He Pūtea Āwhina i Ngā Kaipakihi | Financial support for businesses

Hei āwhina i ngā tāngata kua raru i te urutā Mate Korona

  • Kua whakaritea e Te Hiranga Tangata he Tauwaea Whakaara (0800 559 009) hei manaaki i ngā hapori kua raru nei.

Hei āwhina i ngā kaipakihi kua raru i te urutā Mate Korona

  • Tērā ētahi āwhinatanga kaipakihi a Te Hiranga Tangata hei torotoro.
  • Mēnā kua kīia kia noho whakamohoao ō kaimahi, ā, kāore hoki e taea te mahi i te kāinga, ka taea e koe te tono pūtea hei utu tonu i a rātou.
  • He pārongo mō tētahi Pūtea Āwhina hou hei āwhina i ngā kaipakihi kua heke nei ā rātou moni whiwhi i runga i te huringa o ngā Pae Mataara Mate Korona.
  • Utu Ngaronga Wā Poto – E wātea ana te Utu Ngaronga Wā Poto Mate Korona ki ngā kaipakihi, tae atu hoki ki te hunga whakawhiwhi mahi mō rātou anō, hei āwhina ki te utu i ō rātou kaimahi kāore nei e taea te mahi i te kāinga i a rātou e tatari ana kia whakahokia mai ō rātou whakamātaunga Mate Korona.
  • Kaupapa Āwhina Rangi Whakatā – E whai wāhi ana ki te Kaupapa Āwhina Rangi Whakatā ko ngā kaimahi e rite ana, tae atu hoki ki te hunga whakawhiwhi mahi mō rātou anō, kāore e taea te mahi i te kāinga, ā, 
    kua pāngia nei e te momo māuiui, hei tauira, kua pāngia e te Mate Korona, kua kīia ai rānei he ‘hoa tata’, ā, me noho whakamohoao ki te kāinga mō ngā rā 14.
  • Pūtea Whakaara – He mea āwhina te Pūtea Whakaara a Te Tari Tāke i ngā kaipakihi kua raru nei i te nui haere o ngā putanga Pae Mataara.

Kei te pae tukutuku o Te Hiranga Tangata (external link) ngā kōrero mō te Pūtea Āwhina, te Utu Ngaronga Wā Poto, me te Kaupapa Āwhina Rangi Whakatā.

Kei te pae tukutuku o Te Tari Tāke (external link) ngā kōrero mō te Pūtea Whakaara.

He āwhinatanga anō ā Te Hiranga Tangata

  • He āwhinatanga kei te pae tukutuku o Te Hiranga Tangata, whakapā atu ki te pokapū i 0800 559 009 me MyMSD
  • E puare ana ngā pokapū o Te Hiranga Tangata i ngā Pae Mataara 1 me te 2, e katia ana i ngā Pae Mataara 3 me te 4.
  • Ka whakahaeretia ā-waeahia ngā whakaritenga i raro i ngā Pae Mataara 3 me te 4, i ngā wā e rite ana. Ka rite tonu ngā whakaritenga mō ngā Pae Mataara 1 me te 2.
  • Ka utua tonutia ngā utu e rite ana e Te Hiranga Tangata.
  • Ka whakamāramatia ngā utu e wātea ana i te pae tukutuku o Te Hiranga Tangata (external link). Kei te wātea hoki ēnei utu mō te hunga whakawhiwhi mahi mō rātou anō.