Te ōlaga i te Tūlaga 4 | Living at Level 4

Kāfai koe e makalili, fulū, pe i ei ni ō āuga o te COVID-19, fakamolemole oi nofo i te fale ma telefoni te Healthline e hēai he totogi 0800 358 5453, pe ko tō fōmai kāiga mo ni fautūaga pe tatau ke fai hō hukehukega. Manatua, e hē i ei he totogi ke fai he hiakiga pe ko he hukehukega ki te fāmai.

Kāfai e i ei he fakalavelave fakafuaheki, telefoni vave te numela 111.

I te Tūlaga Fakailo 4, e tatau koe ke:

  • nofo i tō kāiga vaganā ai ni feōakiga ona ko ni mafuāga tatau
  • fakataigole tō liko. E tāua lahi lele ke puipui nā tino uma ei loto o tō liko
  • fakamamao ma iētahi tino i nā tahi liko e tuha ma he 2 mita kāfai e olo kehe mai nā fale mō ni fekau tāua
  • nofo tafapili ki te mea e nofo ai koe, mo ni fakamalohi tino
  • fai au fakatau i nā falekoloa i te koga e nofo ai koe
  • fai au gāluega ma au mea āoga i te kāiga. Ko iētahi tino faigāluega e mafai ke olo pea ki nā gāluega, kae e i ei nā hā e fakamālohia, e i ei.
  • fai hō pupuni mata i luga o nā auala femalagaākiga fakamua a te mālō, ma nā kogāfenua o femalagākiga uma, i luga o nā vakalele, i luga o nā tavale laku pāhehe, pe ko nā tavale e feoaki fakatatahi ai ni tino, i nā falemai ma nā pihinihi iēia koi matala lava. E fautuagia ke fai foki hō pupuni mata kāfai e faigāta ke fakamamao mā ietahi tino.
  • fafano ma fakamamago ō lima i taimi uma e tatau ai. E tāua lele ke fai e koe nā faiga tūmamā faigōfie, e aofia ai ke fafano ō lima, tale pe mafatua ki tō gaugātulilima ma fakamama ia luga o nā kogāmea i taimi uma e fakaaogā ai.
  • fakamaumau nā kogāfenua nae feōaki koe ki ei i te NZ COVID Tracer app, fai hau tuhi COVID-19 tracer, pe tuhi ki lalo. Ko te mea tēnei e fehoahoani ke hakili ma fakafehokotaki fakavave ai nā tino kāfai e manakomia.

Kiliki ia kinei mō ni fakamatalaga āgai ki te hiama COVID-19 ma ona āuga

Kiliki ia kinei mō ni fakamatalaga āgai ki nā Hukehukega ki te fāmai

Kiliki ia kinei mō ni fakamatalaga āgai ki te Bluetooth tracing

Fai tō tui puipuia kāfai kua i ei hō āvanoa kua fakatonu

E mafai lava ke fai hō tui puipuia i te Tulaga Fakailo 4 kāfai kua i ei hō āvanoa e fai. Ko nā koga e fai ai nā tui puipuia e tatala pea. E fakatino pea nā tautuaga iēnei i nā puipuiga o te Tulaga Fakailo 4. E fakamalohia atu koe e ki mātou ke fai hō tui puipuia e vēia ona peleni koe ki ei.

Fai hō ufi mata

Ko nā ufi mata ma nā pupuni mata e manakomia i luga o te tulāfono ke fai:

  • i luga o nā auala femalagaākiga fakamua a te mālō ma nā kogāfenua o femalagākiga uma, vēia ko nā fale tuleni ma nā koga e tutu ai nā pāhi
  • kāfai e ahiahi ki nā falemai
  • i hō he fale pihinihi pe ko nā tautuaga iēia e matala pea e manakomia ai ke kikila mata ki nā tino fakatau koloa, e aofia ai nā falekoloa lalahi, nā fale talavai ma nā pāmu penihini.

Ko nā ufi mata foki e fautuagia foki ke fai i nā taimi uma e fano ai koe ki fafo mā tō fale.

Kiliki ia kinei mō ni fakamatalaga āgai ki nā ufi mata

Femalagākiga e fakataga i te Tulaga Fakailo 4

Kua fakaitiitia lele nā femalagākiga i te Fakailo Tulaga 4, vaganā ai nā fakatagaga e tuhia i lalo. Kāfai koe e faimalaga i nā mafuāga tatau iēia e fakataga, e hē manakomia ni iētahi fakamaoniga ke talia ai koe ke malaga. Kae e tatau ke i ei ni fakamaoniga ke taukave e koe i ō limā o te mafuāga o tau malaga.

Kāfai e i ei ni ō āuga o te COVID-19, pe nae eva tafapili ki he tino nā lipotia mai e maua i te COVID-19 pe ko he tino lava na maua i te COVID-19, e hē tatau koe ke faimalaga - e tuha lava pe i ei he fakatagaga - kae e tatau ke nonofo kehea i te kāiga, ma telefoni te Healthline mō ni fautuaga ma fano hiaki.

E fia maua he fehoahoani?

Kāfai e i ei ni ō fakafitāuli tau tupe, meakai, te ola lelei o tō mafaufau pe ko tau fakalogo lava ki ō tino, e ōno i ei he fehoahoani mō koe.

Kiliki ia kinei mō ni fakamatalaga āgai ki nā fehoahoaniga mō tagata tautokatahi

Kiliki ia kinei mō ni fakamatalaga āgai ki nā fehoahoaniga mō nā pihinihi

Last updated: