Te tono mō te werohanga wawe KOWHEORI-19 | Applying for an early vaccination

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Haere ki Book My Vaccine waea atu rānei ki te COVID Vaccination Healthline ki te whakarite tāpui.

Rapu me aha koe ina hiahia tono koe mō tētahi werohanga wawe kia pai ai te haere ki tāwāhi i runga i ngā take ngākau aroha, mō tētahi take nui ki te motu rānei.

Kāore e taea e koe te tono mō te werohanga wawe mō ētahi atu take.

Rapu āhea taea ai e koe te whiwhi i te kano ārai mate

Te haere ki tāwāhi i runga i ngā take ngākau aroha

Ka taea e koe te tono mō te werohanga wawe i runga i ngā take ngākau aroha mēnā ka hiahia koe ki te haere ki tāwāhi ki:

  • te whakauru atu ki te tiakanga hauora nui kāore e wātea ana i Aotearoa, mōu, mō tētahi uri rānei (hei tauira, tō tamaiti)
  • te toro atu ki tētahi mema o te whānau kua tata mate
  • te whakarato i te tiakanga nui me te āraitanga mō tētahi uri.

Mēnā e haere ana koe ki tāwāhi i mua i te 31 o Hereturikōkā, ka taea e koe te tono tuihono mō tētahi kano ārai mate wawe mā te paetukutuku Manatū Hauora.

Te haere mō ngā take nui ki te motu

Ākene pea ka māraurau koe mō tētahi kano ārai mate wawe mēnā e hiahia ana koe ki te haere ki tāwāhi ki:

  • te ārai i te haumarutanga o te motika o Aotearoa ki te tū hei kāwanatanga mōna anō
  • te uru atu ki ngā mahi atawhai tangata kua whakaaetia e te Kāwanatanga hei wāhanga o ngā pūmautanga o Aotearoa ki te tuku āwhinatanga take tāwāhi, ngā urupare aitūa ā-ao, te tautoko rānei i ngā iwi o Te Moana-nui-a-Kiwa ki te whakaora mai i te urutā KOWHEORI-19
  • te uru atu ki ngā taiopenga nui o te ao, e matea ai te hāereere hei kanoni mō Aotearoa
  • te uru atu ki ngā whiriwhiri kōrero tauhokohoko nui ā-motu.

Me tono rawa te tari hāngai, rōpū rānei mōu.

Nga tono mō te kano ārai mate wawe (external link)