Te ōlaga i te Tūlaga 3 | Living at Level 3

Kāfai koe e makalili, fulū, pe i ei ni ō āuga o te COVID-19, fakamolemole oi nofo i te fale ma telefoni te Healthline e hēai he totogi 0800 358 5453, pe ko tō fōmai kāiga mo ni fautūaga pe tatau ke fai hō hukehukega. Manatua, e hē i ei he totogi ke fai he hiakiga pe ko he hukehukega ki te fāmai.

Kāfai e i ei he fakalavelave fakafuaheki, telefoni vave te numela 111.

I te Tūlaga Fakailo 3, e tatau koe ke:

  • Tauhihi ki he 2 mita e mamao ai ma iētahi tino i fafo atu o tona lava kāiga, ma te mita e mamao ai ma iētahi tino i loto o nā fale faigāluega. 
  • fai hō pupuni mata i luga o nā auala femalagaākiga fakamua a te mālō, ma nā kogāfenua o femalagākiga uma, i luga o nā vakalele, i luga o nā tavale laku pāhehe, pe ko nā tavale e feoaki fakatatahi ai ni tino, i nā falemai ma nā pihinihi iēia koi matala lava. E fautuagia ke fai foki hō pupuni mata kāfai e faigāta ke fakamamao mā ietahi tino.
  • Fafano ma holo fakamamago ō lima i taimi uma e tatau ai.
  • Fakamaumau nā mea e fano koe ki ei ma nā tino e fetaui koe ki ei.  Fakaaogā te NZ COVID Tracer app, pe ko te tuhi e fakamaumau ai nā kogāmea e fano koe ki ei (Covid-19 tracer booklet) pe tuhi ki lalo.

Kāfai koe e tauale, nofo i tō fale. Ko koe nahe fano ki te gāluega pe ko te āoga. Koe foki nahe fano oi ahiahi pe tāfao ki ni uō/kāiga pe fano māfuta ki ni tahi tino (socialise)

Kāfai koe e fakatonu atu ko koe ke fano nofo kehea, i luga o te tūlāfono, ko koe e tatau ke uhitaki loa.

Kāfai e fai hō hiakiga o te COVID-19, i luga o te tulāfono, ko koe e tatau ke nofo-kehea i tō fale ke maua atu te lipoti o tō hiakiga.

Kiliki ki kinei mō ni iētahi fakamatalaga āgai ki te hiama COVID-19 virus ma ona āuga

Kiliki ki kinei mō ni iētahi fakamatalaga āgai ki nā hiakiga

Kiliki ki kinei mō ni iētahi fakamatalaga āgai ki nā fehokotakiga e fakaaogā ai te Bluetooth

Fakatahiga

Ko nā fakatahiga o ni tino e hē ova atu i he toka 10 e fakaauau pea, kae e fakataga oioti mō nā fakaipoipoga, nā maliu ma nā tanuga. Ko te taumamao ma iētahi tino ma nā lapatakiga ki te ola lelei o tagata, e tatau ke utagia ma fakatino i luga o te tulāfono.

I te Tūlaga Fakailo 3, i luga o te tulāfono ko koe e tatau ke nofo lava i loto o te liko o tō kāiga i nā taimi e hē faigāluega ai koe pe i te āoga ai.  E mafai e koe ke tala ki tua tō liko kae ke:  

  • fehokotaki ai ma nā fanau ma nā kāiga pili
  • i loto ai nā tino e fehoahoani ki tō kikilaga, pe
  • fehoahoani ai ki nā tino e nonofo tautatahi.

E tāua lele ke puipui tō liko.   Nahe fakatokalahia tō liko, kae ke i loto ai nā tino e pupuia ai koe ma ki lātou, ke haogalēmū ma ola mālōlō.

