Te ōlaga i te Tūlaga 1 | Living at Level 1

Ko te COVID-19 koi tamilo lava

Ko nā tino uma i Niu Hila e tatau ke:

  • Fafano ma holo ke mamago na lima i na taimi uma e tatau ai ke tāmate te hiama. Fakaaogā he meamoli ma ni vai mo he 20 hekone. Holo ke mamago lelei.
  • Pupuni tau tale ma tau mafatua, fakatakitakiga, oi tale pe mafatua ki tō gaugātulilima.
  • Kāfai e i ei ni ō āuaga o te fulū, nofo i te fale, telefoni tō fōmai pe ko te Healthline (numela a te matāeke tau te ola mālōlō) ke maua ni fautuaga āgai ki nā hiakiga. Koe nahe fano malaga, pe fano ki te āoga pe fano ki te gāluega.
  • Mātau nā kogāmea e feoaki koe ki ei ma ko ai foki nā tino e fetaui ki ei. Fakaaogā te polokalame e faigofie ai ke fakafehokotaki nā tino auā te fāmai (NZ COVID Tracer app), pe he tuhi fakafehokotaki tino āgai ki te COVID-19, pe tuhituhi ki lalo.

Fautuaga ki nā hiakiga

Fautuaga ki te hakiliga ma te fakafehokotākiga o nā tino

Fautuaga ki te hiama ma ona āuga

Mea pupuni mata ma nā mea ufimata

Ko nā Ufi mata ma nā Pupuni mata e fakamālohia ke fai e tagata uma e feōaki i luga o nā auala fakamua i nā kogāfenua uma o Niu Hila i nā Tūlaga Fakailo uma o te COVID-19. E fautuagia foki ke fai he ufi mata pe he pupuni mata kāfai e faigata ke fakamamao ma iētahi tino, vēia ko nā fale koloa lalahi ma nā fale koloa taigole.

Kiliki ki kinei mō ni iētahi fakamatalaga agai ki nā ufi mata pe ko ni pupuni mata

Fakatahiga

E hē i ei ni hā mo nā fakatahiga. E aofia ai nā maliu, faipoipoga, haunigā lotu ma nā fakatahiga i nā komiuniti, takaloga ma nā fakamālohitino.

Tauhihi oi taumamao

I te Tūlaga Fakailo 1, ko te COVID-19 kua puipui. Kae he mea lelei ke taumamao pea ma iētahi tino e hē kē iloa kāfai koe e feōaki. E fehoahoani ai ke hoholo mālie te COVID-19 kāfai e toe i ei ni tino e maua i te fāmai i loto o te komiuniti.

Gāluega ma nā pihinihi

Ko nā pihinihi ma nā fale faigāluega e mafai ke fai nā gāluega vēia onā mahani ai. E tatau ke fakapipiki ke fakaali he ata o te polokalame e faigofie ai ke fakafehokotaki nā tino auā te fāmai (NZ COVID Tracer QR code) ma fakatātia ni iētahi auala i te fale faigāluega, ke faigōfie ai ke hakili ma fakafehokotaki nā tino auā te fāmai.

Femalagākiga ma nā felakuakiga

Ko nā auala fakamua a te mālō, e tatau ke fakapipiki ma fakaāli he QR code auā te hakiligia ma fakafehokotakiga o nā tino auā te fāmai.

Kāfai koe e tauale oi telefoni tō fōmai kāiga pe ko te Healthline mo ni fautūaga ki nā hiakiga ka ko heki faimalaga koe. Nofo i te kāiga ma fai hō hiakiga kāfai e fautūagia atu koe ke fai hō hiakiga.

Nā āoga

Ko nā āoga, nā ākoga kāmata ma nā āoga maualuga e mafai ke tatala e vēia ona māhani ai. E haogalēmū ia tamaiti āoga ke olo ki nā āoga.

Ke maua nā fakamatalaga hako

Ko iētahi taimi ko nā fakamatalaga e fakahālalau ma te mautinoa ke fakahehē ma fakapepelo nā tino. Ko te mea tēnei e taumafai ke fakakino nā gāluega a ki tātou i he taimi e manakomia ai ki tātou ke gālulue fakatahi ke fakaumatia te hiama.

Fautuaga ke maua nā fakamatalaga hako

Na hā i nā alāvaka

Ko te COVID-19 koi pēhi lava i nā atunuku i fafo. Ko ā tātou takiala i nā alāvaka e tūmau lava, kae ke fakataigole na fakapokepokega o te COVID-19 e kaumai i nā atunuku i fafo.

Ko nā tino uma e omamai ki Niu Hila, e tatau ke olo nonofo kehea i nā fale e taukikila fakapitoa ai, vāganā e i ei ni fakatāgaga e mafai ke hē olo ai ki nā fale iēnei. E ui e maua ni ō lātou fakatāgaga fakapitoa, e tatau lava ke nonofo kehea i he koga.

Ko te kaufaigāluega i nā fale fakapitoa iēnei e kikila ai nā tino nonofo kehea, e fai ō lātou hiakiga tūmau ki te COVID-19.

Last updated: