Ngā pānga kino o ngā kano ārai mate KOWHEORI-19 | Side effects of COVID-19 vaccines

Rapua ngā pānga kino o te kano ārai mate me ngā āhuatanga me whai ina pā ki a koe.

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Haere ki Book My Vaccine waea atu rānei ki te COVID Vaccination Healthline ki te whakarite tāpui.

Ngā pānga kino whānui

Pērā i ngā rongoā katoa, ka rongo pea koe i ētahi pānga kino ngāwari i te 1-2 rā i muri i te whiwhinga i te kano. He pērā tonu te āhua ki te nuinga, ā, he tohu o te ako o tō tinana ki te whawhai i te huaketo.

E kore e roa te pānga o ngā pānga kino, ā, e kore e aukati i a koe mai i te whiwhinga i te werohanga tuarua, te mahi rānei i ngā mahi o ia rā. Ka pā kinotia taupuatia pea tō āhei ki te hautū waka, te whakahaere pūrere rānei i ngā pānga kino.

Ko ngā pānga nui e whākina mai ana ko te:

  • te mamae, te pupuhi rānei i te wāhi i werohia
  • te ngenge, te ruha rānei
  • ka ānini te māhunga
  • ka mamae ngā uaua
  • ka wiriwiri
  • te mamae pona
  • te kirikā
  • te wherowhero i te wāhi werohanga
  • te paipairuaki

Ko ētahi pānga kino ka kitea nuitia i muri i te werohanga tuarua.

Ngā pānga kino tauhou, onge hoki - Te Manatū Hauora (external link)

Mēnā e manawarau ana tō noho, ka taea e koe te:

  • whakamau papanga mātai, māku hoki, tētahi pēke tio rānei ki te wāhi wero mō te wā iti
  • me whakatā, me kaha te inu wai
  • me kai paracetamol, ibuprofen rānei.

Āhea rapu āwhina ai

Mēnā he āwangawanga āu, e māuiui ana rānei i muri mai i tō werohanga, kōrero ki tō tākuta ā-whānau, tētahi atu mātanga hauora rānei, waea atu rānei ki Healthline i 0800 358 5453.

Mēnā e māharahara ana koe mō tō oranga, waea ki 111. Whakamōhio atu kua whiwhi koe i tō kano ārai mate KOWHEORI-19 kia pai ai tā rātou aromatawai tika i a koe.

Ngā pānga pāwera

He wā anō ka pā ngā pāwera kino engari he tino onge.

Mēnā i pā tētahi tauhohenga pāwera kino, wawe rānei ki a koe i tētahi kano ārai mate, werohanga rānei i mua, kōrero ki tō kaituku kano i tō taenga atu ki tō toronga tuku kano ārai mate.

Mēnā ka pā tētahi tauhohenga i te wā ka whiwhi koe i te kano ārai mate KOWHEORI-19, ka tau atu tētahi kaimahi hauora ki te tiaki i a koe.

Te whāki i ngā pānga kino

Ko te Centre for Adverse Reactions Monitoring (CARM) he pātengi raraunga o ngā mōhiohio mō ngā tauhohenga kino (pānga kino) ki ngā rongoā me ngā kano ārai mate i Aotearoa.

Ka aroturuki a CARM i tēnei mōhiohio ki te tautuhi i ngā take hei āwhina i te whakamahinga haumaru me te tūtohu rongoā. 

Ina hiahia koe, ka taea e koe te whāki i ō pānga kino. Mā te whāki i ō pānga taha ka whai wāhi koe ki ngā raraunga e kohia ana i te ao, ā, me te āwhina ki te tautuhi i ngā tauira i Aotearoa me ngā tūpono take haumaru.

Whākina ō pānga kino ki te CARM (external link)

Ngā pānga kino i whākina i Aotearoa (external link)