Fakatonu hō āvanoa ke fai tō tui puipuia ki te COVID-19 | Booking your COVID-19 vaccination

Kāfai e pā ki tō taimi, e mafai e koe oi fakatou hō āvanoa ke fai ai tō tui puipuia i luga o te neti pe ko te telefoni.

Ko te tui puipuia ki te COVID-19 e hē totogia, e āvanoa foki ki tagata uma lele i luga o Niu Hila e taki 12 tauhaga te mātutua ma ova atu.

Ahiahi ki te Book My Vaccine, pe telefoni ki te COVID Vaccination Healthline ke fakatonu hō āvanoa.

E fakatonu vēhea i luga o te neti

Fakatonuga hō āvanoa i te neti i te Book My Vaccine (external link) ko te auala faigōfie ia ke fakatonu ai hō āvanoa ke fai hō tui puipuia.

Kāfai koe ko heki tatau ke fakatonu hō āvanoa, e mafai e koe ke lehitala kae fakailoa atu e ki mātou te taimi e tatau ai ke fakatonu hō āvanoa.

E tuha e 5 minute ke fakatonu i luga o te neti.

Kāfai e i ei ni ō fakafitāuli ke fakatonu ai hō āvanoa pe fofou koe ke fai ni hūiga ki ō fakamatalaga, e mafai ke lafo hau imeli ki te kaufaigāluega a te Book My Vaccine.

Email: booking@vaccine.covid19.health.nz

Book My Vaccine (external link)

E fakatonu vēhea i luga o te telefoni

E mafai ke fakatonu i luga o te telefoni ki te telefoni fehoahoani COVID Vaccination Healthine 0800 28 29 26.

Ko nā telefoni uma e heai he totogi, ko te kaufaigāluega e āvanoa mai te 8am ki te 8pm, na aho e 7 i te vaiaho. E mafai e koe oi fehili ki he tino fakamatala kupu kāfai e manakomia e koe.

Ko ni ā nā mea e amanaki e tutupu kāfai koe e telefoni

E ōno fakatali koe ke tali mai tau telefoni, auā ko nā laina telefoni e mahani pihi — fakamolemole mau mai te onohai. E tali mai loa tau telefoni e mafai ke kātoa he 15 minute ke fakatonu ai hō āvanoa.

Kāfai koe e telefoni, e aogā lele ke ia te koe tō numela NHI (National Health Index). Ko te mea tēnei e fehoahoani ke vave ai te faiga o nā mea. E maua e koe tō NHI i luga o nā pepa talavai, fakaata pe ko ni lipoti o ni hukehuke, pe ko he tuhi mai te falemai.

E hui vēhea tō āvanoa

Kāfai e fofou koe ke toe fakatonu pe fakaheai tō āvanoa

Kāfai koe e tauale kako heki faia tō tui

Kāfai koe e tauale i te aho o tō āvanoa, e tatau ke toe fakatonu hō āvanoa fōu. E mafai ke fai tō tui puipuia kāfai koe e toe mālohi.

Kāfai e i ei ni ō āuga o te COVID-19, fai hō hukehukega ma nofo i te fale heiloga kua maua atu tō lipoti. E mafai koe ke fai tō tui puipuia kāfai e maua hō lipoti ko koe e hē maua i te fāmai.

Iētahi auala ke fai ai ni tui puipuia

Fakatahi ai ma nā āvanoa e fakatonu, e i ei foki iētahi auala mo nā tino ke fai ai nā tui puipuia. E aofia ai nā tui puipuia e fai i nā fale faigāluega ma iētahi fakatahiga fakapitoa i nā koga valevale i nā kogāfenua o te atunuku, e fai ai nā tui puipuia.

Ko iētahi kogāfenua i tua e mamao ma nā taulaga, e fai fakatahi nā tui puipuia o nā tino uma i te taimi e fokotahi kae ke faigōfie ai mō ki lātou.

Kui i tō fōmai kāiga

E tokalahi nā fōmai kāiga e fai ai nā tui puipuia kite COVID-19 ma e fai hako ki ei ni āvanoa. Ke iloa e koe pe mafai ke fai ni tui puipuia i tō fōmai kāiga, ahiahi ki te Healthpoint.

Tui puipuia ki te COVID-19 — Healthpoint (external link)

E fakatalohaga vēhea ke vave fai tō tui puipuia

E mafai ke fai vave hō tui puipuia kāfai koe e haoni malaga ki fafo i luga o ni māfuāga tatau ona ko kāiga pe i luga o ni mafuaāga o ni tautuaga a te mālō.

Apalai ke fai vave hō tui puipuia ona ko koe e haoni malaga — Matāeke tau te Ola Mālōlō (Ministry of Health) (external link)

Kāfai ko koe he tino e faigāluega i nā alāvaka ma nā fale fakanofo kehea

Ko nā tino uma lele e faigāluega i nā alāvaka ma nā fale nofokehea, e tatau ke fai ni ō lātou tui puipuia ki te COVID-19 i luga o te tūlāfono.

E fakamāonia atu foki ō fakamatalaga i loto o ā mātou fakamaumauga ma tō pule gāluega, oi kua fakafehokotaki atu ai ki hō āvanoa ke fai hō tui puipuia.

Ko ō fakamatalaga foki e tatau ke fakamaumau i loto o te lehitala o te kaufaigāluega i nā alāvaka — Border Workforce Testing Register (BWTR). Fakamolemole oi fehili ki tō pule gāluega ke hiaki tō igoa ma ō fakamatalaga (e aofia ai tō aho fanau, numela telefoni ma tō numela falemai — NHI) e hako te fakamaumauga i loto o te BWTR.

Kāfai koe ko he tino e faigāluega i nā alāvaka pe ko nā fale nofokehea, ma ko heki fakafehokotakia atuāgia koe ki hō āvanoa ke fai hō tui puipuia, talanoa ki tō pule gāluega.

Mō ni iētahi fakamatalaga āgai ki nā tui puipuia a nā kaufaigāluega i nā alāvaka ma nā fale nofo kehea