Tautoko mā te takitahi me ngā whānau | Support for individuals and families

Kimihia ngā mōhiohio mō te tautoko ā-pūtea, ā-oranga hoki hei te wā o te urutā KOWHEORI-19.

Āwhina ki te moni

Utauta tautoko ā-pūtea KOWHEORI-19

Ka taea e koe te whakamahi i te utauta tautoko ā-pūtea KOWHEORI-19 ki te kimi he aha te āwhinatanga ā-pūtea e wātea ana ki a koe. Kei te wātea anake tēnei utauta i te reo Ingarihi.

Ka uia ki a koe ētahi pātai kia mōhio ai ki ō āhuatanga whaiaro:

  • tō tūnga mahi, hei tauira te korenga o tō tūranga mahi nā te KOWHEORI-19
  • tō āhuatanga, hei tauira, kāore e taea e tō pakihi te whakahaere mahi
  • mēnā kua whakaitia e tō wāhi mahi te mahi me te hua moni.

Hei reira ka whakaatu te utauta ki a koe he aha ngā āwhinatanga, tautoko ā-pūtea hoki ka āheitia e koe, ā, ki hea koe tono ai, rapu ai i ētahi atu mōhiohio.

Whakamahia te utauta tautoko ā-pūtea KOWHEORI-19

Ngā utu waiwai

Mēnā i whakakorehia tō tūranga mahi, i whakahekea rānei ō hāora mahi, tērā pea ka taea e koe tētahi penihana, tētahi atu āwhinatanga ā-pūtea mai i Te Hiranga Tangata.

Ka taea e Te Hiranga Tangata te āwhina ki ngā utu kōhukihuki pērā i:

  • te kai
  • utu nohonga, hei tauira te rēti, mōkete rānei, utu noho, whare ohorere, te neke ki tētahi whare hōu
  • te whakatika, whakahōu rānei i ngā pūrere
  • te maimoatanga niho ohotata
  • te maimoatanga hauora ohotata
  • te whakakī anō i te taika wai

Tautoko ā-pūtea, paearu māraurau, me pēhea te tono i te paetukutuku a Te Hiranga Tangata (external link)

Ka taea hoki e koe te waea ki Te Hiranga Tangata i 0800 559 009 (external link).

Ngā tohutohu mō ērā e pōkaikahatia ana e ngā take pūtea

Mēnā kei te māharahara koe mō tō āhei ki te utu i ngā pūtea tārewa nā te KOWHEORI-19, me whakapā wawe atu koe ki tō pēke, pakihi tuku pūtea rānei.

Ka mahi ngā pēke me ētahi atu kaituku moni ki ngā kiritaki e taumahatia ana ā-pūtea. He mana ā-ture tō ngā kaimino ki te tono i ētahi panonitanga ki ā rātou utunga. Tērā ētahi kōwhiringa e wātea ana hei āwhina i a koe i tēnei wā taumaha. 

He kupu tohutohu whakamahere pūtea, whakarite pūtea hoki

Ka taea e ngā ratonga e tautokotia ana e te kāwanatanga a Sorted me MoneyTalks te āwhina ki te whakarite mahere pūtea, ētahi atu kupu tohutohu ā-pūtea rānei.

Mā Sorted koe e āwhina ki ngā tohuāki, ngā aratohu me ngā utauta tautoko ā-tuihono, ka taea rānei e koe te īmērā ki office@sorted.org.nz

Pānuitia ētahi atu mōhiohio i te paetukutuku Sorted (external link)

Ka taea hoki e koe te kōrero ki ngā kaiāwhina pūtea i MoneyTalks.

Pānuitia ētahi atu kōrero i te paetukutuku a MoneyTalks (external link)

Penihana ohorere mēnā he kōkota rangitahi tāu

Mēnā he kōkota rangitahi tāu, ā, kāore e taea te tautoko i a koe anō, te hoki rānei ki te kāinga nā te KOWHEORI-19, ka āhei pea koe ki te whiwhi Penihana Ohorere.

Ko te Penihana Ohorere he utunga ā-wiki hei āwhina i a koe ki ngā utu noho taketake i te wā e whakaritea ana kia hoki wawe koe ki te kāinga.

Ko wai te hunga e āhei ana?

Ka āhei pea koe ki te whiwhi i te Penihana Ohorere mēnā:

  • he kōkota rangitahi nō Aotearoa kāore anō kia tautokona, hei tauira he kōkota manuhiri, ākonga, mahi rānei
  • e tino pōhara ana, ā, kāore he huarahi tautoko kē ātu - kāore te moni hei hoko rerenga ki te kāinga e kīia ana he tautokotanga
  • tērā rānei:
    • e whakaritea ana kia hoki wawe ai koe ki te kāinga, te hoki rānei ki te kāinga,
    • kāore e taea te hoki ki te kāinga nā ngā rāhuitanga hāereere KOWHEORI-19 engari ka hoki i te wā ka wātea mai he rerenga
  • kei te whai i ngā hātepe tika katoa ki te kimi i ētahi atu huarahi tautoko, tae atu ki te kimi mahi; āwhinatanga mai i te whare māngai o tō whenua; tautoko rānei mai i te whānau, ngā hoa me ngā rōpū whakahaere i Aotearoa, i rāwāhi rānei
  • he uruwhenua whaimana tāu
  • he pūkete pēke o Aotearoa tāu
  • he tau Tari Tāke (IRD) tāu.

Ka taea te tono mō te Penihana Ohotata tae noa ki te 31 o Hereturikōkā 2021.

Rapu mēnā ka taea e koe te Penihana Ohotata, ā, me pēhea te tono (external link)

Oranga hinengaro

Ina whakaaro koe he taumaha rawa, he whaitake tonu te kōrero ki tētahi mātanga hauora.

Me pēhea te tiaki i tō oranga hinengaro

He nui nga āhuatanga e taea e tātou katoa te hiki i tō tātou oranga hinengaro me ērā o ō tātou e arohaina ana:

  • Me noho tūhono tonu ki ngā hoa me te whānau - he mea nui tēnei mō tō tātou oranga, ā, he āwhina kia noho haumaru ake, kia iti iho te pōkaikaha, me te iti iho te anipā.
  • Me whāki i ō kare ā-roto - he rongo māori noa te rongo i te wairua haukerekere, pōkaikaha, anipā, māharahara, mataku rānei. Whakawāteatia he wā e aro ai koe, e whakaputa ai koe i ō kare ā-roto.
  • Me whai tonu i ngā hātepe mēnā ka taea - me ngana ki te hanga i ngā whakaritenga auau i tō tauoranga, ā, kaua e whakapiki i ngā ritenga hauora-kore pēnei i te kai hāneanea, te inu, te kai paipa me te rehutupeka.
  • Tirohia ētahi atu tāngata e hiahia āwhina ana pea  - mā te toro atu o te ringa ki te hunga e pōkaikahatia ana pea, e māharahara ana rānei ka āwhina pea i a kōrua tahi.
  • Whakawhāitihia tō wā tuihono - kiakotahi, kia rua rānei ō tirohanga ki ngā arapāho me ngā pae pāpori i te rā.

Me kōrero koe ki a wai

E wātea ana ētahi waea āwhina e tuku tautoko, mōhiohio, āwhinatanga ana hoki mā te katoa e taumahatia ana e te oranga hinengaro. E wātea ana ngā ratonga katoa 24 hāora i te rā, 7 rā i te wiki.

Rapua he waea āwhina oranga hinengaro

Te ārai whakarekereke ā-whānau, ā-ai hoki

He pai noa iho te tono āwhina mēnā kei te mōrearea koe, tētahi atu rānei. Ki te whakaaro koe ka tūkinotia pea tētahi tangata, ka tūkino rānei i a rātau anō, waea atu ki nga pirihimana, ahakoa kāore koe i te tino mōhio.

Kia mataara tonu mō te haumarutanga me te oranga o ngā tamariki me ngā pākeke. Kōrero ki ō hoa, whānau me ngā hoa nohotata mēnā e hiahia tautoko ana koe, ki te kite rānei mehemea ka hiahia āwhina rātou. Whakamahia ngā pae pāpori hei noho tūhonohono tonu me te tiro kei te pēhea koutou.

 
Mēnā he pārurenga koe o te whakarekereke ā-whānau, ā-ai, māna he tangata rānei e whakawehi ana i a koe, e whakatumatuma ana i a koe, e whakatīwheta ana i a koe, me wawe te rapu āwhina. Kei a koe te mana kia noho haumaru.

Rapua tētahi waea āwhina whakarekereke ā-whānau, ā-ai hoki

Ētahi atu tautoko whaipainga

He maha ētahi atu ratonga tautoko me ngā ratonga taunaki hei āwhina i a koe.

Mā Te Hiranga Tangata  koe e āwhina ā-pūtea mēnā he iti ō pūtea, kāore rānei i te mahi, ka tautoko i a koe ki te rapu mahi me te āwhina ki te rapu wāhi noho.

Haere ki te paetukutuku a Te Hiranga Tangata (external link)

Me pēhea te whakapā atu ki tētahi i Te Hiringa Tangata (external link)

Waea ki: 0800 559 009 (external link)

Ko Immigration Aotearoa e tiaki ana i ngā ture manene o Aotearoa, otirā e tautoko ana hoki i tō tātou tipunga ōhanga me te whakapakari i tō tātou hononga ki ētahi atu wāhi o te ao. Ka taea e rātau te āwhina ki te whakautu pātai mō ngā kōkota.

Haere ki te paetukutuku a Immigration New Zealand (external link)

Me pēhea te whakapā atu ki tētahi i te Immigration New Zealand (external link)

Waea: 0508 558 855 (external link)

Ka taea e Ngā Pou Whakawhirinaki o Aotearoa te āwhina i a koe kia mārama ki ō motika me ō takohanga, me te tuku tautoko e matea ana ki te whakatutuki i ētahi mahi.

Haere ki te paetukutuku a Ngā Pou Whakawhirinaki o Aotearoa (external link)

Me pēhea te whakapā atu ki tētahi i Ngā Pou Whakawhirinaki o Aotearoa (external link)

Waea: 0800 367 222 (external link)

Mā Employment NZ koe e āwhina mēnā he pātai āu mō tō tūranga mahi.

Haere ki te paetukutuku a Employment NZ (external link)

Me pēhea te whakapā atu ki tētahi i Employment NZ (external link)

Waea: 0800 20 90 20 (external link)

Kei te tātai ratonga Whānau ngā mōhiohio mō ngā rōpū tautoko whānau me ngā ratonga me ngā hōtaka e whakaratoa ana e rātou hei tautoko i ngā whānau i Aotearoa.

Haere ki te paetukutuku tātai ratonga Whānau (external link)

Īmēra: updates@familyservices.govt.nz

Last updated: