalaga kae hē manakomia ke nofo-kehea. E mafai koe ke fai malaga i te aho 15
  • e heki i ei hō lipoti koe na maua i te COVID-19 i nā aho e 14 kako heki malaga kehe koe. Kāfai lā na maua koe i te fāmai, e tatau ona i ei hāu tuhi fautuaga mai he fōmai ke fakailoa mai, kua hē ōno fakapipihia e koe te hiama
  • ko koe e hē fakatali ki ni lipoti o he hukehukega ki te COVID-19
  • fakatumu nā takutinoga o tau faigāmalaga (external link) — ko koe e hē mafai ke fano ki luga o te vakalele kāfai e hē fakatumua te pepa tēnei
  • tali nā fehili agai ki tō ola mālōlō i te taimi e fakaeke ai. Kāfai e i ei hō tauale e māfua ai ni ō āuga, kaumai hō tuhi taule kae ke nahe lave ai pe hē mafai ai koe ke malaga.

Kikila ki iētahi fakamatalagta āgai ki nā hukehukega e fai kako heki faimalaga

Kāfai koe kua pa mai ki luga o Niu Hila

Mātau na koga nae eva koe ki ei

Fai hau kopi o te NZ COVID Tracer app, ke fakamaumau ai nā koga e feoaki koe ki ei. E hē ko nā telefoni Niu Hila oioti pe he faila i nā polokalame a te Apple pe ko te Google fātoā mafai ai hau kopi o te polokalame NZ COVID Tracer.

Fai hau kopi o te NZ COVID Tracer App e maua i luga o te falekoloa e fakatau ai na polokalame (App Store) (external link)

Fai hau kopi o te NZ COVID Tracer App e maua i luga o te polokalame Google Play (external link)

Nofo i te fale kāfai koe e tauale

Kāfai koe e makalili tauale, fulū pe ni āuga o te COVID-19, nofo i tō fale ma telefoni:

  • te Healthline e hē totogia i te numela 0800 358 5453
  • pe ko tō fōmai, pe ko
  • te tautūaga tau te ola mālōlō a tō komiuniti i te mea e nofo ai koe.

E ei te tino o te kaufaigāluega e fautua atu, pe fetaui nā vāega e manakomia ke fai hō hukehukega, oi telefoni muamua ai ki tō fōmai kako heki fano koe kikila, kāfai e i ei ni ō āuga.

Femalagākiga ki Auhetalia e hē manakomia ke nofo-kehea

Ke mafai koe ke malaga ki Auhetalia kae e hē manakomia ke nofo-kehea, e tatau koe ke:

  • fakamaliegia nā vāega tau femalagākiga uma e manakomia
  • nofo mo ni aho kātoa e 14 i Niu Hila pe ko Auhetali kae heki faimalaga koe — ko tona uiga e mafai koe ke faimalaga kamata i te aho tona 15 ki mua
  • fakatumu te pepa faimalaga fakapitoa e tuha ko he 72 itūlā kako heki faimalaga kehe ma Niu Hila (https://covid19.homeaffairs.gov.au/autralia-travel-declaration (external link))
  • e hē i ei ni āuga o te COVID-19
  • e heki tafapili ki he tino kua mautinoa kua maua i te COVID-19
  • fakamautinoa ko te itūmālō pe ko te kogāfenua e faimalaga koe ki ei e talia nā vakalele e hē manakomia ke nonofo-kehea. 

Kāfai koe e taunuku mai ki Auhetalia

I te taimi e nofo ai koe i Auhetalia, e i ei nā mea e tatau ke fai e koe ke puipuia ai koe, tō kaigā ma nā komiuniti mai te COVID-19, e aofia ai ke fai nā faiga tūmamā, ma nā hokotaga kāfai e hakili ma fakafehokotaki nā tino i nā tūlaga o te fāmai.

Ke maua ni fakamatalaga agai ki te COVID-19, ko nā kogāmea e tāua ke iloa ma manatua, nā tūlaga o nā femalagākiga (e aofia ai nā femalagākiga fakaloto-i-fale) ma nā hukehukega, ahiahi te kupega a te kogāfenua e i ei ai koe. Fakamatalaga ki te COVID-19 a nā itūmālō pe ko nā kogāfenua:

Mātau nā koga nae eva koe ki ei

E i ei te polokalame a Auhetalia (contact tracing app) ke hakili ma fakafehokotaki ai nā tino i nā tūlaga o te fāmai, kae ko te lahiga o nā itūmālō ma nā kogāfenua, e fakaaogā lava a lātou polokalame. E mafai ke fai hau kopi ma fakaaogā te lahiga o nā polokalame iēnei e fakaaogā ai he SIM telefoni Niu Hila. E ōno manakomia e koe hē SIM telefoni Auhetalia pe ko he numela fehokotaki Auhetali, ke mafai ai ke fakaaogā iētahi polokalame iēnei.

