Te noho i te pae 3 | Living at Level 3

12 o Whiringa-ā-nuku 2021

Kei te Pae Mataara 3 tonu a Tāmaki Makaurau, ahakoa kua whakamāmātia ētahi o ngā here.
Ināianei ka taea e koe:

  • he huihuinga pāpori i waho me ngā whare e rua, atu ki te 10 tāngata.
  • te hāereere puta noa i te rohe o Tāmaki Makaurau ki te mahi i ētahi atu mahi pēnei i te hahau pōro, te whakangau, te whakatere waka, te hī ika, te ruku, wakareti wai, me te rere ā-ngahau. I te mōrahi o ngā whare e rua, tokorua anake ngā tāngata e āhei ana ki te hui tahi.
  • te haere ki ngā karaehe kori ā-waho (pēnei i te yoga) me te mōrahi o te 10 tāngata (e pai ana mēnā nō ngā whare rerekē), ka uru hoki te kaiako. Me mau tonu i te 2 mita o te tū tīrara.

Ka taea e ngā tamariki te hoki ki ngā whare ako kōhungahunga, me te mōrahi o te 10 tamariki i ia kāhui rāhui. Me mau ārai kanohi ngā mātua me ngā kaitiaki i te wāhi kohi, whakataka hoki.

Ka rerekē pea ēnei here i runga anō i te āhua o ngā tohutohu hauora tūmatanui.

Rapua ngā mōhiohio hou rawa mō ngā tautuhinga Pae Mataara 3 o Tāmaki Makaurau

Mehemea kua pāngia koe e ngā tohumate o te maremare, te rewharewha, te KOWHEORI-19 rānei, e noho ki te kāinga, ka waea-utukore ai ki Healthline mā te 0800 358 5453, ki tō tākuta rānei ki te tuku pātai e pā ana ki te whakamātautau. Kia mahara ake,kāore he utu o te whakamātautau.

Mēnā he ohotata tōu, kia wawe tonu te waea atu ki 111.

I te Pae Mataara 3 me:

  • 2 mita te tawhiti atu i ētahi atu mēnā kei waho i te kāinga, 1 mita rānei i ngā wāhi mahi.
  • Mau ārai kanohi mēnā:
    • he pakeke ake koe i te 12 tau, i ngā wāhi rō whare tūmatanui pēnei i ngā whare pukapuka, whare taonga me ngā mōro.
    • he kaimahi koe e anga atu ana ki te kiritaki i ētahi whare manaaki, whare tūmatanui rānei.
    • he uaua te tū tīrara (ehara i te ture engari e tino whakahaua ana).
  • Whai haere i ngā wāhi kua tae koe, ngā tāngata kua kite koe hoki. Whakamahi i te taupānga NZ COVID Tracer, te puka NZ COVID tracer, ngā tuhipoka rānei.
  • Noho kāinga mēnā e māuiui ana. Kaua e haere ki te mahi, te kura rānei. Kaua e whakawhanaunga.
  • Waea atu ki a Healthline ki te whakarite whakamātautau mēnā e whakaatu ana koe i ngā tohumate o te KOWHEORI-19. Ina whiwhi koe i te whakamātautau KOWHEORI-19, me noho mohoao i te kāinga, kia puta rā anō ngā hua.
  • Wawe te noho mohoao mēnā koirā te whakahau.
  • Auau te horoi, te whakamaroke hoki i ō ringa.

Rapu kōrero atu anō mō:

Tō kāhui rāhui

I te Pae Mataara 3, e herea ana koe e te ture ki te noho i tō kāhui rāhui kāinga mēnā kāore koe i te mahi, te kura rānei.

Ko tō kāhui rāhui kāinga te rōpū tāngata he whakapānga ā-tinana tāu ki a rātou i ia rā. I te Pae Mataara 3, ka uru hoki te hunga e noho tahi ana i tō kāinga, ā, mēnā e tika ana, ngā whānau tata, te hunga mohoao, kaitiaki rānei. Me noho whāiti tonu tō kāhui rāhui.

E kore e taea te pōhiri hoa, whānau rānei kāore i roto i tō kāhui rāhui, kia haere ki tō kāinga.