Mea pupuni mata ma nā mea ufimata

Ko nā ufi mata ma nā pupuni mata e manakomia i luga o te tulāfono ke fai:

  • i luga o nā auala femalagaākiga fakamua a te mālō ma nā kogāfenua o femalagākiga uma, vēia ko nā fale tuleni ma nā koga e tutu ai nā pāhi
  • kāfai e ahiahi ki nā falemai
  • i hō he fale pihinihi pe ko nā tautuaga iēia e matala pea e manakomia ai ke kikila mata ki nā tino fakatau koloa, e aofia ai nā falekoloa lalahi, nā fale talavai ma nā pāmu penihini.

Ko nā ufi mata foki e fautuagia foki ke fai i nā taimi uma e fano ai koe ki fafo mā tō fale.

Kiliki ki kinei mō ni iētahi fakamatalaga agai ki nā ufi mata pe ko ni pupuni mata

Ko nā akoakoga i te Tūlaga Fakailo 3

Ko nā fale e kikila ai nā pepe, nā ākoga kāmata ma nā āoga, e matala oioti ki nā tamaiti a nā tino e faigāluega i nā gāluega e tatau ke fakaauau pea. E haogalēmū nā fānau iēnei ke olo ki te āoga.

Feōakiga i te vā o nā kogāfenua

E lahi lele nā puipuiga ma nā hā ki nā feōakiga i te vā o nā kogāfenua i te Tūlaga Fakailo 3.   

Ko nā feōakiga tautokatahi ki loto ma fafo mai o he kogāfenua e i te Tūlaga Fakailo 3 kua puipui lele. Ko te mea tenei e tatau ke fai kae ke taofi ai te pipihi o te hiama. E ōno mafai e koe oi hakili fehoahoani ke fakataga ai koe ke malaga ki nā tahi kogāfenua e kehekehe nā tūlaga fakailo e i ei ai.

Nā kogāmea e fakaaogā e tagata lautele

Ko nā kogāmea e fakaaogā e tagata lautele e tatau ke tapunia i luga o te tulāfono.  E aofia ai nā faletuhi, falematāga, faletīfaga, kogāfenua kakai ai nā tino (food courts), falekoleni, falekaukau, pāka tāfao ma nā maketi.  

E hē ko he taimi tēnei e fai ai ni fakamālohitino fōu, pe fai ni faiga fakapokepoke e koe e ōno āfaina ai koe mā tō liko.  E mafai lava ke fai ni au mea fakamālohitino faigōfie i te kogāfenua lava e nofo ai koe.

Fale faigāluega ma nā pihinihi

I te Tūlaga Fakailo 3, e i ei nā puipuiga ke puipuia ai nā tino faigāluega, ke nahe lahi ni fehokotaga ma nā tahi tino kae ke fehoahoani ke puipui te pipihi o te COVID-19.  E fautuagia e ki mātou ke fai nā gāluega a te kaufaigāluega i nā fale kāfai e mafai.

I luga o he fakalavelave tutupu fakafuaheki

Ko nā gāluega tautua e aofia ai nā tautuaga a te ola mālōlō, nā tautuaga tau fakalavelave fakafuaheki, nā tavale laku koloa, e fakaauau a lātou gāluega. Ko nā pulegāluega i nā gāluega kua tākua, e tatau ke fakaauau kae ke fakamaliegia nā manakoga tau te ola mālōlō ma te puipuiga. Kāfai e i ei he fakalavelave e tutupu fakafuaheki (ft. afi, māfuiē, gālu vai mālohi mtm), mulimuli ki nā takiala e mahani ai. Ko nā manakoga mai nā fakalavelave e tutupu fakafuaheki, e fakamuamua nailō nā manakoga o nā Tūlaga Fakailo COVID-19, kae e tatau ke fakamamao mā iētahi tino.

E fia maua he fehoahoani?

Kāfai e i ei ni ō fakafitāuli tau tupe, meakai, te ola lelei o tō mafaufau pe ko tau fakalogo lava ki ō tino, e ōno i ei he fehoahoani mō koe.

Kiliki ia kinei mō ni fakamatalaga āgai ki nā fehoahoaniga mō tagata tautokatahi

Kiliki ia kinei mō ni fakamatalaga āgai ki nā fehoahoaniga mō nā pihinihi

Last updated: