Te werohanga kano ārai mate me tō mahi | Vaccination and your job

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Haere ki Book My Vaccine waea atu rānei ki te COVID Vaccination Healthline ki te whakarite tāpui.

Ko te nuinga o ngā mahi i Aotearoa i te wā nei ka taea e ngā tāngata kāore anō i whiwhi kano ārai mate.

Rapu ka aha mēnā ko te mahi e mahi ana koe, me oti i tētahi kaimahi kua whiwhi kano ārai i te mate KOWHEORI-19.

Me tiaki tō kaituku mahi i tō matataputanga

Kāore e taea e tō kaitukumahi te tuku mōhiohio mō tō tūnga werohanga kano ārai mate ki tētahi atu, māna kua whakaae koe kia pērā, māna rānei he okotahi kei raro i te Ture Matatapu.

Ehara i te mea me whāki koe ki tō kaitukumahi kua werohia koe ki te kano ārai mate. Ina whakatau koe kia kaua e werohia ki te kano ārai mate, ehara i te mea me whāki koe he aha ai.

Mēnā kei roto koe i tētahi tūranga mahi me oti i tētahi kaimahi kua werohia e te kano ārai mate, engari kāore tonu koe i te hiahia whāki i tō tūnga werohanga kano, ka taea e tō kaituku mahi te kī he whiwhinga-kore koe i te kano, engari me kōrero ia ki a koe e pērā ana ia.

Mēnā ko āu mahi e tika ana kia mahia e tētahi kaimahi whai kano ārai mate

Mēnā e whakaaro ana tō kaituku mahi tērā ētahi mahi hei mahi mā ngā kaimahi whai kano ārai mate anake, i runga anō i ngā take hauora me te haumaru, me whakahaere ia i tētahi aromatawai mōrearea mō te whakaraerae KOWHEORI-19. Ko tēnei aromatawai me oti i te taha o ngā kaimahi, ngā uniana me ētahi atu māngai.

Me whai whakaaro te aromatawai morearea:

  • ki te tūponotanga whakaraerae o ngā kaimahi ki te KOWHEORI-19 i te wā e mahi ana i taua mahi
  • ngā tūpono pānga o tērā - hei tauira, te rere ā-hapori.

He aratohu āmiki atu tā WorkSafe mō ngā aromatawai mōrearea.

Te aromatawai mēnā e tika ana kia mahia taua mahi motuhake e tētahi kaimahi whai kano ārai mate. (external link)

Ka hāngai tonu ngā takohanga ture mahi o nāianei. Arā:

  • te whakarerekē i ngā tikanga me ngā here o te mahi mā te whakaaetanga
  • te whakawhitiwhiti whakaaro i runga i te pono
  • te karo i te whakahāweatanga takahi ture o ngā kaimahi i runga i te tūnga werohanga kano ārai mate
  • te kore e whai i ngā mahi ka tūpono whakararu tikakore i ngā kaimahi i runga i te āhua o te tūnga werohanga kano ārai mate.

Te mahi i te taiao rohenga whenua, Noho Taratahi mōrearea teitei rānei

Ahakoa ehara te kano ārai mate i te āhuatanga whakature, ā, kei te tangata tonu te tikanga ki te whiwhi i te kano ārai mate KOWHEORI-19, ko ngā mahi katoa e kawea ana i ngā taiao MIQ, rohe whenua mōrearea teitei rānei, me oti i te hunga kua werohia ki te kano ārai i te mate KOWHEORI--19. Ka uru ngā kaimahi kāwanatanga i ngā taunga rererangi ā-ao, ngā wāpu me ngā rererangi.

Tērā ētahi okotahi ki tēnei. Hei tauira, ka taea e te tangata kore kano ārai mate te uru atu me te mahi i ngā wā me ngā wāhi hei whakaora, hei tiaki rānei i te oranga o te tangata, te hauora me te haumaru i te wā o te ohotata; mēnā rānei e whakamanahia ana i raro i te ture.

Ngā whakaritenga kano ārai mate mā ngā kaimahi i ngā taiao rohe whenua mōrearea teitei

Me pēhea te whakatau i tētahi tohenga

Mēnā kaore kōrua ko tō kaituku mahi i te whakaae tahi mō te āhuatanga o ngā mahi hei whakaoti mā te kaimahi kua whai kano ārai mate anake, ka āhei koe ki te toro atu ki te Ratonga Whakatau Wawe. E tāpae ana i tētahi tukanga kore utu, ōpaki hoki e whakamātau ana ki te whakatau i ngā take.

Ratonga Whakatau Wawe (external link)

Ētahi atu mōhiohio

Te kano ārai mate KOWHEORI-19 me te mahi - Employment NZ (external link)