Te tūtaki ki ō hoa me te whānau i te Pae Mataara 3

Ngā huihuinga

E whakaaetia ana ngā huihuinga o te 10 tāngata iti ake rānei, heoi anō, mō ngā mārena, ngā nehunga me ngā tangihanga anake. Ā-ture nei me tū tīrara, me whai hoki i ngā tohutohu hauora tūmatanui.

Rapua ētahi atu kōrero mō ngā huihuinga i te Pae Mataara 3

Te Hāereere me ngā Nekehanga

He tepenga tō ngā nekehanga whaiaro, pakihi hoki i te Pae Mataara 3, i waenga hoki i ngā rohe Pae Mataara 3 me ētahi atu rohe Pae Mataara. Hei āwhina tēnei ki te aukati i te horahanga o te huaketo.

Kua whakaaetia ētahi haerenga pakihi, hei tauira e mahi ana koe mō tētahi pakihi, ratonga rānei kei te Pae Mataara 4.

E whakaaetia ana ētahi haerenga whaiaro, hei tauira, mō ngā take hauora, ngā ohotata, te tuku manaaki, tautoko rānei ki tētahi atu e noho whāomoomo ana e whai mate tuamatanga ana rānei, e tiri ana i te tiakanga tamariki rānei. 

Mēnā e haere ana mō ngā take kua whakaaetia, me kawe koe i te taunakitanga tika.

Mēnā kāore e whakaaetia ana tō take haere, ka taea e koe te tono whakawāteatanga. Me tutuki i tō tono ētahi paearu e hāngai ana.

Rapua he kōrero anō mō te hāereere, te nekehanga me ngā whakawāteatanga

Te kori tinana me te rēhia

I te Pae Mataara 3, ka taea e koe te kori takitahi i tō rohe tata, i te taha o ētahi atu hunga rānei o tō kāhui rāhui kāinga.

Ko te mea nui katoa kia noho haumaru, kia noho tata ki tō kāinga. Haere ki tō paparēhia, ākau tata rānei, kaua ki tō mea kaingākau. Me kuhu ki ngā mahi mōrearea iti, kāore nei e hiahiatia ana ngā ratonga whakaora, hauora rānei.

Ngā hākinakina me ngā mahi a rēhia i te Pae Mataara 3

Ngā maruhā me ngā ārai kanohi

Me mau ārai kanohi i ētahi tū wāhi, tae atu ki ngā waka tūmatanui, te toro i ngā whare hauora, i ngā hokomaha me ētahi atu wāhi tūmatanui.

E akiaki ana hoki mātou i a koe ki te mau ārai kanohi, me te noho kia 2m te tawhiti i ētahi atu i tō wehenga i te kāinga. Inarā mēnā he uaua ki te noho tawhiti i ētahi atu. Hei tauira, i te kohinga o ngā ō rangaranga.

Rapua ngā wā me mau ārai waha koe

Te tautoko mō te kai me te noho

Mēnā raru ana koe ki te taha pūtea, kai, tō oranga hinengaro, tinana rānei, tērā pea he tautoko e wātea ana.

Pāwhiri ki konei mō ētahi mōhiohio mō ngā tautoko mā te tangata kotahi

Pāwhiri ki konei mō ētahi mōhiohio mō ngā tautoko mā ngā pakihi

Te Mātauranga

E tuwhera ana ngā whare kōhungahunga, ngā kura me ngā pūtahitanga mātauranga matua mā ngā tamariki i raro i te 14 tau te pakeke, a ngā mātua me ngā kaitiaki ka mate ki te hoki ā-kanohi ki te mahi anake. E pai ana kia hoki ēnei tamariki ki te kura, ā, ka whakaritea ngā kāhui rāhui iti o ngā ākonga me ngā kaiako.

Ngā wāhi tūmatanui

Kua katia nga wāhi tūmatanui. Ka uru ki tēnei ngā whare pukapuka, ngā whare taonga, ngā whare pikitia, ngā wāhi kai, ngā whare kori tinana, ngā puna kaukau, ngā paparēhia me ngā mākete.

Ehara tēnei i te wā hou ki te kuhu ki ētahi mahi hou, te whakaraerae rānei i a koe, tō kāhui rāhui rānei ki te mōrearea. Ka taea ngā mahi rēhia mōrearea iti i tō rohe paetata.

