Ngā kōrero taketake mō te kano ārai mate | Vaccine basics

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Haere ki Book My Vaccine waea atu rānei ki te COVID Vaccination Healthline ki te whakarite tāpui.

Ka tukuna te kano ārai mate ki a wai?

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.
 
Kāore he aha o tō tūnga kōkota, kirirarau rānei. E kore e whakamahia ngā mōhiohio i kohia mō ngā take manene.
 
Ko wai e āhei ana ki te kano ārai mate KOWHEORI-19?

Āhea koe āhei ai ki te tukunga kano ārai mate?

E āta whakaputa haeretia ana te kano ārai mate. Ko ngā tāngata katoa o Aotearoa kei tua i te 12 tau te pakeke, kei roto i tētahi o ngā kāhui kano ārai mate e 4.

Tuatahi, ka tiakina e mātou te hunga e tino mōrearea ana o te pānga ki te KOWHEORI-19 i tō rātou wāhi mahi.  Mā tēnei e whakaiti i te mōrearea o ngā pokenga me ngā rāhuitanga ā muri ake nei.

Whai muri mai, ka tukuna te kano ārai mate ki te hunga e tino mōrearea ana o te pānga ki te mate taumaha, te mate tonu atu rānei ina pā te huaketo ki a rātou.

Hei te mutunga, ka tukuna te kano ārai mate ki te rahinga atu o ngā tāngata o Aotearoa kei tua o te 12 tau te pakeke.

He kore utu te kano ārai mate mā te katoa, ahakoa tō tūnga kōkota, kirirarau rānei.

Mēnā e hiahia ana koe ki te haere ki tāwāhi mō tētahi take ngākau aroha, mō tētahi take nui ki te motu rānei, ka taea pea e koe te tono mō te werohanga kano ārai mate wawe.

Me pēhea te tono mo te werohanga wawe

Te kano ārai mate me tō tūranga mahi

Ko tēhea te kano ārai mate ka whiwhi koe

Ko te kano ārai mate a Pfizer anake te kano ārai mate KOWHEORI-19 kua whakaaetia i Aotearoa. Kua riro i a mātou te 10 miriona werohanga - ka nui tēnei mō te 5 miriona tāngata, kia whiwhi i ngā werohanga e 2 e tika ana kia āraitia.

Ka mahi te kano ārai mate mā te whakaako i tō pūnaha awhikiri ki te aro atu, ki te ārai atu hoki i te huaketo.

Ko te kano ārai mate Pfizer:

  • he kano ārai mate karere RNA (mRNA)
  • kāore he huaketo ora, mate, whakaweto rānei i roto
  • kāore koe e pāngia ki te KOWHEORI-19
  • kāore e pā kinotia tō DNA
  • kāore he hua kararehe i roto.

Me whiwhi koe i tō werohanga tuarua o te kano ārai mate i te 42 rā, neke atu rānei (6 wiki) i muri mai i te werohanga tuatahi.

Rapu pēhea te mahi a te kano ārai mate

Rapu i ngā āhuatanga ka tatū i tō whiwhinga i te kano ārai mate

Rapu i ngā āhuatanga ka tatū i muri i tō whiwhinga kano ārai mate

Rapu kōrero mō ngā pānga kino o te kano ārai mate

Te haumarutanga me te whai huatanga o te kano ārai mate

Ka aromatawaitia ngā tono o ngā rongoā hou katoa e te mana haumaru rongoā o Aotearoa e Medsafe. Ka uru ki tēnei ngā kano ārai mate.
 
Kia whakaaetia e Medsafe te whakamahinga o tētahi kano ārai mate i Aotearoa, me whakapono ia ka:

  • ea katoa ngā hihiratanga haumaru a Aotearoa
  • whai i ngā paerewa ā-ao mō te haumarutanga, te whaihuatanga me te kounga.

He tino whaihua te kano ārai mate KOWHEORI-19 mēnā ka whiwhi te tangata i ngā werohanga e rua. Kia whiwhi koe i ngā werohanga e rua, ka tino heke tō tūpono pānga ki te māuiui taumaha.

E whakaatu ana ngā rangahau, tata ki te 95% o ngā tāngata kua whiwhi i ngā werohanga e rua o te kano ārai mate, ka āraitia mai i ngā tohumate KOWHEORI-19.

Rapu pēhea te mahi a te kano ārai mate

Rapu i pehea te whanaketanga me te whakaaetanga o te kano ārai mate

He aha i whaitake ai te whiwhi kano ārai mate

Kia whiwhi kano ārai mate koe, kāore koe i te tiaki noa iho i a koe. E whai wāhi ana koe ki te whakaititanga o te mōrearea tuku i te KOWHEORI-19 ki tō whānau, ō hoa me te hapori.

Me whai tonu koe i ngā whanonga hauora matua i muri i te werohanga kano ārai mate

He wawe rawa i tēnei wā ki te whai mōhio mēnā ka taea e koe te tuku i te huaketo i muri mai o te werohanga ārai mate.

Hei āwhina ki te ārai i a koutou ko tō whānau me ētahi atu, me āwhina tonu koe ki te ārai i te horapatanga o te KOWHEORI-19 i muri mai i te werohanga kano ārai mate. Ki mahara ki te:

  • Āta horoi i ō ringa
  • Me maremare, matihe hoki ki tō tuke.
  • Me mau kōpare i runga i ngā ikiiki tūmatanui
  • Whai haere tonu i ō tapuwae
  • Whakakāhia te rapunga hono iarere i te taupānga NZ COVID Tracer
  • Noho ki te kāinga ka waea ki Healthline (0800 358 5453 (external link)) mēnā kei te māuiui koe

Te ripoata i ngā rūkahu me ngā tāware kano ārai mate

He nui ngā mōhiohio tuihono, pae pāpori hoki mō te kano ārai mate. Ka toremi pea te tangata, ā, he uaua ki te rapu i ngā kōrero pono. Me whakarite koe i tō whiwhinga mōhiohio mai i ngā puna e whakaponotia ana, ā, kaua e toha i ngā mōhiohio kia mōhio rawa koe he pono.

Me pēhea te rapu i ngā mōhiohio pono mō ngā kano ārai mate

Te tū hei kaituku kano ārai mate

E rapu ana mātou i ētahi atu kaituku kano ārai mate hei tautoko i te whakaputanga o te kano ārai mate.

Mēnā he mātanga hauora kua tāoki, kāore rānei i te mahi i tēnei wā i te ahumahi hauora, ā, e hiahia ana koe ki te tū hei kaitūao, haere ki te paetukutuku a Te Manatū Hauora ki te rēhita i tō hiahia.

Rēhitatia tō hiahia ki te tū hei kaituku kano ārai mate (external link)

Last updated: