Fakatalohagaga ke fai vave he tui puipuia o te COVID-19 | Applying for an early COVID-19 vaccination

Ko te tui puipuia ki te COVID-19 e hē totogia, e āvanoa foki ki tagata uma lele i luga o Niu Hila e taki 12 tauhaga te mātutua ma ova atu.

Ahiahi ki te Book My Vaccine, pe telefoni ki te COVID Vaccination Healthline ke fakatonu hō āvanoa.

Hakili pe ko he ā te fai kāfai e manakomia ke vave fai hō tui puipuia ke faimalaga ai koe ki fafo i luga o ni tūlaga tatau ona ko mafutaga faka kāiga (compassionate grounds) pe ni kaukaunaga fakapitoa e tautua ai ki te atunuku (national significance).

E hē mafai koe ke talohaga mai ke mafai ke fai vave hō tui puipuia i luga o ni iētahi māfuāga.

Faimalaga ki fafo i luga o ni tūlaga tatau ona ko mafutaga faka kāiga

E mafai koe ke talohaga ke vave fai hō tui puipuia i luga o ni tūlaga tatau ona ko ni māfuāga faka kāiga ke:

  • mafai ke maua ni fehoahoaniga tau te ola mālōlō e he maua i luga o Niu Hila mo koe pe ko ni tino o tō kāiga e fakalagolago atu ki a toe (fakatakitakiga, he tamaiti e ā koe)
  • ahiahi he kāiga tafapili e hē malohi kua fakatalitali
  • maua ni fehoahoaniga faka te ola mālōlō ma ke puipui he tino e fakalagolago atu ki a te koe.

Kāfai koe e faimalaga ki fafo kako heki pa ki te aho 31 Aukuho, e mafai e koe oi fai hau fakatagi ke vave fai hō tui puipuia i luga o te kupega a te Matāeke tau te Ola Mālōlō.

Faimalaga i luga o nā kaukaunaga fakapitoa e tautua ai ki te atunuku

E ōno mafai ke vave fai hō tui puipuia kāfai ko koe e manakomia ke malaga ki fafo ke:

  • puipui te haogalēmū ma te leoleoga o te aiā tatau a Niu Hila ke pulepule tona atunuku
  • ke i loto o nā tautuaga e hapoti e te Mālō ke fehoahoani ai ki iētahi atunuku, e aofia ai nā fakamoemoega o Niu Hila ki ana fehoahoaniga ki atunuku i fafo, nā tautuaga ki te lalolagi i nā tūlaga o nā fakalavelave fakanatula, pe fehoahoani ki nā atunuku o te Pahefika ma nā atunuku ei lalo o tana taukikilaga, ke puipui mai i te fāmai pipihi ko te COVID-19
  • kaufakatahi i ni fakatahiga lalahi faka te lalolagi e tāua ai ke i ei ke fai ma hui o Niu Hila
  • kaufakatahi ki ni fetūkufakiga faka ātiakega a te mālō.

Ko te fakalāpotopotoga pe ko te ahohi e talafeagai, e tatau ke fai mai e ia tau talohaga.

Talohaga ke vave fai te tui puipuia (external link)