Ngā wāhi mahi me ngā pakihi

I te Pae Mataara 3, me mahi te katoa mai i te kāinga mēnā ka taea. Mēnā he pānga tata ā-tinana kei roto i ngā mahi a tō pakihi, e kore e whakaaehia kia tuwhera.Ka taea e ērā atu pakihi te mahi, engari tērā ngā here. Arā:

  • ngā here tū tīrara
  • kia nui ake ngā tikanga akuaku
  • te horoi me te paturopi auau i ngā mata tiri
  • te whiwhi i ngā kōwhiringa pānga kore mō te tono, te tiki, te kawe me te utu.
  • te whakarite i te maunga a ngā kaimahi, ngā kiritaki me ngā manuhiri i ngā ārai kanohi mēnā e tika ana. 

He iti noa ngā pakihi e āhei atu ai ngā kiritaki te toro atu ki ō rātou wāhi mahi, rapua ko ēhea aua pakihi. Me tutuki hoki i ngā pakihi te katoa o ngā here hauora me te haumaru, te tiaki i ngā kaimahi, ā, me te whakatutuki i ngā paerewa tuku mahi mōkito rawa. E ākina ana ngā pakihi ki te kōrero ki ngā kaimahi ki te tautuhi i ngā mōreareatanga me ngā huarahi whakahaere i aua mōreareatanga

Te pupuri whakature i ngā mauhanga mā ngā pakihi me ngā ratonga

E ai ki te ture, me whai tukanga ngā pakihi me ngā kaiwhakarite taiopenga e taea ai te rekoata i tō toronga. Me whai huarahi nui atu i te kotahi mō te pūrongo i te toronga o te tangata, inarā mō te hunga kāore e taea e rātou te matawai i ngā waehere QR.

Ka uru ki tēnei ngā whare kawhe, ngā whare kai, ngā wāhi inu waipiro, ngā whare petipeti, ngā kōnehete, ngā whare kaumātua, ngā whare hauora (hāunga ngā tūroro), ngā kaikuti makawe, ngā whare kori, whare kanikani, whare pukapuka, kōti, tari kaunihera, kāwanatanga hoki, me ngā kaituku ratonga pāpori e whai wāhi taupaepae ana.

Koinei ētahi momo rekoata i tō toronga:

  • te pātai i te tangata kia matawai mā te taupānga NZ COVID Tracer
  • te rekoata ā-ringa i ngā taipitopito a ō kiritaki, manuhiri hoki.
  • te whakarato puka tuhi hei whakakī mā ngā kiritaki me ngā manuhiri ki ō rātou taipitopito, ā, ka rau ki tētahi pouaka kohi
  • mā te whakamahi ō pūnaha puri rekoata, pēnei i te āheinga kāri miri, te whakarite tāpui rānei.

Me haere tonu te mahi a ngā pakihi ki te whakaatu i te tohu waehere QR, ahakoa kāore e hiahiatia ana ki te kohi i ngā rekoata kiritaki.

He mōhiohio whaiaro ngā rekaota whakapā. Me haumaru te kohi, te whakamahi, te puri, te whāki, ā, me te porowhiu i runga anō i ngā tikanga o te Privacy Act 2020. 

He nui ake pea ngā hiahia haumaru o ngā pūnaha rekoata rerekē.

Pāwhiri ki konei mō ngā mōhiohio e pā ana ki te puri rekoata me te whaiwhai i te pātanga mā ngā pakihi

Ngā ratonga ohotata i ngā Pae Mataara katoa

Ka mahi tonu ngā ratonga ohotata i ngā Pae Mataara katoa

Ina pā he ohotata, whāia ngā aratohu ohotata whānui, tohutohu rānei mai i ngā mana ohotata. Ko tō haumarutanga te mea nui.

Kia haumaru koe, whāia ngā whakatūpato ki te ārai i te horanga o te KOWHEORI-19, pēnei i te tū tīrara, te mau ārai kanohi rānei.

Mēnā he mōreareatanga ki tō oranga, kāinga rānei, me waea ki 111 ka tono i te Pirihimana, Whakaratonga Iwi, Waka Tūroro rānei.

Rapu me aha koe i te wā o te ohotata

Last updated: at