E fautuagia e ki mātou ke nahe taofia nā polokalame iēnei i loto o tau telefoni ke kātoa he mahina, e i nā teki e maua atu he fakailo ka kua fano kehe koe ma he kogāfenua.

Kāfai koe e hē mautonu pe fakaaogā he polokalame, fakamautinoa ko koe e haini ki nā fale pihinihi ma nā tahi koga e i ei a lātou faiga ke hakili ma fakafehokotaki nā tino auā te fāmai. 

Fai hau kopi o te polokalame e hakili ma fakafehokotaki ai nā tino, e fakapitoa ki te kogāfenua:

Nofo i te fale kāfai koe e tauale

Kāfai ko koe e hē mālohi, nofo i te mea e nofo ai koe, ma telefoni he fōmai mō ni fautuaga.

Telefoni nā fehoahoaniga a te Atunuku agai ki nā tui puipuia o te COVID-19 i te numela 1800 020 080. Ko nā telefoni e hē totogia mai Auhetalia. E āvanoa te telefoni 24 itūlā i te aho, i nā aho e 7 o te vaiaho.

Femalagākiga ki te Kuki Ailahi e hē manakomia ke nofo-kehea

Ke mafai koe ke malaga ki te Kuki Ailani e hē manakomia ke nofo-kehea, e tatau koe ke:

  • fakamaliegia nā vāega tau femalagākiga uma e manakomia
  • nofo mo ni aho kātoa e 14 i Niu Hila pe ko te Kuki Ailani kae heki faimalaga koe — ko tona uiga e mafai koe ke faimalaga kamata i te aho tona 15 ki mua
  • e heki i ei hō lipoti koe na maua i te COVID-19 i nā aho e 14 kako heki malaga kehe. Kae kāfai lā na maua koe i te fāmai, e tatau ona i ei hāu tuhi fautuaga mai he fōmai ke fakailoa mai, kua hē ōno fakapipihia e koe te hiama
  • ko koe e hē fakatali ki ni lipoti o he hukehukega ki te COVID-19

E taunuku mai loa koe ki Kuki Ailani

I te taimi e nofo ai koe i Kuki Ailani, e i ei nā mea e tatau ke fai e koe ke puipuia ai koe, tō kāiga ma nā komiuniti mai te COVID-19, e aofia ai ke fai nā faiga tūmama ma nā hokotaga kāfai e hakili ma fakafehokotaki nā tino i nā tūlaga o te fāmai.

E maua iētahi fakamatalaga i te kupega a te Mālō a Kuki Ailani: (external link)

Mātau nā koga nae eva koe ki ei

E kehe te hihitemi a Kuki Ailani e fakaaogā ma Niu Hila. E tatau koe ke:

  • lehitala ma fakaeva he pepa fakapitoa e ō koe e taku he CookSafe QR, ke fakamaumau ai nā kogāmea e ahiahi koe ki ei
  • fakaola tau Bluetooth hakilikili i loto o te polokalame CookSafe+.

Ko te polokalame CookSafe+ ma te polokalame NZ COVID Tracer e hokotaga ma gālulue fakatahi. Hō he numela (code) Bluetooth (pe ni ki) e lafo ma fakamaumau mai i tau telefoni, e fakaaogā ai hē tahi polokalame, e mafai ke maua nā fakamatalaga iēnei e ui e kehe te polokalame e fakaaogā. Ko nā polokalame e hokotaga fakatahi kae ke fakamautinoa ai e maua e koe he fakailo kāfai koe e feoaki tafapili ki he tino e fakaaoga foki he polokalame kua i ei ona lipoti kua maua i te COVID-19.

Iētahi fakamatalaga āgai ki te pepa CookSafe QR (external link)

Fai hau kopi o te polokalame CookSafe+ e maua i luga o te falekoloa e fakatau ai na polokalame (App Store) (external link)

Fau hau kopi o te polokalame CookSafe+ e maua i luga o te kupega Google Play (external link)

Nofo i te fale kāfai koe e tauale

Kāfai koe e hē malohi kae koi i te Kuki Ailani koe, nofo i te fale e nofo ai koe ma fai hō ufi mata, kāfai e i ei hau ufi mata. Nahe fakaaogā nā auala fakamua a te mālō ke fano ai koe ki te fale.

Telefoni te numela fehoahoani a te Kuki Ailahi (Healthline) i te numela 29667 mō ni fautuaga.

Last updated: