Fehoahoaniga tau tupe mō nā pihinihi | Financial support for businesses

Fehoahoaniga mō nā pihinihi kua afāina i te pipihi o te COVID-19

E i ei nā itūkāiga fehoahoani tau pihinihi e āvanoa mai te Work and Income.

  • Short Term Absence Payment (external link) - Ko te COVID-19 Short-Term Absence Payment e āvanoa mō nā pihinihi, e aofia ai nā tino e faigāluega lava mo ki lātou, ke fehoahoani ke totogi ai a lātou kaufaigāluega iēia e hē mafai ke fakataunuku nā gālulue mai nā kāiga, kae fakatalitali ke maua mai ō lātou lipoti o nā hukehukega ki te COVID-19.
  • Leave Support Scheme (external link) - Ko te Leave Support Scheme e aofia ai nā tino faigāluega e fetaui ki ei te heleni tēnei, e i loto ai foki nā tino e faigāluega lava mō ki lātou, nā tino e hē mafai ke fakataunuku nā gālulue mai nā kāiga ma fetaui ki ei ni vāega tau te ola mālōlō, f.t. e maua i te fāmai COVID-19 pe ko ni tino kua fakatonu ke nonofo-kehea i ni aho e 14, ona nae feoaki tafapili ma he tino kua maua i te fāmai.
  • Resurgence Support Payment (external link) – Ko te tupe fehoahoani mai te Ofiha o te Inland Revenue e igoa ko te Resurgence Support Payment e fehoahoani ki nā pihinihi i te atunuku kātoa kua āfāina i te hui ki luga o nā Tūlaga Fakailo.

Ni iētahi fehoahoaniga mai te Work and Income

  • E i ei nā fehoahoaniga e maua i te kupega a te Work and Income, fakafehokotaki te ofiha i te numela telefoni 0800 559 009 venā foki te MyMSD.
  • Ko nā ofiha fakafehokotaki a te Work and Income e tatala i te Tūlaga Fakailo 1 ma te 2 kae tapunia i te Tūlaga Fakailo 3 ma te 4.
  • Ko nā talanoaga (appointments) i te Tūlaga Fakailo 3 ma te 4 ka fakataunuku i luga o nā telefoni i ni taimi fuafua, ko nā talanoaga e fai i te Tūlaga 1 ma te 2 e fakaauau lava vēia ona mahani ai.
  • Ko nā tupe maua māhani mai te Work and Income e fakauau lava e veia ona mahani ai.
  • Ko te kupega a te Work and Income (external link) e fakailoa ai mai ai nā itūkaigā fakatupega e ōno mafia ke maua.  Ko nā fakatupega iēnei e avanoa foki mo nā tino e faigāluega lava mō ki lātou.

Last updated: