Ā muri i te whakatōnga o te kano ārai mate | After your immunisation

Ko te kano ārai mate KOWHEORI-19 he kore utu, he mahi tūao, ā, e wātea ana ki ngā tāngata katoa o Aotearoa kei tua i te 12 tau te pakeke.

Haere ki Book My Vaccine waea atu rānei ki te COVID Vaccination Healthline ki te whakarite tāpui.

Ngā āhuatanga pea ka pā Ngā mea hei āwhina i te mamahutanga Te wā pea ka tīmata
Ka pā te mamae ki te wāhi i werohia
ai, ka ānini te māhunga, ka rongo
i te ngenge, i te ruha rānei. Koinei
ngā mate āpiti ka whākina nuitia.
Whakatakotohia he papanga makariri, e
mākū ana, he pēke tio rānei ki runga i te wāhi i werohia ai mō te wā poto.

Kaua e muku, kaua hoki e mirimiri i te wāhi i werohia ai.
I roto i te 6 ki te 24 hāora
Ka mamae pea ngā uaua, ka māuiui
noa iho nei, ka pā te hūwiniwini, te
kirikā, te mamae o ngā ponapona,
ka whakapai ruaki hoki pea.
Me whakatā, ā, me kaha te inu.

E pai ana kia kainga te Paracetamol, te ibuprofen rānei, whāia ngā tohutohu a te kaihanga o aua pire.

Tonoa he kupu ārahi i tō mātanga hauora ki te kino ake ō tohumate.
I roto i te 6 ki te 48 hāora

Pēnei i ngā rongoā katoa, tērā pea he mate āpiti ka pā atu ki ētahi tāngata. Koinei tā te tinana urupare
māori atu, ā, he tohu tēnei kei te whaihua te kano ārai mate.

I te nuinga o te wā, he māmā noa iho te pānga, ka mutu kāore e roa taua pānga, ā, ehara i te mea mā ērā e aukati tō whai i te tuarua o ngā kano ārai mate, e whakararu rānei ō mahi o ia rā.

Ka nui ake pea ngā uruparenga i muri i te kainga tuarua o te rongoā ārai mate.

Ka pāngia pea e ngā uruparenga kino rawa, engari, ruarua noa iho ngā wā e pēnei ana. Kua whakangungua ngā kaituku rongoā ārai mate ki te whakatikatika, te āwhina hoki ina pāngia te tangata e ēnei āhuatanga.

Nā ngā uruparenga ka pāngia pea mō te wā poto tō āhei ki te taraiwa, te whakamahi rānei i ngā pūrere. Ki te puta tēnei āhuatanga, tēnā, kōrero ki tō kaitukumahi.

Ki te pāngia koe e ngā tohumate e whai pānga ana ki te KOWHEORI-19, pērā ki te maremare mutunga kore, he kirikā, he rerekē, ka ngaro rānei tō rongo ā-waha, ā-ihu rānei, me noho koe ki te kāinga ka whakamātauria ki te whakamātau KOWHEORI-19.

Ki te raru pokanoa koe ki te wero KOWHEORI-19, me tuku pūrongo tō kaiwero ārai mate, mātanga hauora rānei ki te Centre for Adverse Reactions Monitoring (CARM).

E taea ai hoki te whakapūrongo i ngā uruparenga pokanoa ki tō rātou puka pūrongo ā-ipurangi kei runga i te paetukutuku o CARM otago.ac.nz/carm (external link).

Mehemea kāore koe i te tino mōhio he aha te tikanga o ngā tohumate, ki te kaha ake rānei, me kōrero ki tō Tākuta, waea atu rānei ki Healthline i 0800 358 5453.

Mehemea kei te āwangawanga koe ki tō haumarutanga, waea atu ki 111 me te maumahara ki te kī atu kua whiwhi koe i tō wero ārai mate KOWHEORI-19, kia pai ai tā rātou aromatawai i a koe.

He mea tiaki hoki te rongoā ārai mate i te tangata katoa ahakoa te pakeke ki ngā mate mau noa hoki, pērā ki te karawaka me te rewharewha.

Tirohia kua whiwhi katoa koutou ko tō whānau i ngā wero ārai mate mā te kōrero ki tō kaiwhakarato hauora.

Me haere ki health.govt.nz/immunisation (external link) mō ētahi atu kōrero.

Me tatari mō te rua wiki rawa i muri i tō kainga tuarua o te wero KOWHEORI-19 i mua i ētahi atu wero ārai mate.