Fehoahoaniga mō tagata tautokatahi ma nā kāiga | Support for individuals and families

Iēnei nā fakamatalaga āgai ki ni fehoahoaniga tau tupe pe ko te ola mālōlō lelei i te vaitaimi o te fāmai pepehi ko te COVID-19.

Ola mālōlō lelei o nā fakalogoga tau te māfaufau

Kāfai e fakalogo ifo koe e hē kē nafatia, e tāua lahi lele koe ke talanoa ki te kaufaigāluega a te ola mālōlō.

Kikilaga vēhea o tō ola mālōlō lelei ma nā fakalogoga tau te māfaufau

E i ni nā mea e lahi e mafai ke fai e ki tātou uma ke fakalelei ai te ola mālōlō lelei o ō tātou fakalogoga tau te māfaufau venā a na tino e pele iā teki tatou:

  • Fehokotaga tūmau ma nā uō ma kāiga — ko he mea tāua tēnei ki te ola mālōlō lele o ō tātou fakalogoga tau te māfaufau ma fehoahoani ke lagona e ki tātou te haogalēmū, fakataigole te fitā ma te hē totoka.
  • Fakailoa ō lāgona — ko hē mea mahani lava nā lagona vē he kavega mamafa, fitā, hē totoka, popole pe mataku. Ke i ei hō taimi ke mātau ma fakailoa ai ō fakalogoga.
  • Pipiki ki ni faifaiga kāfai e mafai — taumafai ke i ei ni faifaiga māhani i tō olaga ma taumafai ke nahe fakalalahi ni faiga hē lelei vēia ko te kai lahi auā koe e fitā, inu pia, ulaula pe ulaula nā hikaleti uila.
  • Hiaki ni tino e manakomia he fehoahoani — kāfai koe talanoa ki ni tino e i ei ni ō lātou lagona fitā pe popole, e aogā uma ki a te koulua ma te tino tēia e fakatino ki ei te fehoahoani.
  • Fakatapulā tō taimi e fakafano i luga o te neti — hiaki nā lipoti ma nā fehokotakiga i te vāteatea (media and social media) i ni taimi tukupau fakafokotahi pe fakalua i te aho.

Ko ai te mafai ke talanoa koe ki ei

E i ei nā fehoahoaniga e āvanoa e maua ai he hapoti, ni fakamatalaga ma ni fehoahoaniga mō hō he tino e i ei ni fakafitāuli tau te ola mālōlō lelei o nā fakalogoga tau te mafaufau. Ko nā tautuaga uma e āvanoa 24 itulā o te aho, na aho e 7 o te vaiaho.

Hakili ni tautuaga tau te ola mālōlō lelei o nā fakalogoga tau te mafaufau

Ko nā tautuaga ma nā fehoahoaniga

E lelei te hakili fehoahoani Ka koi gālulue fakatahi ki tātou i nā hūiga iēnei, e i ei nā tino ma nā ofiha e mafai ke maua ai ni fehoahoaniga. Iēnei nā fautuaga, nā fehoahoaniga ma ni tautuaga valevale, kāfai e manakomia e koe. Kāfai ko koe e hē mālamalama i te gagana Igilihi, e mafai koe ke fehili ki he tino fakamatala-kupu kāfai koe e fakafehokotaki nā ofiha o nā matāeke a te mālō i te lahiga o taimi.

Last updated: