Te noho i te pae 4 | Living at Level 4

Mehemea kua pāngia koe e ngā tohumate o te maremare, te rewharewha, te KOWHEORI-19 rānei, e noho ki te kāinga, ka waea-utukore ai ki Healthline mā te 0800 358 5453, ki tō tākuta rānei ki te tuku pātai e pā ana ki te whakamātautau. Kia mahara ake, kāore he utu o te whakamātautau.

Mēnā he ohotata tōu, kia wawe tonu te waea atu ki 111.

Mō te Pae Mataara 4 me:

  • noho koe ki te kāinga, atu i te koringa mōu ake me whai
  • tapu tō miru. He mea nui te tiaki i ngā tāngata i tō miru
  • 2 mita te tawhiti i ngā tāngata o miru kē atu i a koe e wehe atu ana i te kāinga ki te koringa mōu ake
  • haere ki te papa tata ki a koe ki te kori
  • haere ki te hokomaha tata ki a koe
  • mahi, ako hoki mai i te kāinga. Ko ētahi kaimahi anake e āhei ana ki te haere ki te mahi, engari he taumaha ngā here i runga i tēnei.
  • mau ārai kanohi i ngā waka kawe pāhihi tūmatanui, i ngā wāhi wehenga, i ngā rerenga, i roto tēkehi, waka tiri rānei, i ngā whare hauora me ngā pakihi e tuwhera tonu ana. E whakahaua ana kia mau hoki tētahi ina uaua kē te tū tīrara.
  • auau te horoi, te whakamaroke hoki i ō ringaringa. He mea nui kia auau te whai i ngā tikanga akuaku noa, tae atu ki te horoi ringaringa, te mare, te tihe rānei ki tō tuke, te whakapai hoki i ngā papa.
  • whai i ngā wāhi i tae atu ai koe mā te taupānga Whaiwhai KOWHEORI o Aotearoa, mā te puka Whaiwhai KOWHEORI-19, mā te tuhituhi noa rānei. He āwhinatanga tēnei e wawe ai te whaiwhai pānga mēnā e hiahiatia ana.

Pāwhiri ki konei mō ngā kōrero mō te huaketo me ngā tohu o te KOWHEORI-19

Pāwhiri ki konei mō ngā kōrero mō te whakamātautau

Pāwhiri ki konei mō ngā kōrero mō te whaiwhai Hono Iarere

Haere kia whiwhi koe i tō kano ārai mate mēnā he tāpuitanga tōu

Ka taea tonu e koe te whiwhi kano ārai mate i te Pae Mataara 4 mēnā he tāpuitanga tōu. E tuwhera tonu ana ngā whare kano ārai mate. Ka mahi tonu rātou i raro i ngā herenga o te Pae Mataara 4. E akiaki ana mātou i a koe kia whiwhi i te kano ārai mate kua oti kē te whakamahere.

Me mau Maruhā

I te Pae Mataara 4, kua whakaturehia te mau maruhā:

  • i runga waka tūmatanui me ngā wāhi wehenga, hei tauira, tūranga tereina pahi hoki
  • i te wā e toro atu ana ki ngā whare hauora
  • i ngā pakihi e tuwhera tonu ana, he pānga ā-kiritaki, pēnei i ngā hokomaha, kēmehi, me ngā toa penehīni.

E akiakitia ana te mau maruhā i ngā wā e wehe atu ai koe i te kāinga.

Pāwhiri ki konei mō ngā kōrero mō ngā maruhā me ngā ārai kanohi

Ngā nekehanga e whakaaetia ana i te Pae Mataara 4

He whāiti ngā haerenga e āheitia ana i te Pae Mataara 4 i tua atu i ngā take e whakaaetia ana i raro nei. Mēnā e haere ana koe mō tētahi take e whakaaetia ana, kāore e hiahiatia ana tētahi atu momo whakaaetanga ki te hāereere. Engari me mau haere tonu koe i tētahi taunakitanga o tō take hāereere.

Mēnā he tohumate KOWHEORI-19 āu, i tata koe ki tētahi i whakamātauria e pāngia ana e te KOWHEORI-19, ko koe rānei i whakamātauria e pāngia ana ki te KOWHEORI-19, kaua e hāereere - ahakoa e whakaaetia ana - ā, me noho taratahi, ka waea atu ki te Healthline mō ētahi tohutohu, ā, kia whakamātauria.

Kei te hiahia āwhinatanga?

Mēnā e raru ana koe i te whai moni, i te kai, kua raru ā-hinengaro, ā-tinana rānei, tērā he āwhinatanga hei whai māu.

Pāwhiri ki konei mō ngā kōrero āwhina i te tangata takitahi

Pāwhiri ki konei mō ngā kōrero āwhina i ngā pakihi

Last updated: