Pēhea te mahi o te kano ārai mate KOWHEORI-19 | How the COVID-19 vaccine works

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Haere ki Book My Vaccine waea atu rānei ki te COVID Vaccination Healthline ki te whakarite tāpui.

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Ina whiwhi kano ārai mate koe, e tiaki ana koe i a koe anō, me te whakaiti i te mōrearea tuku i te KOWHEORI-19 ki tō whānau, ō hoa me te hapori.

Kia whiwhi koe i ngā werohanga e rua, ka tino heke tō tūpono pānga ki te māuiui taumaha.

Ka mahi te kano ārai mate mā te whakaako i tō pūnaha awhikiri ki te aro atu, ki te ārai atu hoki i te huaketo.

I konei ka kitea e koe ngā kōrero nui mō te mahi o kano ārai mate.

Ngā kano ārai mate mRNA

Ko te kano ārai mate Pfizer he kano ārai mate mRNA Kei roto ko te waehere ā-ira mō tētahi wāhanga nui o te huaketo SARS-CoV-2 (KOWHEORI-19) e kīia nei ko te 'pūmua koikoi'. Ko nga pūmua koikoi ngā tara iti i runga i te mata o te wheori.

Kia whiwhi koe i te kano ārai mate, ka pānuitia e tō tinana te waehere ā-ira, ā, ka tango kape o te pūmua koikoi.

Ka kitea e tō pūnaha awhikiri ēnei pūmua koikoi, ā, ka ako ki te āhukahuka, me te whawhai i te KOWHEORI-19. Ka mōhio ia me pēhea te whakaeke i te huaketo hei ārai i te horapatanga ki tō tinana.

Kātahi ka wāwāhitia te waehere ā-ira mai i te kano ārai mate, ka tere, ka māmā hoki te tangohia e tō tinana. 

Ngā āhuatanga nui me mōhio koe mō te kano ārai mate mRNA

E kore te kano ārai mate e tuku i te KOWHEORI-19 ki a koe

Kāore ngā kano ārai mate mRNA e puri i te huaketo e tuku ana i te KOWHEORI-19, tētahi atu huaketo ora, mate, whakaweto rānei.

E kore e pā kinotia tō DNA e te kano ārai mate.

Kāore he painga, he tauwhitiwhiti ranei ki ō DNA, ki ō ira ranei. e kore e uru ngā kano ārai mate mRNA ki te puku o te pūtau, kei reira e mau ana ō tātau DNA.

Kua aua atu ngā tau e whanaketia ana ngā kano ārai mate mRNA

I whanaketia ngā kano ārai mate mRNA mā roto i ngā mahi ngātahitanga ā-ao nui.

Kua rangahau, kua mahi hoki ngā kairangahau i ngā kano ārai mate mRNA mō ngā tau maha. Kei roto i tēnei ko ngā rangahau o ngā kano ārai mate rewharewha, Zika, rabies me te cytomegalovirus (CMV).

Kua rangahaua hoki e ngā kaipūtaiao ngā pokenga mate korona i mua pēnei i te SARS me te MERS. Nō te tautuhitanga o ngā kaipūtaiao i te mate korona e puta ai te KOWHEORI-19, i tere tā rātou urutau i ngā hangarau mō te KOWHEORI-19.

Ahakoa he hangarau āhua hou tēnei, i whāia tonutia ngā tikanga arowhai haumaru me ngā waehere.

Kei roto hoki ko ngā whakamātautau haumanu ā-ao hei āwhina ki te whakaatu i te kaha ārai pokenga me te haumarutanga o te kano ārai mate.E whakamahia ana te kano ārai mate Pfizer puta noa i te ao, ā, e haere tonu ana, ngā mahi aroturuki tata mō tōna whaihuatanga me te haumarutanga.

Last updated: