Me pēhea te rapu i ngā mōhiohio pono me te kaupare i ngā tāwaretanga | How to find trustworthy information and avoid scams

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Haere ki Book My Vaccine waea atu rānei ki te COVID Vaccination Healthline ki te whakarite tāpui.

He nui ngā mōhiohio kei te ipurangi me ngā pae pāpori mō ngā kano ārai mate KOWHEORI-19. Ka toremi pea te tangata, ā, he uaua ki te rapu i ngā kōrero pono. Me whakarite koe i tō whiwhinga mōhiohio mai i ngā puna e whakaponotia ana, ā, kaua e toha i ngā mōhiohio kia mōhio rawa koe he pono.

Ki hea rapu ai i ngā mōhiohio horopū

Ka kitea e koe ngā mōhiohio horopū, i takea i runga i ngā mahi pūtaiao hoki, i ēnei wāhi:

Te Manatū Hauora

Ko Te Manatū Hauora te kaiārahi o te pūnaha hauora, hauātanga hoki o Aotearoa, ā, nōna te kawenga whānui mō te whakahaeretanga me te whanaketanga o taua pūnaha.

Ngā kano ārai mate KOWHEORI-19 - Te Manatū Hauora (external link)

The Immunisation Advisory Centre (IMAC)

He rōpū whakahaere ā-motu a IMAC e noho ana ki te School of Population Health i Te Whare Wānanga o Tāmaki Makaurau. E whakarato ana i ngā mōhiohio motuhake, pono hoki i poua iho ki ngā rangahau pūtaiao o te ao me Aotearoa mō ngā mate ka kauparetia e te kano ārai mate, me ngā hua me ngā mōreareatanga o te tuku awhikiri.

The Immunisation Advisory Centre (external link)

Te Whakahaere Hauora o te Ao (WHO)

He umanga te WHO nā Te Rūnanga Whakakotahi i ngā Iwi o te Ao, ā, nōna te kawenga mō te hauora tūmatanui ā-ao.

Ngā kano ārai mate KOWHEORI-19 - WHO (external link)

Ngā tāwaretanga kano ārai mate KOWHEORI-19

Tērā ētahi āhuatanga matua me mōhio rawa koe mō te kano ārai mate e pā ana ki ngā tāwaretanga:

  • E kore rawa koe e tonoa kia utu mō te kano ārai mate, te uru rānei ki te whakapūmau i tō tūranga tūtira.
  • Ko ngā mōhiohio ōkawa mō te kano ārai mate ka ahu mai i ētahi kaiwhakarato pono o ngā kōrero hauora, pēnei i Te Manatū Hauora, Unite against Covid-19, tō poari hauora ā-rohe (DHB).
  • E kore tētahi kaimahi hauora e toro atu ki a koe i tō kāinga ki te tuku kano ārai mate, māna, i whakaritea ki a koe i mua.
  • E kore koe e tonoa mō ō mōhiohio whaiaro mā te pātuhi, īmēra rānei. Ina kite koe, ripoatahia ki a CERT NZ, ā, kaua e whakautu ki te karere.
  • Ina whiwhi īmēra, waea, SMS rānei e tono ana i a koe mō ngā taipitopito ā-tahua e pā ana ki te kano ārai mate, he tāwaretanga tērā. Me wawe te ripoata ki a CERT NZ

Ina kite koe i ētahi kōrero teka mō te kano ārai mate, ripoatahia ki a CERT NZ (external link)

Waihoki, ka taea e koe te waea ki a rātou i te 0800 237 869.

Rapua ētahi atu kōrero mō ngā tāwaretanga KOWHEORI-19 (external link)